Te fundit
Muli propozon sanksione shtesë ndaj Rusisë
28 Shkurt 2022, 20:37Antena
TEMA
Pas vendimit të qeverisë shqiptare për të vendosur një sër sanksione kundër Rusisë, Muli është në hall, pasi nuk përshëndet dot sanksionet e qeverisë, dhe vendosi të shpallë disa sanksione të vetat:
“Të dashur foltoristë!
Qeveria e Edi Ramës është aleate me Putinin, por bën sikur i vë sanksione.
Ne si Foltore kemi qëndrime të qarta kundër Putinit dhe propozojmë këto sanksione, të cilat duhet t’i zbatojë qeveria shqiptare.
Në rast se nuk i zbaton, atëhere tregon që është me Putinin.
1-Gjithë fishekët dhe predhat që kanë mbetur pa u demontuar në Gërdec, të nisen drejt Ukrainës.
Nëse qeveria nuk e bën dot këtë, ne si Foltore u ofrojmë ekspertizën e Zenit për dërgimin dhe përdorimin e tyre aty.
2-Edi Rama të tërheqë Lul Bashën nga gara për bashkitë më 6 mars dhe të na garantojë neutralitetin e tij deri në zgjedhjet e reja brenda partisë më 22 mars.
Ndryshe ata po bëjnë lojën e Putinit.
3-Erion Veliaj të tërhiqet nga procesi gjyqësor me Mand Dukën, pasi kjo është goditje e unitetit kombëtar në kulmin e luftës Rusi-Ukrainë.
4-Ambasadorja Yuri Kim të mos shfaqet në ekrane deri më 6 mars, pasi humbet neutraliteti dhe është provokim ndaj sigurisë kombëtare.
5-Presidenti Zelinski të jap intervistë tek Zeni.net dhe të dëshmojë që Doktori është i vetmi pro amerikan që po ndihmon Ukrainën.
Këto pesë kushte duhet të shtohen tek paketa e sanksioneve kundër Rusisë në emër të Foltores.
Nëse Edi Rama heziton, atëhere ai bën lojën e Putinit”.
Lini një Përgjigje
Më të lexuarat
24 oret e fundit
Javen e fundit
Blog Tema
