Te fundit
Gjithë heshtjet e Berishës përballë provokimeve të Bashës
13 Gusht 2020, 20:07Editorial
TEMA
Nga Mero Baze
Heshtja e parë që dhimbte e Sali Berishës, ishte për propozimin e Lulzim Bashës për lista të hapura. Edhe pse Basha dhe ekipi e vet, e paraqitën atë si një lëvizje të fortë, që do kapte mat Edi Ramën, Sali Berisha heshti. Asnjë fjalë për të.
Me përvojën e politikanit që e di se çdo të thotë të shkosh pas kundërshtarit dhe të biesh në lojën e tij, ai që nuk lë rast pa folur dhe pa postuar diçka, dhe kur tallet dikush me ‘qytetarin digital’, për lëvizjen më të fortë politike të PD nuk foli. Bëri sikur nuk e kishte mendjen, ndërkohë që heshtja e tij fliste shumë.
Po të fliste, natyrisht do të godiste Lulzim Bashën. Nuk e bëri.
Kështu pati vepruar dhe më 2017 me listat e Bashës dhe marrëveshjen e tij me Edi Ramën. Kur e pa që Lulzim Basha e bëri fakt të kryer listen, pas marrëveshjes me Edi Ramën, ai nuk foli kurrë për të. Vetëm pas humbjes në zgjedhje e goditi si një lëvizje të “këshilltarit mizerabël”, që në fakt është institucioni anonim që personifikon idiotësitë e Lulzim Bashës.
Heshtja e dytë ishte debati poshtërues Ruli-Mustafaj për mundësinë që ai të jetë prapë kandidat për deputet, apo jo.
Edhe pse duket si një tallje e orkestruar ndaj tij, në fakt është spontane. Ruli natyrisht ka thënë atë që mendon për Berishën dhe ka dashur ta provokojë si debat. Mustafaj po ashtu e ka marrë seriozisht propozimin e Rulit dhe ka thënë atë që mendon për Berishën. Jo se e do, por nuk do të bëhet bukëshkalë me të, siç është bërë ai me të. E ka parë si një rast për t’u treguar zemërgjerë.
Lulzim Basha, i cili duhet të ndërhynte në këtë debat, mbushi gjithë PD-në duke thënë se është lojë me leje të Doktorit, me shpresë që të mos mërziten, as ata që flasin, as ata që dëgjojnë.
Kjo padyshim është tallja poshtëruese më e madhe për Berishën, qyshkurse ai ka themeluar PD-në. Për herë të parë dy vetë, jo aq të dashur për të, debatojnë publikisht a i takon apo jo të rrijë më Berishës, në listën e PD-së.
Por edhe për këtë po hesht.
Po hesht, pasi po foli, natyrisht do të shkatërrojë Komisionin “Nishani”, që është i vetmi truk politik deri tani i Lulzim Bashës. Një fjalë e Berishës kundër atij debati e bën Komisionin qesharak dhe ja zhvlerëson Bashës të vetmin truk që po përpiqet të bëjë para zgjedhjeve, për të amortizuar skandalin e vitit 2017.
Por Berisha nuk është se do të heshtë vërtet për këdo dy poshtërime, njëra që i është bërë PD-së, dhe tjetra vetë atij. Nëse Lulzim Basha humbet, siç ka shanse të ndodhë, dy gjyqet e para do t’i bëhen pikërisht për këto dy gjëra, që Berisha ka heshtur tani.
Dhe për këtë ai është i qartë. Por fakti që Berisha nuk guxon të bëjë betejë për këto dy gjëra tani që po ndodhin, tregon se ai i druhet një beteje me Bashën para zgjedhjeve. Dhe kjo frikë nuk është aq bardhë e zi. Nuk ka frikë vetëm se mund të rrënojë Bashën, në një konflikt që mund të marrë dhe PD-në me vete, e cila dhe kështu është boll keq.
