Te fundit
Kosovarë, po bëheni si ata…
2 Qershor 2019, 18:46Blog
TEMA
Nga Ben Andoni
Kosovarët kanë një fat të keq 20 vjet pas Luftës kundër Serbisë, që u dha lirinë e shumë pritur, pasi i nxori gati të traumatizuar nga një aksion ushtarak, ku u përdor masivisht ushtria dhe forcat paramilitare të Beogradit.
Liria nuk u pagua vetëm me gjakun e shumë të pafajshmëve por edhe me traumën e madhe psikologjike, që sot është ngulfatur. Në kohë të caktuara, kangjellat e parlamentit kosovar janë të mbushur me imazhet e fatkeqëve për të cilët nuk dihet asgjë. Nuk kanë varr, nuk dihet si janë zhdukur, nuk dihet pse duhet të eliminoheshin.
Nuk dihet…Nuk dihet… Anipse viktimat nuk janë por xhelatët janë të gjallë, madje shumë të akuzuar të Luftës japin mësim lirisht në Akademitë e Beogradit, kurse deri lidërshipi i parë serb mëton se edhe Sllobo ishte një lider i vërtetë por që pati pak gabime…(!).
Ato ‘pak’ gabime për Serbinë u konvertuan me varre ngado në ish-Federatën e Republikave të Bashkim-Vëllazërim. Serbët e sotëm duket se e kanë braktisur pak dhunën pasi në vend të tyre janë të tjerë që po e mbajnë gjallë atë. Zyrtarët e tyre. Dhe, madje, fare pacipërisht deri në sytë e Evropës.
Prova më e qartë ishte kryeministrja serbe Ana Brnabiç, në konferencën e shtypit me shefin e delegacionit të BE-së në Serbi, Sem Fabrizio, duke shpjeguar zhvillimet e fundit në raportet mes Kosovës dhe Serbisë, pati kurajë cinike dhe aspak diplomaci të fyejë rëndë shqiptarët e Kosovës, duke thënë se: “keni punë me njerëz të cilët faktikisht kanë dalë nga mali. Për ata është njësoj nëse atje ka luftë ose jo, dhe kjo më shqetëson”.
Se çfarë e shqetëson kryeministren serbe nuk dihet tamam përveç faktit që dhuna fizike tashmë është një dhunë mirëfilli cinike verbale.
Në një farë mënyre kjo të kujton shprehjen e famshme të Xhorxh Oruell: “Ata që duket se e ‘abdikojnë’ dhunën e bëjnë këtë vetëm sepse të tjerët po bëjnë dhunë në emër të tyre”. Nuk është e vështirë ta kuptosh se çfarë ndodh sot. Gjuha e Serbisë është ashpërsuar në një formë që tregon se urrejtja për shqiptarët është konstante dhe i është lënë parlamentit ta artikulojë.
Të mjafton t’i dëgjoje në seancën e fundit të parlamentit për të kuptuar realisht qëndrimin serb ndaj Kosovës. Por kjo nuk habit më, kurse për mendimin e kthjellët ajo është kthyer në një demagogji pak qesharake.
Mes Kosovës dhe Serbisë ka vija të kuqe që i mbron politika amerikane garantuese e paepur e kësaj demokracie dhe NATO.
Po mund të kotet Kosova dhe të jetë e qetë?! Në asnjë mënyrë jo. Lidërshipi i fjetur kosovar, që e ka gjetur argumentin serb si shkaktar të gjithë problemave nuk mund të tolerojë dhunën dhe padrejtësinë që po bëhet institucion në vetë Kosovë.
Dhuna e Kosovës është nga skandalet e mëdha politike, por të tmerrshme mbeten dhuna dhe vrasjet. I tmerrshëm është momenti i pak orëve më parë, kur para të gjithë qytetarëve, iu vërsulën një gruaje rome që “po vidhte fëmijë”.
Gjuha e urrejtjes, që vesh politikën kosovare është përcjellë tek turma amorfe, duke përfunduar në linçim publik ndaj një të pafajshme në forma që të kujtojnë rrahjet publike ndaj popujve me ngjyrë. Këto pamje nuk ishin shumë të largëta me ato që nxjerrin për ditë politikanët e Kosovës për njëri-tjetrin ose ato cinizmat që përdoreshin gati si normë në rastin e skandalit “Pronto”. Në një farë mënyre shoqëria e sotme kosovare po sillet në mënyrën sesi trajtohet nga njerëzit e saj, bash ata që zgjodhi t’i drejtojë në liri, porse i kanë dhuruar dy dekada dhimbje koke pa fund.
