Emigrantët po sjellin më shumë para në shtëpi, niveli më i lartë nga 2012-a

Emigrantët kanë sjellë tek të afërmit e tyre mbi 340 milionë euro në 6 muajt e parë të vitit, sipas të dhënave të bilancit të pagesave, të bëra publike nga Banka e Shqipërisë. Ky është niveli më i lartë i regjistruar që nga viti 2012.

Në raport me janar-qershor të një viti më parë, kur vendi po vuante pasojat e pandemisë dhe mbylljes së Europës, remitancat janë rritur me 25%. Në krahasim me periudhën përkatëse normale të 2019-s, zgjerimi është më i lehtë, me rreth 2.2%.

Rolin kryesor në këtë tendencë në raport me para krizën e ka luajtur tremujori i parë. Në janar-mars të këtij viti, paratë që emigrantët dërguan tek të afërmit e tyre në Shqipëri arritën në 169 milionë euro, niveli më i lartë që nga viti 2010, me rritje 12.5% në raport me tremujorin e parë 2019. Aktorët e tregut pohuan se një faktor që ndikoi lidhej me faktin që si rrjedhojë e shpenzimeve të rritura të familjeve për të përballuar pasojat që dha në shëndet Covid-19, fëmijët nga jashtë kanë dërguar më tepër mbështetje se zakonisht në muajt e parë të vitit.

Në tremujorin e dytë, remitancat ishin 42% më të larta se e njëjta periudhë e vitit pandemik (kur si rrjedhojë e mbylljes së menjëhershme të Europës efekti te dërgesat ishte i lartë). Por, ato ishin në rënie prej 10.7%, në krahasim me prill-qershorin e 2019-s.

Operatorët e tregut pohojnë se gjatë periudhës së kufizimeve të udhëtimeve janë rritur kanalet informale, pasi mbyllja e kufijve ka ndikuar në orientimin drejt operatorëve zyrtarë. Ndërsa në tremujorin e tretë të vitit, me rritjen e numrit të fluturimeve, kanalet informale janë rritur sërish.

Që prej vitit 2014, remitancat kishin nisur sërish trendin rritës, duke reflektuar valën e re të emigracionit. Ato u prekën lehtë në 2020-n nga kriza e shkaktuar nga pandemia, sidomos në tremujorin e dytë kur Europa hyri në karantinë, por arritën të rimëkëmben shpejt, me hapjen graduale të ekonomive.

Italia dhe Greqia vijojnë të mbeten kanalet kryesore të dërgimit të parave në vend, për shkak të numrit të lartë të emigrantëve që jetojnë e punojnë në shtetet fqinje. Por, vitet e fundit, po rriten edhe prurjet nga vendet e reja të emigrimit, kryesisht Mbretëria e Bashkuar dhe sidomos Gjermania. Aktorët e tregut pohojnë se Gjermania, për vetë faktin që është në tipologjinë e një vendi me emigracion të ri, gjatë viteve të fundit ka qenë në një rritje konstante.

Trendi i remitancave ka ndjekur në tri dekadat e fundit një tendencë ciklike, duke kulmuar në vitin 2008 dhe më pas filloi rënia, teksa me kalimin e më shumë se një dekade, emigrantët filluan të shkëpusin lidhjet me vendin mëmë, të krijonin familjet e tyre dhe të dërgonin më pak para.

Por vitet e fundit, vendi po përjeton një valë të re emigracioni, që solli sërish një rritje të remitancave, që pas vitit 2013.

Pas bukës, rriten çmimet edhe në kafe e restorante

09:20 Ekonomia

Importet e bananeve nga Ekuadori janë dyfishuar që nga 2015-a, “rikthehet” dhe Kolumbia

09:15 Ekonomia

Konkurrenca mbyll hetimet për kompanitë e gazit të lëngshëm, nuk jep asnjë masë për abuzimet: Mos e përsërisni më

09:37 Ekonomia

Thatësirat rrisin çmimin, 38 milionë euro për blerje energjie elektrike

21:25 Ekonomia

Ekspertja e financave personale: Si të investoni 250 dollarët tuaj të parë për të krijuar një pasuri për të ardhmen?!

11:35 Ekonomia 3 komente

Shqiptarët po punojnë më pak, vetëm 60 përqind e popullsisë aktive janë angazhuar në punë

20:15 Ekonomia

Cilësia e karburantit dhe sigurimi teknik, ISHTI gjobiti 51 subjekte, 17.3 milionë lekë

20:50 Ekonomia

Çmimi i Bitcoin kapërcen 50 mijë dollarët

19:10 Ekonomia

Rikthehet transporti ajror, tregun shqiptar e dominojnë linjat low-cost

21:50 Ekonomia

Raporti i Bankës së Shqipërisë, në pjesën e parë të vitit u rritën borxhi dhe papunësia, ra konsumi

20:40 Ekonomia