Te fundit
Merkel, mos 'qesh' shumë me ne shqiptarët!
13 Shtator 2021, 19:29Politika
TEMA
Nga Aranit Muraçi
Disa shembuj të fundit nga ekonomia ilustrojnë gjendjen e mjeruar të debatit politik që ndizet sa në Tiranë, edhe në Prishtinë, ndërsa nesër kancelarja e Gjermanisë ka zgjedhur jo rastësisht kryeqytetin shqiptar ku do të bashkojë Edi Ramën dhe Albin Kurtin (bashkë me ta edhe udhëheqësit e Ballkanit Perëndimor) për të lënë disa porosi.
BMW (kineze) tërhoqi këtë javë 142,754 makina të importuara për arsye sigurie, pasi shfaqën probleme sigurie me karburantin. Defekti po hetohet nga gjiganti i prodhimit të makinave. Gjermania dhe Kina kanë ndërtuar një bashkëpunim të ngushtë sa i përket industrisë së lehtë dhe asaj të rëndë.
Sakaq, ndërtimi i një fabrike të re për prodhimin e vaksinave Sinopharm filloi në Serbi këtë javë dhe do të përfundojë deri në fund të marsit 2022.Transferimi i teknologjisë së prodhimit të vaksinave nga Kina është jetik për Serbinë, duke treguar gatishmërinë e Kinës për të ndarë arritjet e saj shkencore me të tjerët si dhe për të ndihmuar botën të luftojë COVID-19, tha shkencëtarja serbe Jelena Begovic.
Ndërkohë, në Shqipëri, zv.kryeministri në detyrë, Erion Braçe, tha i revoltuar se “sot KARTELI ka njoftuar çdo prodhues brumerash se do rrisë çmimet me 30%!”, duke kritikuar opinionin publik që mbetet i fokusuar te zhvillimet politike të ditës dhe jo çështje që prekin direkt ‘xhepat’ e tyre.
Ndërsa një javë para lamtumirës, Kancelarja e Gjermanisë Angela Merkel viziton sot Beogradin dhe nesër Tiranën. Në Tiranë dhe Prishtinë vazhdon zhurma për ‘Ballkani e hapur’ ndërsa presin të gjithë mesazhin që do të përcjellë Merkel mbi këtë nismë.
Ajo sigurisht do të qeshë me debatet dhe zhvillimet e fundit rreth nesh dhe ndoshta do të pyesë: A e dini se çfarë prodhoni ju shqiptarët dhe sa e mbron shteti konsumatorin?
Dhe medoemos do t’ju lërë ndonjë porosi Kurtit dhe Ramës: Nëse doni të zhvilloni ekonominë vlerësoni ekspertët më të mirë që keni, studioni tregun, vlerësoni prioritetet e zhvillimit dhe sigurisht jepini vlerë dijes dhe punës.
Nëse nuk duan të zhvillojnë ekonominë, nuk është nevoja t’ju thotë që të krijojnë sherre politike sa të munden dhe të rrisin apo të mbajnë pushtetin sa më gjatë, duke qenë se shqiptarët janë të njohur ndërkombëtarisht për sherre dhe shamatë me njëri-tjetrin.
Zgjerimi i Europës ku Shqipëria kërkon të anëtarësohet bashkë me fqinjët nuk do të thotë politikisht fjalë për fjalë mbyllje, por hapje.
Ekonomikisht nëse Shqipëria dhe Kosova nuk konkurojnë dot tani me produktet e tyre, nëse nuk ndërtojnë dot fabrika, qoftë edhe kineze, vietnameze, serbe, kubaneze, amerikane, gjermane, greke, somaleze etj., a nuk janë në gjendje ato të fokusohen të paktën në mbrojtjen e konsumatorit, që për shembull miellin kur nuk e prodhojnë vetë ta sigurojnë me një çmin dhe me cilësi sa më konkurues në treg, pavarësisht se nga cili treg vjen ai.
A nuk ka një kohë që shqiptarët t’ia nisin nga e para që të konkurojnë me të tjerët, jo për të dalë të dytët pas Gjermanisë së Merkelit, por të parafundit në Ballkan, nëse vlerësojnë se kanë mbetur të fundit dhe kjo del pas një studimi të tregut që duhet të kishte nisur 30 vite më parë.
7 komente në “Merkel, mos ‘qesh’ shumë me ne shqiptarët!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Në konferencën për shtyp që mbajtën Vuçiç dhe Merkel,Vuçiç deklaroi se dëgjohen me Ramën çdo 7 deri 10 ditë ndërsa shihen së paku një herë në muaj.
Tani GJYKONI VET OOOO MILET!!!!
Në konferencën për shtyp që mbajtën Vuçiç dhe Merkel,Vuçiç deklaroi se dëgjohen me Ramën çdo 7 deri 10 ditë ndërsa shihen së paku një herë në muaj.
Tani GJYKONI VET OOOO MILET!!!!?????
e cte gjykojme o Vis ? He na nxir ndonje teori konspirative mbase edhe e hame kush e di
Ça thua more shoku!? Të marrim ne miell me çmim të lirë në Kinë, apo Russi !?
Po ne barë hamë dhe Amerikën nuk e tradhëtojmë.
Megjithëse këtu deri më tash nga Amerika vetëm bar ka ardhur, sepse ndihmat në dollarë që kanë ardhur që janë disa miliona dollarë, I kanë marë specialistët amerikanë që bëjnë sikur trajnojnë pjesëtarët e reformës në drejtësi, në polici, në ushtri, për ekonominë e tregut etj.
Bravo, i ke ra piks!!!!
MOS QESH SHUM ME SHQYPETARET POR SHKRIHU NE GAS ME KOSOVARET SI MADALEN OBRAJT KUR I KISH THANE IBRAHIM RUGOVA TA BANIN KOSOVEN SHTETIN E 52te TE SHBA. BILES AJO KA THANE SE EDHE VITE ME VON BAHEJ ME QESh SA HER KUJTONTE ATE IDIOTESI. KUR SOVRANI ASHT IDIOT PO TE TJERET SI DO JEN?
Realiteti me ta është krejt ndryshe. Në pamje të parë të japin pershtypjen si njerez te mirë , duke parë mënyrën për të shpetuar kundershtarin e Putinit që u helmos, propozimet për zgjidhje ne konfliktin Rusi-Ukrain dhe nga ana tjetër i thonë Parlamentit të Holandës vendos Jo për statusin deri sa te zgjohet Parisi dhe te vendos Veto për negociatat duke marrë peng dhe Bullgarin me Maqedonin pa arsye politike. Kushtet e tyre të vazhdueshme janë si plasja e apandesitit që përpiqen ta shërojn në sipërfaqe, ose të dhëmb këmb e majtë ., të presin të djathtën.