Na lini t’a mundim Edi Ramën!

Nga Gafur Muka

Janë fakte tashmë: djegja e mandateve të shumicës së deputetëve të partive që kanë patur rol të rëndësishëm në jetën politike të Shqipërisë pas viteve ’90; mospjesëmarrja e këtyre forcave politike në zgjedhjet lokale të 30 qershorit; thirrja për të mos marrë pjesë në këto votime e të gjithë ithtarëve të opozitës jashtëparlamentare; angazhimi për të mos lejuar zhvillimin normal të zgjedhjeve më 30 qershor; përdorimi i slloganit “Rama Ik” për të shprehur vullnetin politik të këtyre forcave si kusht për të rikthyer normalitetin në situatën politike të vendit; pjesëmarrja në proteta kombëtare për të demonstruar vendosmërinë në realizimin e kërkesave të tyre etj.

Janë fakte po ashtu: vendosmëria e shumicës për të zhvilluar zgjedhjet me 30 qershor; vendosmëria e kryeministrit Edi Rama për të mos dhënë dorëheqjen; letrat e Edi Ramës si ftesa për të dialoguar me opozitën protestuese etj. Fakt është bërë tashmë edhe shpallja e dekretit të Presidentit për çdekretimin e zgjedhjeve të 30 qershorit, me argumentin që mbajtja e këtyre zgjedhjeve do kishte pasoja shume negative për paqen sociale ne vend.

Nuk mund të mos konsiderohen fakte edhe parashikimet e disa analistëve që 30 qershori do jete dita e përplasjes civile në Shqipëri. Fakt është tashmë edhe qëndrimi i ndërkombëtarëve pro mbajtjes së zgjedhjeve me 30 qershor. Të gjitha këto janë fakte, por çdo të ndodhë më 30 qershor? Për këtë vetëm mund të parashikohet. Natyrisht, bazuar në faktet e mësipërme.

Ajo çfarë parashikohet është: zgjedhjet do mbahen më 30 qershor; populli opozitar, pjesëmarrës në protestat e deritanishme do t’u bindet drejtuesve të opozitës jashtëparlamentare për të mos marrë pjesë në zgjedhje; grupe të caktuara, qofshin këto edhe Aleancat Qytetare për Mbrojtjen e Demokracisë do të planifikojnë dhe përpiqen të realizojnë pamundësimin e zhvillimit të votimeve, monitoruesit ndërkombëtarë do monitorojnë të gjitha veprimet, kryesisht të votuesve, komisionerëve por edhe të atyre që duan ta dëmtojnë procesin.

Dhe në fund rezultati që do konfirmojë fitoren e mazhorancës socialiste në pothuajse të gjithë bashkitë e vendit. I pastër apo i vjedhur? Komisioni Qendror i Zgjedhjeve do shpallë rezultatin me të gjitha gjetjet e tij (regullsitë e parregullsitë). Ndërsa vëzhguesit e monitiruesit do shpallin gjetjet e tyre. Por dhe opozita jashtëparlamentare do shpallë të gjitha mospranimet e saj.

Nëse misionarët e saj do jenë keqtrajtuar apo arrestuar ajo do bëjë denoncime duke e shpallur për të kushedisatën herë vendosjen e diktaturës në Shqipëri. Bazuar në gjitha këto dhe për t’u vënë kapakun zgjedhjeve do shprehet edhe arbitri ndërkombëtar. Nëse ai, si përherë, megjithë parregullsitë e vërejtura do ta miratojë rezultatin, atëhere opozita vërtet do të “puthet me Milon”. Kjo është një prognozë e hamendësuar mbi bazën e fakteve që u përmendën në fillim. Ndoshta është larg parashikimeve të analistëve si Bushati, Bejtja, Lubonja, Zheji, Lela apo Gjekmarkaj… Kjo edhe falet kur merret vesh që prognoza është bërë nga dikush që nuk e ka haberin e analizave.

Po ky dikushi, për këtë ju siguroj, ndryshe nga Bushati, Bejtja, Lubonja etj që nuk kanë votuar asnjëherë për Partinë Demokratike, ka qenë mjaft aktiv në mbështetjen e kauzës së saj. Qysh në marsin e ’91 ai ka qenë kandidat për deputet i PD-së në zonën e Bulqizës, në zgjedhjet e ’92 ai nuk kandidoi duke ia lënë vendin një personi si Safet Zhulali që më vonë u bë vërtet një figurë simpatike dhe me vlerë e PD-së, kandidoi sërish në zgjedhjet e 2001 për të cilat tashmë thuhet nga të gjithë që qenë zgjedhje të vjedhura e të manipuluara për t’u dhënë fund kandidimeve në vitin 2002, që ishin zgjedhje të përsëritura vetëm në zonën e tij për shkak se Ismail Lleshi nuk pranoi ta merrte mandatin e deputetit.

