Te fundit
"Hakmarrja është detyrim”: Kritikoi SHBA për vrasjen e gjeneralit iranian, Policia jep detaje për arrestimin e gruas
8 Janar 2020, 15:11Rajoni
TEMA
Policia e Kosovës ka dhënë detaje shtesë lidhur me ndalimin e Ikballe Berisha-Hudutit, e cila përmes rrjeteve sociale ishte deklaruar kundër vrasjes së gjeneralit iranian, Qasem Soleimani nga forcat amerikane, duke thënë se “hakmarrja është e detyrim”.
Në raportin 24 orësh të Policisë së Kosovës, thuhet se Ikballe Berisha-Huduti dyshohet për veprën “shtytje në kryerjen e veprave penale terroriste”.
Policia thotë se gjatë aksionit të zhvilluar më 7 janar, në Prishtinë, Drejtoria kundër terrorizmit në bashkëpunim me Prokurorinë Speciale të Kosovës në bazë të urdhëresës së lëshuar nga Gjykata Themelore në Prishtinë – Departamenti Special, ka kryer bastisje në shtëpinë e të dyshuarës.
“Gjatë bastisjes së shtëpisë së të dyshuarës janë konfiskuar disa pajisje elektronike si dhe dëshmi tjera relevante. E dyshuara është arrestuar dhe me urdhër të prokurorit është dërguar në mbajtje”, thuhet në njoftimin e Policisë.
Ikballe Berisha-Huduti kishte kritikuar Uashingtonin pasi forcat amerikane vranë më 3 janar gjeneralin iranian, Qasem Soleimani, në një postim në Facebook.
“Duke vrarë të zotin e shtëpisë, ju keni vrarë të gjithë familjen, andaj hakmarrja është e obligueshme, por nuk ka kufi”, ka shkruar Huduti-Berisha.
Më pas ajo e kishte fshirë këtë postim, pas raportimeve nga mediat vendore në Kosovë.
Më 3 janar, SHBA-ja kreu një sulm me dron në Irak, ku vrau gjeneralin iranian, Qasem Solemiani, liderin e forcave Quds, që nga Uashingtoni konsiderohet organizatë terroriste.
Të mërkurën, Irani ka sulmuar dy baza ajrore që strehojnë trupat amerikane në Irak, ka thënë Departamenti amerikan i Mbrojtjes. Televizioni shtetëror iranian ka thënë se sulmi është kryer si hakmarrje ndaj vrasjes së komandantit Soleimani.
1 komente në ““Hakmarrja është detyrim”: Kritikoi SHBA për vrasjen e gjeneralit iranian, Policia jep detaje për arrestimin e gruas”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Per sa kohe do te egzistoj radikalizmi fetar, per aq kohe do te jete edhe rreziku i terrorizmit. Bota radikale islame eshte e ndare ne dy ideologji qe jo vetem jane armike te botes perendimore, por mbi te gjitha kundershtojne dhe urrejne njera-tjetren deri ne vdekje. Ndjenja kombetare per ta eshte vetem ideologjia fetare qe ata i perkasin dhe i besojne me fanatizem.