Te fundit
Kadilli: Të refuzojmë Berishën, s’ka çfarë jep më, edhe forumet do ta përjashtonin
13 Shtator 2021, 20:37Politika
TEMA
Ish-kandidati për kryetar të PD-së, Fatbardh Kadilli u shpreh i bindur sonte në Radarin Informativ në ABC përballë gazetares Jonida Shehu se edhe nëse do të mblidheshin forumet e partisë, do të votonin pro vendimit të Lulzim Bashës, për të përjashtuar Sali Berishën nga grupi parlamentar, pasi SHBA e shpalli “non grata”.
“Jam i bindur që forumet janë më të emancipuara për të marrë vendime për të mirë të partisë. Edhe tani të ulen të votojnë, fiton Basha, të siguroj unë. Vetëdija politike e kësaj partie është e madhe” tha ai.
Kadilli mbështet vendimin për përjashtimin e Berishës, por është kundër mënyrës si u bë.
“Ishte e pritshme që si me vendim si pa vendim do të hynim në krizë, pasi kemi një dualitet në lidership.
Por të distanohemi nga e shkuara që na mban peng, duhet të shikojmë nga e ardhmja. Me vendimin jam dakord, por jo me rrugën e ndjekur.
Nuk ka proces politik brenda saj. I prerë në besë ndihet Berisha, i detyruar Basha. Ka një mungesë parimore. Basha duhet të jetë i qartë, vendimi merret mbi parime, jo se ta kërkojnë amerikanët. Ne kemi vendosur të kemi një standard.
Basha ka pasur përgjegjësi që të merrte një vendim që ditën e parë, që të mos e shokonte partinë në Kuvend. Mos ngutej për partinë, vrapoi për të siguruar vulën dhe anëtarësinë. Berisha nuk ka më cfarë i jep politikës.
Basha shfaqet sikur i dhimbset. Berisha duhet të kishte ikur vetë. Ne nuk e bëmë një model që ta zëvendësonim, e heqin amerikanët dhe është turpi jonë” tha ai.
Por me cilin krah pozicionohet Kadilli, Berishën apo Bashën? “Nuk jam as me njërin as me tjetrin. Lufta e Berishës nuk ka princip. Puna është të mos ndahet PD-ja. Duhet të jetë e bashkuar. Uroj që Berisha të mos bëjë fraksion, sepse do ta dëmtonte më shumë. Unë qëndroj në PD” tha ai.
Sali Berisha në ditët e fundit pasi u përjashtua ka folur për mungesë sovraniteti, por Kadilli ka këtë përgjigje; “Çfarë është ky sovranitet? Kur të preket interesi ty?”.
Por cila është këshilla e tij për demokratët? “Sfidë ndaj Bashës, refuzim ndaj Berishës. Unë nuk lëviz nga partia. Partia po vuan nga fanatikët e Berishës dhe opurtonistët e Bashës”.
Në fund, Kadilli kritikoi veprimin e opozitës për grisjen e fletëve të votimit në seancën e parë kur u zgjodh kryetarja e Kuvendit, Nikolla. “Operacion shumë i dobët parlamentar. Basha është i kompleksuar. Nuk është lufta të grisësh fletët dhe t’u biesh tavolinave me grushte.
Shko bëj opozitë mos u merr me teatër. Cfarë vlere ka? Jo more, voto kundër, ky është realitet foshnjor. Kjo i intereson Bashës për t’u justifikuar se po bën opozitë të fortë” tha ai.
3 komente në “Kadilli: Të refuzojmë Berishën, s’ka çfarë jep më, edhe forumet do ta përjashtonin”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Bardh kadilli djali i sgjrimsit.
Bardh Kadilli eshte nipi i Shpetimit Familje te denuarish politik dhe te internuarish ne sistemin e meparshem . Panevaresisht une personalisht nuk e shoh lider te drejtoje nje parti si Pd por sistemi i Berishes dhe me Lulin ne Pd nuk ka te ardhme te rikthimit ne pushtet
Cdo kryetar partie rrezohet me referendum ne parti.
Ne organet me te larta nuk rrezohet lehte.
Grupimi kunder z.Basha e drejtuar nga z.Berisha , do te kerkoje mbeshtetjen e antaresise, do te zgjedhin kryetarin e tyre dhe ceshtja mund te shkoi ne gjykate.
Grupimi qe ka me shume antare, fiton ne gjykate te drejten e Sigles se partise.
Grupimi qe humbet, mund te formoje parti te re, ose qendron prape ne parti.
Demokratet jane me te emancipuar si me pare, sic thote Kadilli, por problemi eshte sa pajtohen antaret me vendimin e z. Basha dhe Amerikes.