Shoqëria kosovare është e mbushur me sterotipe por edhe paragjykime të gjitha llojeve, fakt që bën me dije se ajo kërkon dekada të emancipohet e që ende i duhet shumë të kalojë traumat sociale dhe të shtrojë rrugën e re në demokraci. Ndaj, qoftë edhe para se të flasin për mllefin e pajustifikuar të kryeministres serbe duhet të merren me demonë që i mbajnë të ngërthyer në vete. “Njerëzit përgjigjen në mënyrën se si i lidhni me ta. Nëse i afroheni me dhunë, atëherë ata kështu do të reagojnë. Por nëse thoni: “Ne duam paqe, duam stabilitet”, atëherë mund të bëjmë shumë gjëra që do të kontribuojnë drejt përparimit të shoqërisë sonë”, u thoshte dikur Mandela, bashkëqyetarëve të vet të ndërkryer.
Kur të heqin këto demonë, që kanë zenë vend në Kosovë, atëherë lajthitje të zyrtares serbe dhe të zyrtarëve të tjetër do të shkërmoqen, por në mënyrën sesi veprojnë kosovarët hera herës të kujtojnë se kanë shumë premisa të bëhen si ata, në një kah tjetër. Dhe, ky është realisht lajm i keq…për vetë Kosovën. (Homo Albanicus)
7 komente në “Kosovarë, po bëheni si ata…”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Një luftë e re me Sërbin., do kishte viktima të shumta pasi urrejtja e tyre ndaj Shqiptarëve u rrit ndjeshëm pas si u bombarduan.
thene ndrishe,bishti i qenit[suniti] mbetet bisht qeni……………gezuar ramazonin!
Popullsia me ngjyre e marre me dhune nga Afrika me zinxhire zoti Andoni nuk kishte te drejta deri sa vrane Martin Luther Kingun.
At shtet me skllever dhe jo demokratike krijoi Albanine myslimane me te drejten e popullsise Afthoxtone Epirote Greke te njifet si Minoritet Kombetare.
Vete Toponimet e Lashta ne Epir tregojne nje histori Greke,Theatrot,Agorat,Polis,Arjeollogjia etj.
Sllavet mire apo keq kane ardhur si refugjate ne Ballkan ne shekullin e 6te dhe ishin pjese e Perandorise Greke Bizantine deri sa erdhen Mongolet myslimane dhe shkaterruan Ballkanin.
Dhe Evropa nuk u tregua humane dhe mirenjohese me Greqine,perkundrazi futen Turqine vrastare ne NATO,nje Turqi qe shkel mbi Civilizimin Greke te Omiros,filosofit te pare perendimore Thalis o Milisios etj.
Ku eshte diferenca ndermjet Ataturkut me Milloshevicin?
A nuk njohu Gjenocidin Turk kunder Armeneve Gjernania app Franca?
Amerika “demokratike” pse nuk e njef Gjenocidin Armanian dhe Greke?
U duhet kunder Rusit dhe viktima eshte Greqia dhe ne qe nuk u turqizuam,as nuk u Evropianizuam.
Identiteti eshte i Shenjte dhe nuk shitet per dokumenta,lloto,Dollare.
Vertet thoshte Mandela me te bote se kishte perballe kolonizatore me keq se Serbet.
Ata krijuan Israelin mbi mashtrime biblike.
Albania myslimane qe nuk ka lidhje Identitare me historine e ketij vendi Helene eshte thjesht nje gur shahu per Angloamerikanet qe me kolonite e dhunes duan te ndertojne nje bote pa kombe dhe te flasin gjuhen e tyre barbare.
Pellazgos-mjere juve per mendjen qe keni. Ruani fort kosheren se blete s’keni patur ndonjehere.
Etniki Sineidisi (ndergjegjia kombetare)
Per te kuptuar menyren e te menduarit dhe te konceptimit ne popullsite qe banojne sot ne Greqine e Re duhet te dime edhe se si i kuptojne dhe vleresojne koceptet qe ka popullsia e sotme “neo-greke” atje :
C’ESHTE ETNIKH SINEIDISI (ndergjegjia kombetare)
Ελληνική εθνική συνείδηση είναι η ψευδαίσθηση τού ρωμιού, ότι κατάγεται από τούς αρχαίους έλληνες.
