Te fundit
‘Berisha’ përfundon në PE: Eurodeputetët presion BE-së që të ketë qasjen e SHBA me vendimin për ‘non grata’
13 Shtator 2021, 19:00Politika
TEMA
Komiteti i Jashtëm i Parlamentit Europian ka nisur disktutimet mbi raportin vjetor të eurodeputetit, Lucas Mandl mbi bashkëpunimin në luftën kundër krimit të organizuar në Ballkanin Perëndimor. Raporti është në fazën e propozimeve për amendime nga anëtarët e tjerë të Komitetit të Jashtëm.
Amendimet e propozuara janë të shumta dhe përfshijnë të gjashta vendet e Ballkanit Perëndimor. Në rastin e Shqipërisë bien në sy dy propozimet e bëra përkatësisht nga eurodeputetja Viola Von Cramon e të gjelbërve dhe nga eurodeputeti David Lega i grupit të të djathtëve.
Viola Von Cramon, që në PE mban edhe postin e raportueses për Kosovën propozon në amendime që i bëjnë thirrje Bashkimit Europian që të përqafojë praktikën e Shteteve të Bashkuara të Amerikës, duke sjellë si shembull shpalljen “non grata” të ish-kryeministrit Sali Berisha.
“(PE) mirëpret qasjen e rinovuar të angazhimit të SHBA në Ballkanin Perëndimor, përfshirë përqëndrimin e tyre në luftën kundër korrupsionit. Vlerëson në këtë kontekst urdhrin ekzekutiv të SHBA për të sanksionuar personat që kontribuojnë në destabilizimin e rajonit, si edhe aksionet që shënjestrojnë individë dhe ente për akte domethënëse korruptive në Bullgari dhe ish-Kryeministri Berisha në Shqipëri.
Bën thirrje që BE të ketë një qasje plotësisht të ngjashme me këtë (praktikën e SHBA)”, propozon eurodeputetja Von Cramon në amendimin e saj.
Eurodeputeti i së djathtës, David Lega propozon në amendimin e tij që në raportin vjetor mbi bashkëpunimin kundër krimit të organizuar të vihet theksi të korrupsioni, sipas tij, në nivele të larta në Shqipëri.
“Korrupsioni dhe krimi i organizuar mbeten një shqetësim serioz në Ballkanin Perëndimor; PE thekson si shembull, që në Shqipëri, korrupsioni është burimi i dytë më i madh i të ardhurave financiare të paligjshme (IFF), pas trafikut të narkotikëve. Banka Botërore vlerëson se 36.1 për qind e kompanive në Shqipëri gjatë 2019-s u përballën me të paktën një kërkesë për ryshfet”, propozon ai.
Eurodeputetë të tjerë kanë propozuar amendime të përgjithshme, por mes amendimeve gjen edhe propozime konkrete, si ai i eurodeputetit, Michael Gahler, që vë theksin e ekzistencës së në korridori të trafikut të lëndëve narkotike mes Kukësit dhe Tetovës.
Sipas tij, nga Kukësi në Tetovë trafikohet hashashi, ndërsa anasjelltas trafikohen lëndë narkotike më të rënda, si heroina.
Ai kërkon përmes amendimit që t’i bëhet thirrje Shqipërisë dhe Maqedonisë së Veriut që të shtojnë përpjekjet në luftën kundër trafikut të narkotikëve dhe të mbyllin rrugët e këtij trafiku.(SI)
3 komente në “‘Berisha’ përfundon në PE: Eurodeputetët presion BE-së që të ketë qasjen e SHBA me vendimin për ‘non grata’”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Mos ma ngani LEXHENDEN e shkaterrimit te popullit te tij qe i besoj verberisht thjesht sr ngrinte dy gishtat lart.
Ju futshin aty ku duhet.
Ditka eurodeputeti se qenka nje kanal trfiku kukes- tetove. Mortja e hengert qe ben te ndershmin kur droga trafikohet dhe konsumohet nga vendet e tyre. Po te mos kete evropa treg droge trafikantve u mbetet malli ne dore.
Duhet notë-protest. Ndërhyrje në punët e brëndëshme të një shtetasi shqiptar nga PE, gjë që mund ta zhys dhe me shume ne depresion ( deri në flijim), ndaj do ishte mir që PE të shikoj punen e saj dhe te mos fusi zjarr ne shtepin e botes. Lejon Greqin te zgjerohet ne ujërat tona dhe shqetesohet se u spostua Berisha dy karrike me tutje në Kuvendin tonë. PE nuk është e para herë që nxit 21 Janar 2011, që i jep te drejt fqinjeve ne tema te nxehta, ndaj është mëse e nevojshme t’ju behet me dije stop ketij fashizmi