Si përgjigjet Damian Gjiknuri kur pyetet për pakënaqësitë brenda PS dhe mungesën e Taulant Ballës

Sekretariati i ri i Partisë Socialiste zhvilloi mëngjesin e së martës mbledhjen e parë pas Asamblesë, ku Damian Gjiknuri u zgjodh sekretar i Përgjithshëm i PS, detyrë të cilën e mbante Taulant Balla. Edi Rama i la afat 100 ditë Gjiknurit për të ristrukturuar Partinë Socialiste.

Pas mbledhjes së sotme, duke folur për gazetarët, Gjiknuri u pyet nëse brenda PS ka pakënaqësi për ndryshimet e reja.

Sekretari i PS u shpreh se mund të ketë patur pritshmëri që nuk janë realizuar, por jo pakënaqësi.

Damian Gjiknuri: Brenda 2 vitesh ne do të kemi zgjedhjet vendore dhe në 4 vjet do kemi zgjedhjet e përgjithshme, dhe unë mendoj që është kohë e mjaftueshme dhe për të testuar riorganizimin e ri të partisë.

Pyetje: Paralelisht keni nisur me analizën e zgjedhjeve të 25 Prillit e cila do të zgjasë deri në Janar?

Damian Gjiknuri: Do të zgjasë deri në fund të vitit dhe natyrshëm që fillimi i vitit do ta gjejë Partinë Socialiste besoj me një statut të ri, edhe me një riorganizim të ri për t’ju përgjigjur sfidave që kërkon mandati i tretë, pasi mandati i tretë, e ka thënë dhe Kryeministri dhe kryetari i partisë, është një mandat i vështirë, njerëzit kanë pritshmëri, PS ka një eksperiencë të madhe por ka pasur dhe probleme për të cilat ne duhet të reflektojmë.

Pyetje: A ka pakënaqësi brenda strukturës drejtuese të PS dhe si do ta menaxhoni ju këtë si sekretar i Përgjithshëm?

Damian Gjiknuri: Nuk e di pakënaqësinë, këto mund të jenë konstatime të natyrës së anekdodave sepse unë nuk kam dëgjuar ndonjë pakënaqësi të strukturës. Natyrshëm që brenda një organizate, aq më tepër vullnetare ka dhe pritshmëri të ndryshme.

Mund të ketë ndonjë mosrealizim të ndonjë pritshmërie, por janë gjëra të një procesi që do të vazhdojë dhe do të fashitet rrugës dhe jam i bindur që PS ka kaluar aq prova dhe më parë sa të mbajë të gjithë ekuilibrat e nevojshëm dhe të nxjerrë më të mirën e saj përsa i përket ekipit që ka. Kështu që nuk shoh ndonjë problem.

Në mbledhjen e Sekretariatit të PS nuk ishte i pranishëm Taulant Balla, i cili ka aktualisht vetëm detyrën e kreut të grupit parlamentar të PS. Mungesën e Ballës, Damian e Gjiknuri e komentoi si proces normal në funksion të detyrave të ndara.

Pyetje: U ndje mungesa e z.Balla në mbledhjen e Sekretariatit?

Damian Gjiknuri: Në ç’kuptim? Nuk e di, për këtë duhet të pyesni z.Balla. Por z.Balla ka një detyrë shumë të rëndësishme që është drejtimi i grupit parlamentar socialist, kështu që mendoj ndarja e dy funksioneve gjithmonë është bërë në funksion të riorganizimit më të mirë.

Ariani mbron Berishën: Kush po pyet për SHBA-në, presidenti Berisha as ka vrarë e as ka vjedhur. Kemi ende punë për të fituar ndaj komunizmit

11:04 Politika

Familja Berisha, presion Bashës: Zgjidh, ose ne, ose Yuri Kim. S’ka më as mish, as peshk

10:56 Politika

Përfundon mbledhja e sekretariatit në selinë rozë, Gjiknuri: Janari do e gjejë PS me statut të ri dhe të riorganizuar

10:13 Politika

“Një avion grek u rrëzua nga forcat shqiptare në fushën e Finiqit”: Si i përcolli shtypi i Tiranës, “Provokacionet e gushtit ‘49”?

09:41 Politika

Kërcënimi i Berishës për Bashën, nëse i shkon ndërmend ta përjashtojë nga PD

09:27 Politika

Çfarë do të bëjë Angela Merkel pas zgjedhjeve parlamentare, me një pension 15 mijë euro në muaj?

09:16 Politika

Rama mbledh sekretariatin e ri të PS

09:11 Politika

"Non grata" nga SHBA, Berisha mesazh Bashës: Nëse PD do mbajë qëndrim jo parimor, do bëj gjithçka për ta rikthyer në vlerat që është krijuar

22:15 Politika

Berisha paralajmëron Ramën: Do përballesh me një opozitarizëm që këto të tjerat do të duken lule

22:12 Politika

Qeveria me gra, ironia e Andi Bushatit: Nuk ka gra me karakter, por që e quajnë shefin e tyre Skënderbe (debat me Baton Haxhiun)

21:30 Politika