Muli harton listën e dekorimeve për të “plagosurit” nga gazi

Pas përplasjeve me molotov drejt Kryeministrisë, policia reagoi dje duke përdorur gaz lotsjellës me spec djegës, i cili kësaj here nuk ishte i skaduar dhe pati efekt të menjëhershëm. I pari e provoi Muli, të cilit iu errën sytë. Pastaj pa që Klevisi po mbahej nga shokët. Albana vuri menjëherë maskën, ndërsa ata të Partisë së Lirisë ia mbathën.
Pas gjysmë ore ishin në spital dhe erdhi Doktori.
- Ku janë të plagosurit nga gazi? - i tha Tritanit.
- Nuk ka faj gazi - tha Tritani. - Ishte bashkë me shokët. Edhe ai është i plagosur.
- Jo nga Gaz Bardhi, nga gazi lotsjellës - i tha Doktori.
- Ah, po. Këtu janë. Ishin shumë rëndë, por sa e morën vesh që do vije ti, janë përmirësuar të gjithë. Madje Klevisi ka bërë dhe dy xhiro në dhomë.
- Tritan, na duhen të plagosur, jo të shëruar - i tha Doktori. - Shko futu brenda, u thuaj të shtiren prapë dhe kur të hyj me kamera të mos lëvizin as qepallat.
- E kuptova - tha Tritani dhe hyri me vrap brenda.
Doktori priti pak në korridor derisa “u stabilizua gjendja”. Pastaj hyri.
U drejtua nga krevati i Klevisit.
- Ky është një krim i rëndë - tha. - Si mund ta masakrosh një deputet opozitar kështu, duke e qëlluar me lëndë helmuese luftarake?
- Edhe më keq, Doktor - i tha Tritani. - Janë lëndë që i ka përdorur edhe Irani në demonstratat kundër studentëve.
- Është e qartë - tha Doktori. - Prapë i paskan të skaduara. Ato në Iran bënin efekt, këta prapë i kanë marrë skarco.
Pastaj u kthye nga Muli.
- Duhet të bëjmë diçka - i tha. - Duhet një listë martirësh të këtyre protestave, që janë ndoshta protestat më të fuqishme në botë. Këta njerëz janë martirë.
Klevisi dëgjonte i frikësuar poshtë çarçafit. “Më duket se dua të mos zgjohem më”, tha me vete.
Sa iku Doktori, u ngrit dhe i tha Mulit:
- Unë nuk dua dekoratë. Do jem prapë në demonstratë. Kush do të jetë martir, le të marrë dekoratë. Unë dua të jem gjallë.

Muli shpjegon pse filloi me vonesë mitingu

20:04 Antena

Përgatitet e fundit të Mulit për mitingun

20:47 Antena 1 koment

Muli i alarmuar nga shtimi i budallenjeve ne takime

21:19 Antena 1 koment

Muli po përgatit një sulm ndaj Samitit të Diasporës

20:24 Antena 2 komente

Tortura e Mulit për të uruar fitoren e Peter Magyar

19:07 Antena 1 koment

Muli dyshon te strategjia e Ramës për dialektin geg

19:43 Antena

Muli dyshon se Engell ka gisht ne dosjen 'non grata" te Doktorit

19:34 Antena

Muli po teston Doktorin për ngushticën e Hormuzit

17:53 Antena

Muli zbulon se si Klevesi bëka opozitë me ChatGPT

19:17 Antena

Muli në telashe me Lelon pasi ka punësuar një shkrues me pagesë

18:04 Antena