Te fundit
Të gjitha ndryshimet e paralajmëruara nga ministri Çuçi: Nga kamerat e trupit, tek monitorimi i rrugëve me dron dhe të rejat e Komisariatit Dixhital
28 Qershor 2021, 12:08Kronika
TEMA
Ministri i Brendshëm Bledi Çuçi ka paralajmëruar një sërë ndryshimesh në strukturën e Policisë së Shtetit.
Veç të tjerash, ai bëri me dije se do të ndiqet një strategji e re për rritjen e sigurisë rrugore.
Ai tha se do të krijohet një kuadër rregullator i ri për të futur praktika të hetimit të të ardhurave të drejtuesve të makinave të shtrenjta që kapen në mënyrë të përsëritur në kundërvajtje ligjore në qarkullim.
Nga ana tjetër, ministri siguroi se do të çohet më tej dhe do të përfundojë pajisja e efektivëve të qarkullimit me kamera trupi.
Gjithashtu, në kuadër të ndryshimeve Çuçi bëri me dije se Komisariati Digjital po forcohet nga pikëpamja teknologjike dhe operative, ku shtoi se do të jetë në dispozicion të çdo qytetari për t’u bërë krah i Policisë së Shtetit ne identifikimin dhe ndëshkimin e shkelësve të ligjit.
Deklarata e plotë
Ditët e fundit jemi tronditur të gjithë nga dy ngjarje të njëpasnjëshme:
Një aksident tragjik rrugor, me pasojë katër jetë njerëzish, si rezultat i shkeljes së çdo rregulli shpejtësie nga ana e vrasësit, dhe një tjetër ngjarje me armë zjarri ku humbën jetën katër persona, për një parcelë plazhi në Velipojë.
E mirëkuptoj plotësisht shqetësimin publik që kanë krijuar këto dy ngjarje, si edhe ankesën e zëshme ndaj Policisë së Shtetit.
Por, dua të theksoj fort se: Policia e Shtetit, përtej të metave apo dobësive të saj dhe përmirësimeve të mëtejshme që duhen dhe do të bëhen, as nuk ndjek çdo makinë që lëviz në rrugët e vendit, e as nuk mund të parandalojë një sherr në orën 1 të natës mes dy fqinjëve.
Të dyja rastet fatale kërkojnë sigurisht në radhë të parë një reflektim nga të gjithë, pa përjashtim, përfshirë këtu edhe Policinë e Shtetit, të cilës gjatë Mandatit tonë të Tretë qeverisës, do t’i vihen në dispozicion edhe dronë super-inteligjente, si dhe një sistem modern monitorimi i rrugëve, që gjeneron në kohë reale gjoba për shkelësit e kufijve të shpejtësisë. Po mbi të gjithë, duhet të reflektojnë gjykatësit që nuk kanë kaluar ende procesin e Vettingut, dhe që operojnë rëndom me parimin ‘Kap ça të kapësh’. Sepse Policia e Shtetit ndalon, por nuk dënon shkelës e kriminelë, ata i dënon GJYKATA.
Mjafton t’ju marrë një shembull:
Ne kemi shtrënguar masat kundër armë mbajtjes pa leje, ku vetëm këtë muaj, pra në Qershor, në tri raste si ai i Shkodrës, Vlorës dhe Fierit, janë ndaluar në flagrancë nga strukturat e Policisë së Shtetit për armëmbajtje pa leje, tri shtetas, madje në një rast arma e zjarrit që mbahej pa leje kishte fishek në fole gati për qitje.
Por fatkeqësisht, prokurorët dhe gjyqtarët, si rasti i prokurores Edlira Cufi në Shkodër, apo dyshja e prokurores Elona Alvora dhe gjyqtari Albert Spiro në Vlorë, si dhe prokurori Erind Rahovica dhe gjyqtari Pirro Sota në Fier, përkundër kushteve të padiskutueshme të flagrancës, kanë dhënë masa lehtësuese duke i çuar në shtëpi të pandehurit, megjithëse minimumi i dënimit për këto vepra penale është 3 vjet heqje lirie.
Ose, nga ana tjetër, pavarësisht shtrëngimeve të reja të futura rishtazi në Kodin Rrugor, vendimet e disa gjykatësve të tjerë, për aksidentet rrugore me pasojë vdekjen apo plagosjen, janë në gjykimin tonë skandaloze dhe në keqinterpretim të ligjit.
E pra, këto janë fakte që dëshmojnë qartë nevojën për një reagim të shpejtë dhe energjik nga ana e Inspektoratit të Lartë të Drejtësisë dhe strukturave të reja drejtuese të sistemit gjyqësor, ndaj individëve papërgjegjshmërisht të rrezikshëm për shoqërinë tonë.
Këto sa përmenda nuk janë ndërhyrje në punën e gjyqësorit dhe institucioneve të tjera të pavarura, por shembuj ulëritës të asaj se si nuk duhet të jetë forca e ligjit ndaj atyre që e shkelin atë.
