Miratohet rregullorja që ul nivelin e komisioneve të agjentëve në sigurimin e automjeteve

Bordi i Autoritetit të Mbikëqyrjes Financiare ka miratuar në mbledhjen e datës 26.10.2021 rregulloren “Për komisionet e ndërmjetësimit”. Kjo rregullore është hartuar në zbatim të pikës 6, neni 7 i Ligjit nr. 32/2021, datë 16.03.2021 “Për sigurimin e detyrueshëm në sektorin e transportit”, ku parashikohet se “Komisionet e ndërmjetësimit nuk mund të jenë më të larta se niveli i përcaktuar me rregullore nga Autoriteti”.

Komisionet e ndërmjetësimit janë pagesat që shoqëritë e sigurimit u japin agjentëve të tyre ose brokerave, për çdo shitje të një police (kontrate) sigurimi. Sipas përcaktimeve të nenit 4 të rregullores së miratuar nga AMF, “Shoqëritë e sigurimit të jo-jetës, nuk mund të aplikojnë në total komisione ndërmjetësimi, për çdo policë të shitur, më të lartë se 20% e primit të shkruar bruto, nga 1 janari i vitit 2022.” Kjo vlerë parashikohet të ulet më tej, duke nisur nga 1 janari 2023, duke zbritur në 18% të primit të shkruar bruto për çdo policë të sigurimit të detyrueshëm motorik.
Në këtë mënyrë, kufizimi i komisioneve të ndërmjetësimit prek kontratat e sigurimit TPL, policat kufitare, si edhe Kartonin Jeshil. Nga të dhënat teknike dhe financiare, të raportuara nga shoqëritë e sigurimit, komisionet e ndërmjetësimit në këtë kategori sigurimi gjatë viteve të fundit rezulton të kenë qenë të larta, me një mesatare tregu prej afro 28%.

Rregullorja e miratuar nga Bordi i Autoritetit të Mbikëqyrjes Financiare parashikohet të hyjë në fuqi më 1 janar të vitit të ardhshëm. Shoqëritë e sigurimit të Jo-Jetës brenda kësaj periudhe deri në hyrjen në fuqi të rregullores së re “Për komisionet e ndërmjetësimit” duhet të rishikojnë marrëveshjet e tyre me ndërmjetësit në lidhje me komisionet që ata përfitojnë për shitjen e kontratave të sigurimit. Kufizimi i komisioneve të ndërmjetësimit pritet të sjellë rritje të eficencës në shpenzimet e marrjes në sigurim, si edhe një administrim më të mirë të burimeve financiare të shoqërive të sigurimit.

Rregullore per komisionet  endermjetesimit

Në 2022, shtatë koncesione të reja me vlerë 2 miliardë dollarë: Nga kolaudimi, autostrada Milot-Fier dhe siguria rrugore

19:59 Ekonomia

Zv.ministri i Energjitikës: I siguroj qytetarët që për të paktën 3-4 vite nuk do të ketë rritje të çmimit të energjisë

19:30 Ekonomia

Banka Credins anëtarësohet në UN Global Compact

15:22 Ekonomia

SHIFRAT/ Shqiptarët rrisin konsumin e kafes, cigares dhe birrës

14:36 Ekonomia

Shansi për Shqipërinë, prodhimi që mund të nxitet nga kriza e çmimeve

09:11 Ekonomia

Balluku në Konferencën e Nivelit të Lartë në Transport, diskutohen hapat për rritjen e sigurisë rrugore dhe eleminimin e vonesave në kufij  

15:28 Ekonomia

Koha për një socializëm të ri ekonomik

09:31 Ekonomia

Qeveria njofton se do të rrisë rrogat dhe ndihmën ekonomike me... 6%

17:35 Ekonomia

Aksioni kundër informalitetit në transportin e pasagjerëve, Task Forca kontrollet në Tiranë  

16:23 Ekonomia

Rreziku nga inflacioni, Gent Sejko: Rritja e çmimeve mund të frenojë rimëkëmbjen ekonomike

15:46 Ekonomia