Por ka dhe frikë të mos dalë i turpëruar nga ky konflikt, ende pa filluar zgjedhjet. Nuk do të testohet para lufte. Deri atëhere me siguri do gjejë ndonjë “këshilltar mizerbël” për ta fajësuar dhe për të bërë sërish, sikur nuk e ka me Bashën problemin.
9 komente në “Gjithë heshtjet e Berishës përballë provokimeve të Bashës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
PDse i ka vajtur nje ultimatum amerikan ose me mire sic thone ata per “miqte”; I kemi ofruar nje mundesi qe nuk mund ta refuzojne.
Troc, Sali Berisha duhet te shporret.
Ne PD meqe nuk kane bythe, po bejne lojra qe Bagla e mumifikuar qe mban peng partine, ta kuptoje dhe te largohet vete.
Por e kane kot, Saliu eshte malok. Nuk ka as burreri, as dinjitet, as fisnikeri, as imazh burreshtetasi per te ruajtur. Thjesht komandohet nga instikti i kafsherise.
Nje parti si PDja qe nuk superon dot as kete veshtiresi kaq ordinere, ka ngordhur bashke me hajvanin qe e mban peng. Ndersa Saliu i ka oret e numeruara. Por historia, shqiptaret dhe aleatet deshen qe PD te nxirrte bolet dhe ti jepte zgjidhje kadavres se Saliut, pa pritur qe ai te ngordhe.
Ti Mero, mir ben qe merresh me kete te keqe te domosdoshme, por edhe te dobishme, per kete vend fatkeq..
US ke komentuar edhe per mua
Dje emiratet arabe njohen izraelin dhe ky lajm u publikua goxha heret, dmth para mesdite.
Zoti Mero nuk gjeti vend per kete ceshtje por u mor me te perditshmen tone te shpifur.
Perse duhet te merrej Merua me kete gje?
Sepse kjo njohje ka te beje me ceshtjen tone me te madhe tani per tani, qe eshte njohja e Kosoves.
Pervec asaj qe u be e njohur… dmth qe izraeli dha dicka nga teritori “i tij” duhet te na informonte Merua se a eshte e njeta formule qe do ndiqet edhe me Kosoven?
Mbase se ishte afer 15 gushti, mbase ishe duke pushuar Mero… por keto editoriale nuk duhen humbur ne asnje menyre.
Asgje nuk keni kuptuar. Ne PD, as ajri nuk leviz si ti teket, po nuk ka aprovimin e kadavres me emrin Sali Berisha. Zgjuaresia negative, demoniake e kadavres, eshte ne dem te vendit, e ne favor te lojrave te tija politike, qe per fat te keq, jane dhjete levizje para kundershterit.
Mero na cudite.Megjithe mend e ke se mund te ndodhe qe sala te mos jete i pari ne lusten e deputeteve .Kete nuk e lejon deri ne vdekje sala por nuk e lejon as Luli Basha i biri politik i sales .Te dy e kane zene per fyti PD.ne dhe nuk e lene se paku deri ne ngordhjen e sales .Me pas mund te kete nje diskutim tjeter .Sot as mos e mendini se vetem duke qene ne krye te PD i dhpetojne sikyrse deri me sot burgut si deri me sot.Fatkeqesia eshte per popullin ne rast fitoreje te PD qe nuk besoj se do nfodhe pate dhe vetem e shkateron gjithe jeten e vendit nuk ka Snje alternative pervec hajduterise korupsionit dhe luftes politike.di popilli eshte me i zgjuar se po te fitoje Pd.e merr lumi vendin se pd eshte ajo qe ish
Te dy do te mbijetojne ne politike si Sali spiun krimineli ashtu dhe apprentice e tij Luli! Ju “duhen” nderkombetareve per hir te “stabilitetit”!
Po ik e rrot kari me gjith tzezat qe ka shaipria meresh akoma me berishen
Ne zgjedhjet e ardheshme Rama nuk do te kete çfare ti ofroje Shqiptareve perveç: “Doni prape qoftelargun?” Per kete Saliu edhe ne se çmendet me keq duhe ruajtur si relike.