Jo më pak skandaloze ka qenë edhe gjendja me marrjen në administrim të plazheve: Tanimë ka rregull e procedura transparente në ndarjen e tyre përmes shërbimit nga platforma e-Albania. Policia e Shtetit nuk ndan parcela plazhesh për administrim, po vetëm zbaton ligjin për mosprekjen e hapësirave të plazheve publike të cilat janë rikthyer njësoj si edhe mbrojtja policore ndaj ndërtimeve pa leje, pas dekadash xhungëlizimi të zonës bregdetare.
Kam vënë re se disa flasin me të madhe për rritjen e kriminalitetit apo të fataliteteve në qarkullim. Por kjo është thjeshtë e pavërtetë dhe faktet e shifrat pohojnë krejt të kundërtën.
Përsëris, kjo nuk do të thotë aspak se Policia e Shtetit nuk ka dobësi e të meta dhe pikërisht pse jemi të vetëdijshëm për këtë, po përgatitemi për një fazë të re të reformës dhe të forcës parandaluese dhe goditëse të Policisë së Shtetit.
Brenda kësaj jave, do të nisë një ndryshim i thellë me titullarët e strukturave të policisë së shtetit në nivel qarku, që do të shtrihet hap pas hapi në nivel kapilar në çdo komisariat të territorit të Republikës së Shqipërisë.
Po ashtu, do të krijojmë një kuadër rregullator të ri, për të futur praktika të hetimit të të ardhurave të drejtuesve të makinave të shtrenjta që kapen në mënyrë të përsëritur në kundërvajtje ligjore në qarkullim.
Nga ana tjetër, do të çohet më tej dhe do të përfundojë pajisja e efektivëve të qarkullimit me kamera trupi.
Komisariati Digjital po forcohet nga pikëpamja teknologjike dhe operative, dhe më herët sesa vonë, do të jetë në dispozicion të çdo qytetari për t’u bërë krah i Policisë së Shtetit ne identifikimin dhe ndëshkimin e shkelësve të ligjit.
Më lejoni të përfundoj duke i siguruar të gjithë se ne jemi plotësisht të vetëdijshëm për sfidat e kohës dhe nevojat e çdo qytetari shqiptar, ndaj garantoj se shumë shpejtë, të gjithë do ta prekin ndryshimin e mëtejshëm për mirë të Policisë së Shtetit.
6 komente në “Të gjitha ndryshimet e paralajmëruara nga ministri Çuçi: Nga kamerat e trupit, tek monitorimi i rrugëve me dron dhe të rejat e Komisariatit Dixhital”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ha mut thuaj RUcit. O idiota, ju i keni kamerat ne mes te Tiranes dhe nuk beni ASGJE per shkeljet qe ndodhin para syve te policave qe keni ne semafore. C’na cani koken kot sikur do beni gje. Ju nuk doni vete te beni gje. Ju hengert mortja ju hengert.
Pordhe me rigon. Cuci eshte nje idjot qe nuk ja ka idene policise.
Keto masa kane qene para 3-4 vjetesh dhe u hoqen, sepse u prishen kamerat e cilesise se larte. Sic behen tenderat ne Shqiperi.
Vendoset cmimi per produktin me cilesor ne treg dhe blihet produkti me i dobet.
Policia ka pergjegjesi nese ka pasur dijeni per konfliktin e nuk I ka monitoruar….nuk mund te vesh polic mbas cdo njeriu….Nese bregdeti eshte ne kompetence te ministries se turizmint aty duhet kerkuar pergjegjesia…..hetim me ke kane kontaktuar viktimat nga zyrtaret e ministries deri ke telefonatat…
Me kamer ne makine duhet te jete edhe polici, oficeri nenpunesi qe merr provimin e patentes ne terren. Provimet e patentes duhet te jene te kompjuterizuar, dhe 3 gabime dhe sistemi te thote jo. Nese ecen me shpejtesi, ne te kuq e tjere te hiqet patenta dhe per ta marre ate te kalosh perseri provimin e teorise. Etj tj. Shume nga shoferet ne Shqiperi (jo ate te cmendurit se ata kane probleme me koken) kane problem me teorine!
Është bërë polizia si në kohën e Saliut. Vetëm lek duan. Të ndalojnë vetëm për lek
Kur nuk paskeni përgjegjësi për rendin e qetësin publike atëherë përse qënka krijuar policia e shteti ?…,vetëm për grabitur xhapat e biznemenve dhe futur në konflikt popullin ,kush është më i forti sulet e bën ligjin rrëmben shezllonet ,ky qënka shteti?…!
TURPË TË KENI përgjegjësia e vrasjes katër qytetarve të Velipojës është krim i pastërt i shtetit ,të vonesës mbi dhënjen e pronësi nga shtetit të shezllonve ..Polici hesht ,kryetari komunës hesht ,hipoteka heshtë ,ministri turizmit heshtë ,kadastra heshtë ,armët e municionet janë rrugve ,ministri nuk paska përgjegjësi ,kjo është e pa besueshme . Nuk je për atë vend pune ,or mik,ti nuk ke faj ,faj ka populli që u dha votën,largou sa më shpejt nga ai vend pune ,ju dhe kadastra .se veshët shqiprinë me të zeza me mbivendosje prone.