Te fundit
Historia frymëzuese: Nga opsioni dorëzim, në “qiellin e gjashtë” me Liverpulin
31 Korrik 2019, 21:39Sport
TEMA
Futbolli mund të të realizojë edhe ëndrrat më të pamundura. Liverpuli festoi këtë sezon fitimin e Champions Ligës për herë të gjashtë në histori.
Më mirë se të kuqtë kanë bërë vetëm Reali i Madridit dhe Milani.
Endrju Robertson përjetoi një mbrëmje të veçantë, ndërsa historia e tij është e pabesueshme. 25-vjeçari i krahut të majtë të mbrojtjes është ndër më të mirët në Europë për rolin e tij.
Tifozët e adhurojnë, ndërsa kopi i Liverpulit i ka kushtuar një kor. Robertson është dhe kapiteni i Skocisë.
Vjet dështoi të triumfonte në finalen përballë Realit, por këtë vit ia doli të ngjitej në majë bashkë më shokët e tij.
E çuditshme se si të merr rrjedha e jetës, pasi skocezi ishte pranë lënies së futbollit në moshën 18-vjeçare.
Një provë te Sëlltiku shkoi keq dhe mbrojtësi, totalisht i dëshpëruar, shkruante këto fjalë në rrjetet sociale atëherë.
“Jeta pa para në këtë moshë ta shpif. Kam nevojë për një punë”, shkruante skocezi në Twitter. Ishte viti 2012, por puna e përditshme dhe sakrificat e mëdha të shpërblejnë gjithmonë.
Në një moment ishte gati t’i jepte fund dhe mungesa e parave po i “nxinte jetën”.
Për fat nuk hoqi dorë dhe sot ka gjithçka. Paratë janë me shumicë, karriera po shkon për mrekulli, është një pikë e fortë e një prej klubeve më të mëdha në botë dhe arriti të fitonte Champions Ligën.
Ja pse nuk duhet të dorëzohemi kurrë, as atëherë kur gjithçka shkon keq.
Lini një Përgjigje
Më të lexuarat
24 oret e fundit
Javen e fundit
Blog Tema
