Te fundit
Erdogan nën presion nga akuzat e një bosi të mafias në mërgim
1 Qershor 2021, 09:14Bota
TEMA
Qeveria turke po përballet me akuza për armatosjen dhe financimin e xhihadistëve në Siri. Janë akuzat e fundit që një bos i mafias në mërgim po bën në YouTube duke vënë në shënjestër presidentin turk.
Një nga shumë akuzat që po bën Sedat Peker në YouTube e implikon qeverinë turke në armatosjen dhe blerjen e naftës nga xhihadistët sirianë.
Në një nga videot e tij Peker shpjegon në detaje se si ndihmësit kryesorë të presidentit turk Rexhep Tajip Erdogan drejtuan skemën. Zoti Peker, i cili analistët thonë se dikur kishte lidhje të ngushta me drejtuesit e Turqisë, filloi transmetimin e videove javore të dielave në një kanal në YouTube, duke ngritur pretendime kundër qeverisë, pasi u detyrua të largohej nga vendi.
Analisti Atilla Yesilada thotë se bosi i mafies ka një audiencë në rritje.
“Është e jashtëzakonshme. Ai po tërheq një audiencë prej mbi katër dhe pesë milionëshe për çdo video. Dhe gjithçka që ai thotë analizohet në kanalet e opozitës. Kështu që do të thoja që të gjithë e dinë se për çfarë po flet. Padyshim, më e dëmshmja (për Erdoganin) është hapja e dosjes së viteve 1990, vrasjet pa gjygj”, thotë Yesilada.
Peker pretendon se ish-ministri i brendshëm Mehmet Aga ishte kreu i një organizate në hije e njohur si “shteti i fshehtë”, i cili thuhet se ishte përgjegjës për një sërë vrasjesh të gazetarëve të shquar që datojnë që nga vitet 1990. Aga është i lidhur ngushtë me Erdoganin, dhe djali i tij Tolga është deputet i partisë AKP në pushtet.
Zoti Aga i ka mohuar akuzat. Erol Onderoglu i organizatës Gazetarët pa Kufij thotë se qeveria duhet të jetë transparente.
“Së pari kjo duhet të bëhet pjesë e një hetimi parlamentar, por mendoj se nuk do të jetë e mundur nëse qeveria turke nuk nxjerr emrat e disa aktorëve shtetërorë. Pra transparenca duhet të qetësojë opinionin publik dhe të tregojë respekt për familjet e viktimave”, thotë zoti Onderoglu.
Por presidenti Erdogan po hedh poshtë akuzat. Duke folur me deputetët e partisë së tij, presidenti turk tha se akuzat janë pjesë e një komploti ndërkombëtar për ta përmbysur atë.
Por pretendimet e zotit Peker vazhdojnë, duke akuzuar djalin e njeriut të besuar të zotit Erdogan, ish-kryeministrin Binali Yildirim, për kontrabandë kokaine dhe se e ka kthyer Turqinë në një nga qendrat më të mëdha të importimit dhe shpërndarjes së drogës në Evropë.
Zoti Yildirim I hodhi poshtë akuzat. Analistët theksojnë se zoti Erdogan ka përvojë në kapërcimin e stuhive politike. Por analisti Yesilada thotë se ndryshe me të kaluarën, Turqia është në mes të një krize ekonomike dhe mbështetje të ulët rekord në sondazhe për presidentin Erdogan.
“Të gjitha këto janë shenja të pagabueshme për një armagedon për Erdoganin. Do të duhej një mrekulli që të riparohet reputacioni i dëmtuar nga videot e zotit Peker. Tabloja që paraqitet është ajo e një qeverie që punon për përfitime personale dhe për miqtë dhe që ka humbur plotësisht interesin tek votuesit”, tha zoti Yesilada.
Peker ka premtuan më shumë video në YouTube që ai thotë se do të shfaqin sekrete më të brendshme që ai pretendon se i ka mësuar nga dy dekada në qarqet e brendshme të partisë në pushtet.(VOA)
3 komente në “Erdogan nën presion nga akuzat e një bosi të mafias në mërgim”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
“Të gjitha këto janë shënja të pagabueshme për një Armagedon për Erdoganin”
dhe ai për të ndenjur në pushtet,për të riparuar këtë çarje që po pëson!?
do bëjë zakonin e diktatorëve!do fillojë një “luftë” si ajo që filloi me kurdët në ’15ën ose një “grusht të ri shteti” si në ’16ën!!
dhe populli “do bashkohet rreth tij”!
o ti asticensure mqs je shum i ditur dhe i analizon me dy fjale cdo shkrim ne gazete apo kudo tjeter,ne rradhe te pare ky lesh mafjozi kur i dinte te gjitha keto duhet te fliste vite perpara se keto i ka thene edhe putini kur turqia rrezoi avjonin rus para nja 6 vjetesh dhe jo te na i thot sote qe nuk kan vlere,e dyta duhen fakte jo llafe,tani dalim tek gazetaret thot ky mafjozi qe vriteshin ne vitin 1990,po turqia dihet qe eshte shtet autokrat dhe keto gjera ndodhin ne sisteme te tilla,ashtu sic ndodhin edhe ne rusi kine kore etj,po ne greqi qe eshte shtet europjan,a e di ti zotrote sa gazetar jan vrare,me e fresket eshte gazetari grek qe u vra para nje muaji,mos di gje a u gjeten autorettttt?po flasim per nje shtet me ligje dhe kulture vite perpara krahasim me turkun,po gazetaren ne malta para 4 vjetesh qe e hodhen ne ere brenda ne makin,di gje u gjeten autoretttt,prandaj kudo ne cdo vend te botes,qeverite jane diktatore,pa perjashtim asnje shtet,thjesht ne perendim quhen qeveri mafjoze perendimore qe do te thote jan pak me tolerante ne krahasim me keta brutalet,sa per kujtese,bernoskoni i italise me skandale me mafjen,zarkozi i frances qe kerkoi lek nga gadafi per te blere votat dikur veprim mafjoz,donald trump etj,keto sa per kujtese zotrote.
o ZZZZZZ
nuk të kuptova ku e kishe muhabetin,pavarsisht përmbytjes logorike që ke lëshuar??
i bi dot më shkurtë,se më qartë nuk ma merr mëndja të kesh aftësi!!