Te fundit
Ministri Lleshaj paralajmëron nga Fieri: Bëjini si të doni paratë nëse u ka marrë Zoti mendtë, por në fund do t’ju merren
19 Qershor 2020, 12:35Kronika
TEMA
Ministri i Brendshëm Sandër Lleshaj, ka qenë sot në Fier ku pas një vizite në Apoloni ka folur për mediat, ku ka deklaruar se krimi në Shqipëri ka pësuar ulje.
Sipas Lleshajt grupet kriminale në Shqipëri janë fuqizuar shumë prej kanabisit.
Lleshaj ka bërë thirrje për ruajtjen e mjedisit ndërkohë që dha edhe një mesazh të qartë për grupet kriminale:
“Intensiteti do shtohet për të goditur kriminalitetin dhe për të dhënë një mesazh të rinjve që joshen nga paraja e shpejtë: bëjini si të doni paratë, por në fund do t’ju merren. Asnjë qindarkë e nxjerrë nga krimi nuk do u mbetet”.
“Gjykata e Posaçme ka filluar të japë dhjetëra vendimet e para, ky proces do vazhdojë me intensitet të shtuar, me qëllim të shterojë burimet që financojnë krimin dhe për tu dhënë një mesazh të gjithë atyre të vjetër apo të rinj, kryesisht të rinjve që joshen që gabojnë për tu futur në rrugë kriminale me idenë se kjo është rruga për të bërë shpejt dhe lehtë para.
Dhe mesazhi që vjen prej këtij operacioni dhe legjislacioni të ri është që bëni çfarë të doni, siguroni, nëse u ka marrë Zoti mendtë, bëni krim, fitoni para por dijeni një gjë, paratë do ju merren një ditë me siguri.
Në këtë rrugë mund tu japim të rinjve e të rejave që joshen për tu futur në rrugë kriminale e ti themi që nuk ia vlen, thjesht nuk ia vlen, mund të bësh një ditë në rrugë kriminale por rreziku që nesër mund ta marrin është tepër i lartë, mund ta blesh një makinë në rrugë kriminale por rreziku që mund të ta marrin është i madh.
Ndërkohë janë dhënë vendime për sekuestrime resortesh e vilash që do i kalojnë publikut, qytetarëve, do i bëjmë shkolla, qendra shëndetësore, komisariate policie, madje tani jemi nën një lloj vështirësie për ti administruar këto asete që po grumbullohen e shteti do i japë për përdorim publik, tha Lleshaj.
2 komente në “Ministri Lleshaj paralajmëron nga Fieri: Bëjini si të doni paratë nëse u ka marrë Zoti mendtë, por në fund do t’ju merren”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Hahahaha… “do tu merren paratë”,humor “rilindas”! Perse nuk ja ke marre deri tani “paratë” Armando Prenges,Tom Doshit,
Mark Frrokut,Arben Ndokes,Elvis Rroshit,Qazim Sejdinit,Vangjush Dakos………e kompani?
Asgje nuk duhet tu lihet kriminelave.Me pelqeu fjalia e fundit ku ministri thote se vilat dhe resortet e sekuestruara do te shnderrohen ne shkolla, qendra shendetesore dhe komisariate policie.Populli shqiptar mezi po e pret drejtesine.Po te jene me keto mend do te mbeteni ne histori.Dhe politikanet e korruptuar dhe te kapur peng nga krimi ose qe jane vete kriminele ose tradhtare te interesave te vendit jashte politikes dhe direkt ne burg.