Ndergjegjia kombetare greke eshte ndjesia e genjeshtert e romejve,se jane te prejardhur nga helenet e lashte.
(shenim: romej jane gjithe popullsite kristian orthodhokse,pa dallim kombesie,gjuhe dhe prejardhje, ne ish-Perandorine Otomane)
KUSH JANE NEOGREKET!?
Le ti analizojme pak nga pikepamja gjuhesore,nga pikepamja kulturore,nga perberja se popullsise apo dhe nga pikepamja gjeografike!
– Natyrisht qe greqishtja e sotme (dimotika) ka lidhje me helenishten, por eshte nje gjuhe e prejardhur jo drejperdrejt nga helenishtja (qe eshte gjuhe e vdekur) por nga greqishtja aleksandrine. Kjo greqishte aleksandrine eshte nje gjuhe mesjetare e krijuar dhe perdorur nga skolastiket (studiuesit hebrenj te Aleksandrise) si gjuhe nderkombetare “lingua franca”, me ane te se ciles hebrenjte perkthyen librat e tyre te shenjte. Pikerisht kjo gjuhe e krijuar teknikisht nga hebrenjte e Aleksandrise, u perdor si gjuhe e Kishes Kristiane dhe e literatures kishtare. Pra gjuha qe flitet sot nga neogreket eshte rrjedhoje e gjuhes kishtare qe perdori kisha kristiane, eshte nje gjuhe e bastarduar dhe megjithe perpjekjet qe u bene nga shteti neogrek qe te zevendesohej nga helenishtja (katharevuosa), kjo nuk i arrit!
– Helenishtja nuk kuptohet as nga nje femije i klases se dyte e as nga nje profesor universiteti, nese ai person nuk ka bere studime dhe mesime te mirefillta mbi helenishten. Natyrisht qe ka fjale qe mund te kuptohen,por kemi te bejme me nje gjuhe qe ka nje strukture krejt te ndryshme. Greqishtja e sotme (neaellinika) ka nje strukture tjeter formimi gjuhesor dhe keto jane gjera te padiskutueshme nga pikepamja gjuhesore!
– Alfabetin helen (qe dihet qe helenet e kane marre nga fenikasit jo-helene) vertet e perdorin edhe per greqishten e re. Por kete alfabet e perdorin edhe shume popuj te tjere qe s’kane lidhje fare me helenet. Psh shume popuj sllave perdorin alfabetin cirilik, qe ne fakt eshte alfabeti helen me pak ndryshime. Kjo nuk i ben sllavet helene, ashtu si shqiptaret (apo popuj te tjere) perdorin alfabetin latin me pak ndryshime e kjo nuk i ben ata latine! Madje edhe turko-karamanlinjte e shkruajne turqishten e tyre me alfabet helen ? ? ? Greqishtja e re gjithashtu shkruhet edhe me alfabetin latin, madje eshte bere edhe nje perpjekje dikur qe te zevendesohej zyrtarisht alfabeti helen me ate latin, por qe nuk u realizua ne ate kohe (ku i dihet mund te realizohet ne nje kohe tjeter ? )
– Greqia e sotme gjeografikisht perbehet nga disa krahina, ku te pakten gjysma e tyre nuk kane asnje lidhje me Eladen (Greqine e lashte). Psh Thraka Perendimore, Makedonia Jugore, Epiri Jugor asnjehere ne histori nuk kane qene pjese e as nuk kane asnje lidhje me Eladen (Greqine e lashte). Keto krahina ne kohet antike quheshin nga helenet si vende barbare qe banoheshin nga popuj barbare. Sot keto hapesira jane pjese e Greqise se re si rezultat i pushtimit ne vitin 1913!
– Sa per emrat dhe emrat e vendeve (toponimet) vetem nje injorant nuk e di se ne Greqine e Re kane ndodhur nderrime toponimesh me urdher dhe force shtetrore. Ndryshimet me te shumta ne toponimine e Greqise kane ndodhur sidomos ne vitet 1928 dhe 1976, kur me vendime administrative u ndryshuan me qindra mijra emertime fshatrash, vendesh , lumenjsh, malesh, krahinash … Lista eshte e pafund, ku emertime shqipe,sllave,vllahce,turke apo arabe u “grekezuan”. Sa i perket emrave te njerezve, kjo eshte per te qeshur. Me shume emra te lashte helene gjen ne Shqiperi, Itali apo Gjermani sesa ne Greqi. Emrat me te perdorur sot ne Greqi jane ato me prejardhje hebreje apo latine (per shkak se neogreket i perkasin kultures hebreo-kristiane), ku emri latin Kostandin dhe emri hebre Marie, thyejne rekordin me gati 50% te emrave te perdorur ? ? ?
