Kallëzimi në SPAK për komisionin e Kuvendit, Berisha: Opozita nuk është as vulë as bravë! Basha është tmerruar nga shkarkimi, ka prekur fundin e tij

Pas lajmit se PD ka kallëzuar në SPAK organizatorët e kuvendit kombëtar të së shtunës, ish-kryeministri Sali Berisha ka reaguar me anë të një positimi në rrjetet sociale.

Berisha shkruan se opozita nuk është as vule as bravë.

Ndër të tjera, shkruan se veprimi i Lulzim Bashës tregon pse ai shkon nga humbja në humbje pas çdo zgjedhje, ndërsa hedh akuza se opozita e Bashës është fasadë dhe ai është peng i Ramës.

“Opozita nuk eshte as vule as brave!

I tmerruar nga vendimi për shkarkimin me 4446 vota ne Kuvendin e Partisë Demokratike datë 11.12.2021 pengu i Edi Ramës vendosi që me këshillën dhe mbështetjen e pengmarrësit te tij të padisë sot në SPAK vullnetin e mijëra demokrateve të shprehur masivisht kundër tij, si asnjëherë më parë në historinë e Partisë Demokratike!

Ky veprim i dëshpëruar për të kërkuar ndihmë tek Edi Rama dhe falangat e tij në drejtësi provon dhe një herë faqe botës se arsyeja e vetme përse PD kalon prej vitesh nga humbja në humbje është pazari i peng-Bashës me Edi Ramën!

Akte të tilla tregojnë se ish lidershipi i PD-së ka prekur fundin e tij politik dhe moral.

Lulzim Basha ka humbur zgjedhjet, ka humbur qytetarët, ka humbur demokratët, ka humbur delegatët, ka humbur strukturat dhe vetë Partinë Demokratike, por i gënjen mendja se do mund të vazhdojë pazaret dhe marrëveshjet e fshehta me Edi Ramën me vula dhe brava!

Eshtë i pashpresë!

Koha kur kauzat e qytetarëve dhe sakrificat e demokratëve blatoheshin si kurban në altarin e pazareve të tij me Edi Ramën ka marrë fund më dt 11.12.2021! Shqipëria nuk meriton dhe nuk do të ketë kurrë më një opozite dhe pluralizëm fasadë!

Kuvendi Kombëtar, si  forumi  më i lartë i partisë  ka miratuar vulën dhe logon e re të Partisë Demokratike, e cila në vetvete mbart simbolet e 11 dhjetorit 1990. Këto simbole  mbajnë historinë, djersën dhe gjakun e mijra demokratëve që kanë sakrifikuar deri në akte sublime për vlerat e lirisë, fjalës dhe konservatorizmit. Këto vlera që ne i kemi mbrojtur dhe vazhdojmë t’i mbrojmë fort, u përballën me forcat e errëta të diktaturës dhe nuk  humbën, por u rikthyen më të fuqishme . Aq më pak do mundet ti  zhbëjë drejtësia e kontrolluar nga Rama i cili  tashmë është  rreshtuar fort dhe zellshëm në krah të  atyre që me veprime  korruptive tentuan të çojnë drejt shkatërrimit Partinë Demokratike.

Karrigethyeri i Edi Ramës dhe gaztorët e tij do marrin përgjigjen përfundimtare nga vota e dhjetëra mijëra demokratëve ne referendumin që do zhvillohet në dt 18.12.2021.

Ftojmë të gjithë demokratët te punojmë bashkë çdo ditë, orë e sekondë deri kur të kemi një Parti Demokratike të vlerave konservatore, më të fortë me te hapur më të bashkuar dhe mbi te gjitha SOVRANE dhe FITUESE!

Komisioni për Rithemelimin e PD-së”, shkruan Berisha.

Flamur Noka i shkruan Gledis Nanos: Si ka mundësi që rrethoni PD-në me forca policie?

12:38 Politika

Gjithçka në ’emër’ të statutit, përveç delegatëve, thembra e Akilit që do të përcaktojë të ardhmen e PD

12:34 Politika

Dokumenti: Nga Vokshi tek Këlliçi, PD kallëzon në SPAK pesë ish-funksionarë për përdorimin e vulës dhe simboleve të PD

11:55 Politika

Drejtuesi i grupimit “Dhjetor 90” denoncon nga selia blu: Na kyçën brenda që të mos përballemi me Bashën

11:47 Politika

Mbledhja e grupit parlamentar, zbardhen udhëzimet e Bashës për deputetët

11:32 Politika

PD zhbën brenda 24 orësh Kryefoltoren e Berishës

10:50 Politika

Perandoria Otomane, gjiganti i harruar i historisë së Perëndimit

09:29 Politika

Cili do jetë fati i PD-së tani?

09:23 Politika

Aldo Bumçi: Këtë që bëmë me PD, ta bëjmë edhe me Shqipërinë

09:05 Politika

Këshilli Kombëtar shkarkon Palokën dhe anëtarët që aderuan në “Foltore”, Bardhi: Sillen si celulë ilegale

21:35 Politika