Te fundit
Zyrtare: Jasir Asani largohet nga Partizani, transferohet në Suedi tek AIK Stokolm
17 Dhjetor 2019, 11:28Sport
TEMA
Nga muaji janar, skuadra e Partizanit nuk do të ketë më pjesë të saj, lojtarin kryesor Jasir Asani.
Mesfushuri do të transferohet në kampionatin suedez, duke u aktivizuar me ekipin e AIK.
Lajmi është konfirmuar nga klubi kampion i Shqipërisë që shkruan:
“Klubi njofton sot arritjen e marrëveshjes së transferimit të Jasir Asanit drejt ekipi suedez AIK. Mesfushori me tipare sulmuese do të kalojë në formulën e huazimit te klubi suedez nga Janari 2020.
Klubi i AIK njëkohësisht do të ketë edhe të drejtën e blerjes së kartonit të Asanit në fund të sezonit. 24 vjeçari do të jetë në dispozicion të kampionëve të Shqipërisë edhe për dy ndeshjet e radhës ndaj Teutës dhe Vllaznisë, për të vijuar më pas aventurën e tij të re në kampionatin suedez.
Performanca mjaft pozitive e Asanit në radhët e të kuqve, me të cilët u shpall edhe kampion i Shqipërisë ka tërhequr vëmendjen e disa klubeve europiane për të përfituar shërbimet e tij, por insistimi i vazhdueshëm i AIK rezultoj edhe oferta më konkrete dhe më e mirë për Asanin dhe Klubin.
Klubi dëshiron të falënderoj Jasir Asanin për kontributin e dhënë me fanelën e kuqe dhe i uron njëkohësisht shumë suksese në aventurën e tij të re”, thuhet në njoftimin e Partizanit. (TemA)
Lini një Përgjigje
Më të lexuarat
24 oret e fundit
Javen e fundit
Blog Tema