– Neogreket e sotem dhe kultura e tyre e sotme, nuk kane asnje lidhje me kulturen helene, as me Leonidhen, as me Miltiadhin, as me Aristotelin, as me Dhimokritin apo Sofokliun (se me Aleksandrin e Filipin s’behet fjale). Kultura e neogrekeve eshte e mbeshtetur ne kulturen hebreje (kristianizem), e perziere me kulturen shqiptare (popullsite shqiptare te vendosura atje rreth 50% e popullsise se pergjithshme,kane ndikuar thellesisht ne kulturen e vendit duke filluar qe nga fustanella veshje kombetare ekzkluzivisht shqiptare), e ndikuar edhe nga kultura turko-aziatike (per shkak te popullsive qe kane ardhur prej andej dhe historise se sundimit osman).Duhet kuptuar fakti i thjeshte, se helenizmi (i lashti) dhe grekizmi (i sotmi) jane ne thelb dy kultura krejt te ndryshme. Madje jane ne KUNDERSHTIM ideor te plote! Thelbi i helenizmit eshte politeizmi,universializmi dhe demokracia,ndersa thelbi i grekizmit eshte monoteizmi,nacionalizmi dhe autokracia! Perpjekja qe behet nga grekistet,eshte qe keto dy kundershtesa ideore,te paraqiten si vazhdimesi e njera -tjetres dhe te “martohen” midis tyre! Kjo eshte krejt qesharake, te kundertat KURRE nuk jane vazhdim i njera tjetres,por vec mund ti zene vendin njera tjetres! Neogreket e sotem i perkasin grekizmit dhe asnje lidhje nuk kane me helenizmin as nga pikepamja racore,as nga pikepamja gjeografike e aq me pak nga pikepamja kulturore!
– Festa me e rendesishme ne Greqine e Re eshte Pashka (bayram paski sic thone pontio-karamanlinjte), qe kush nuk e di, eshte festa e hebrenjve – dita e clirimit te tyre nga sundimi egjyptian (thone se ne nje dite te tille u vra edhe Joshua Mesia nje hebre, qe me vone kur emri i tij u perkthye ne helenisht dhe latinisht u mbiquajt Jesu Kristi). Po ashtu feste tjeter e rendesihme eshte edhe Kershendjellat (Krishtlindjet), qe thuhet se eshte ditelindja e nje hebreu!!!
Ju pershendes …
Zoti Andon!
Po more një shuplakë, e bëre gati faqen tjetër, prit përmuesi yt ka për të të kapur për fyti e të plandos në tokë, ku pasojnë shqelmat.
E mira e shqiptarëve /jo e “kosovarëve”/ nuk do duhej të mirreshin me të, shkinën, me shëmtirën njerëzore e politike të saj, për t´u RIAFIRMUAR para saj dhe kokave shoveniste serbe si ajo, vlerat tona (sindroma e inferioritetit), po thjesht të tregonin se ajo është pjesë e një segmenti shpirtëror kolektiv, pjesëtarë të të cilit BËNIN GARA SE CILI (SERB) DO TË THERRTE MË SHUMË BOSHNJAKË BRENDA NJË ORE! NJËFARË OLIMPIADË MASAKRASH dhe cilësimet e saja duhej t´i trajtonim si prodhim i këtij shpirtkatranizmi.
Unë i njoh fare mirë sllavët jugorë të NDËRSAVËS, ua di edhe skutat e errëta (respekt për shumë serbë!) dhe do i thoja kësaj teveqeleje se, me siguri, është mbesë e atyre shkinave që kur i shtrëngonte halli i urinimit, skajoheshin ca afër një peme e gjetkë dhe, në këmbë, hapnin ca shalët e bënin shurën rehat. Dridheshin pak, pasi shkarkoheshin, dhe vazhdonin udhën “në INTEGRIMIN CIVILIZUES KOSMETIK”
Udheheqesit e politikanet kosovare jane ose te droguar te gjithe ose agjente te serbit kunder Kosoves KURSE POPULLI KOSOVAR SHYQYR ZOTIT KA 20 VJET QE PO FLEN OSE KA NGORDHUR ……….