Ngjarjet e rënda në vend, Çuçi: Gjyqtarët KÇK të reflektojnë, brenda javës do të ketë ndryshime në nivel të lartë drejtues në Polici

Ministri i Brendshëm, Bledi Çuçi ka reaguar në lidhje me ngjarjet kriminale në vend, ku në vetëm pak kohë, kanë gjetur vdekjen 8 persona.

Çuçi deklaroi, se përtej të metave që ka Policia e Shtetit, fajtorë për situatën janë prokuroritë dhe gjykatat e rretheve. Ai tha se gjyqtarët kanë dhënë masa të reja për persona me precedentë të rrezikshëm penalë. Gjithashtu, ai paralajmëroi ndryshime në nivel të lartë drejtues në Policinë e Shtetit.

“Ditët e fundit jemi tronditur të gjithë nga dy ngjarje të njëpasnjëshme. Një aksident tragjik rrugor, me katër jetë njerëzish të humbura dhe një tjetër vrasje me armë zjarri ku humbën jetën 4 persona për një parcelë plazhi. I mirëkuptoj ankesat e qytetarëve.

Por dua të theksoj fort se Policia e Shtetit, përtej të metave të saj dhe përmirësimit që do të bëhen, as nuk ndjek të gjitha makinat që lëvizin në rrugët e vendit dhe as pas konfliktit të fqinjëve.

Mbi të gjithë duhet të reflektojnë ata prokurorë e gjykatës që nuk kanë kaluar ende procesin e vetingut dhe operojnë me ‘kap ça të kapësh’ sepse Policia e shtetit ndalon, por nuk dënon shkelës kriminalë, ata i dënon gjykata.

Të marr një shembull nga muaji i fundit. Ne kemi shtrënguar masat për armëmbajtje pa leje. Në disa qytete janë ndaluar tri shtetas me precedent të rëndë penal, madje në një rast, arma e zjarrit kishte dhe fishekë në fole gati për qitje, fatkeqësisht Prokurorët dhe Gjyqtarëve, si ajo e Fierit dhe në Vlorë, përkundër kushteve të padiskutueshme të flagrancës kanë dhënë masa lehtësuese, ku minimumi për këto vepra penale është 3 vite.

Vendimet e gjykatësve të tjerë për plagosjen e disa personave janë në gjykimin tonë skandaloze dhe në keqinterpretim të ligjit. Duhet një reagim të shpejtë të Inspektoratit të Lartë të Drejtësisë. Këto janë shembuj ulëritës, të asaj, që si duhet të jetë forca e ligjit. Skandaloze ka qenë dhe marrja e zonave të plazheve. Tani ka rregull për këtë ndarje. Policia e Shtetit nuk ndan parcela plazhesh, por vetëm zbaton ligjin.

Përsëris, kjo s’do të thotë Policia e Shtetit s’ka dobësi dhe të meta, po përgatitemi për një fazë të re të reformës. Brenda javës do të nisë një ndryshim i thellë me drejtuesit në nivel qarku, ku do të nisë më pas dhe me drejtoreve në çdo qytet të Shqipërisë. Nga ana tjetër, do të çohet më tej dhe do të përfundojë pajisja e policisë rrugore me kamera.

Më lejoni të përfundoj që ne jemi të vetëdijshëm për sfidat e kohës dhe shumë shpejt të gjithë do e prekin ndryshimin e mëtejshëm për të mirën e Policisë së Shtetit”, tha Çuçi.

Gjyqtari Tomorr Kullolli dështoi të provonte burimet e pasurisë

11:27 Kronika

Masakra me 4 të vrarë në Velipojë, zbardhet dëshmia e të plagosurit Hasan Ferracakut: Shkuam për të biseduar për shezlonget, por situata doli nga kontrolli! Ata qëlluan të parët

10:43 Kronika

Zbuloi se burri e tradhtonte, gruaja i shkon tek puna parukieres nga Fieri dhe e rreh barbarisht

10:26 Kronika

Për drogë, nga nervat, alkooli dhe xhelozia/Për çfarë vritesh sot në Shqipëri?

10:23 Kronika

Misteri: Gjendet i pajetë shtetasi rus në Lezhë

08:28 Kronika

Lazararati nga kultivmi marijuanës drejt sipërmarrjeve të vogla tradicionale

19:45 Kronika

Humbi të atin para disa vitesh: Fati tragjik i kamerierit të vrarë në Velipojë që ju gjetën në xhep vetëm 30 lekë

19:30 Kronika

Tjetër "çmenduri", 40-vjeçari sulmon me thikë dy të huaj në Durrës

17:34 Kronika

DETAJET/ Masakra për shezlongët në Velipojë: Policia arreston 2 të plagosurit dhe shpall në kërkim 3 të tjerë

16:53 Kronika

Kalon me semafor të kuq te “21 Dhjetori”, aksidenton një këmbësore dhe 2 mjete: Po çoja një të sëmurë në spital

16:25 Kronika