E, pra, më së paku besoj se do ta lejoni këtë person të japë disa sugjerime që ai ka, lidhur me sjelljen e opozitës më 30 qershor, në mënyrë që ajo jo vetëm të futet në sistem, siç ka porositur zoti Palmer por edhe t’a mundë Edi Ramën. Sugjerimi i parë është: opozita jashtëparlamentare të bëjë thirrje dhe të inkurajojë pjesëmarrjen masive të të gjithë atyre që nuk e duan qeverisjen e Edi Ramës në zgjedhjet e 30 qershorit. Mazhoranca e deritanishme ka llogaritur me refuzimin e pjesëmarrjes dhe natyrisht nuk i ka marrë masat për të administruar të kundërtën.

Nëse ajo ka planifikuar manipulime të zgjedhjeve në kushtet e mungesës, ajo do të ketë të vështirë t’i realizojë këto në kushtet e pjesëmarrjes. Gjithashtu zvogëlohet mundësia e identifikimit të votës së hapur (në fakt votuesve) në favor të opozitës.

Pjesëmarrja kontribuon në ruajtjen e fshehtësisë së votës dhe kjo është shumë e rëndësishme për zhvillimet e ardhshme. Pjesëmarrja gjithashtu shmang konfrontimet banale fizike dhe trupëzon qartësisht refuzimin e politikave qeverisëse. Vërtet mazhoranca i fiton të gjitha bashkitë, por kjo në kushtet e numërimit të votës kundër, e shndrron atë në “fitore të Pirros’. Dhe dihet se sa mban pastaj fitorja e Pirros.

Edhe faktori ndërkombëtar do ta mirëpriste një vendim të tillë pasi ky vendim do t’i krijonte atij mundësinë të kuptone nëse mazhoranca ka vullnetin të heqë dorë nga arroganca dhe babëzia për pushtet apo i gëzohet faktit që opozita ka “marrë rrugët” dhe ata mund të qeverisin si të vetmit “rrugëgjetur”.

Sugjerimi i dytë lidhet me mbështetjen që duhet t’i japë opozita gjithë trupës së monitorimit e vëzhgimit të zgjedhjeve. Kush më shumë se opozita është e interesuar që gjetjet e tyre të jenë sa më të vërteta? Kush më shumë se opozita është e interesuar t’i kapë e t’i denoncojë shkeljet që e dëmtojnë procesin?

Por për të realizuar këto ajo duhet të ofrojë bashkëpunim sa më të ngushtë me trupën vëzhguese e monitoruese, sidomos me vëzhguesit e monitoruesit ndërkombëtarë.

Të gjithë duhet t’a kemi të qartë se vendimi i arbitrit, sidomos atij ndërkombëtar, nuk është e lehtë të kontestohet pa prova e fakte, të zhveshura nga retorika boshe dhe zjarrmia militanteske. Sugjerimi i tretë ka të bëjë me sjelljen paszgjedhore të opozitës.

Parregullsitë reale në zgjedhje mund ta rrëzojnë rezultatin e tyre. Por rezultatin e zgjedhjeve mund t’a rrëzojë edhe vota kundër. Ajo i jep të drejtë opozitës jo vetëm moralisht por edhe realisht të kërkojë përsëritje të zgjedhjeve vendore dhe zgjedhje të parakohshme parlamentare njëkohësisht.

Reklama e zgjedhjeve te mediat që janë kundër, ironizon Lutfi Dervishi: Në faqe të parë thirrje për bojkot në faqe të fundit thirrje për votime

12:49 Politika

Sandër Lleshaj i përgjigjet Bashës: Askush s’do tolerohet, do përballeni me ligjin

12:10 Politika

Presidenti Ilir Meta nuk njeh Parlamentin: Nuk është legjitim

11:48 Politika

Arrestimi i drejtuesve të PD, reagon Basha: Përpjekje për të frikësuar opozitën, por ne s'na ndal asgjë

11:40 Politika

Qeveria i përgjigjet Metës: Presidenti i takon Republikës jo Lulit dhe Monikës

11:32 Politika

Rama e ftoi për reflektim, përgjigjet Meta: Dekreti mund të gjykohet dhe nga gjykata e Skraparit, presidenti s'ndalon askënd që të çmendet

11:07 Politika

Ish-kandidati i PD dhe analisti pranë liderit demokrat bën deklaratën e fortë: Lulzim Basha do të arrestohet

11:02 Politika

Paloka parashikon në filxhan 30 qershorin, i del e reflektuar “fytyra” e tij

10:37 Politika

“Serioziteti i lepurushit te Saliut, Lulush Basha i ngjan pijanecit, që pasi bëhet esëll bën propagandë kundër pijes”

10:31 Politika

Rama merr vesh lajmin për Bashën në kafe: Qenka marrë i pandehur për pastrim parash? Ai ka dalë 7 herë dhe ka thënë gjëra të ndryshme, imagjino ta kishim bërë ne çdo kishte ndodhur

10:22 Politika