Te fundit
Mulit i ngelet qejfi me Gimin e Puros për komentet rreth Fanes
9 Gusht 2025, 18:02Antena
TEMA
Sot Gimi i Puros është kthyer sërish në qendër të vëmendjes pas një zbulimi tronditës në media. Ai ka konstatuar se Ramaduro i ka marrë zyrat e News 24, pasi po i vjen ora e llogarisë para CIA-s si Maduros në Venezuelë. Në argumentet e tij, Gimi i Puros thotë se, sipas burimeve të tij amerikane, gjyqi do t’i bëhej në News 24 dhe do të ndiqej live nga gjithë populli shqiptar në fundin e tij.
Muli u tërbua nga ky koment.
Thirri Lelon t’i tërhiqte vëmendjen se po i dilte shtypi jashtë kontrollit.
– Duhet t’ia bësh të qartë Gimit të Puros se ai deri tani frymëzohej nga Çim Peka, kurse tani del që u frymëzoka nga Fania.
Kjo është fyerje për partinë tonë, pasi Zeni.tv është në krye të partisë sonë dhe jo Fania. Fanien e kishim taks nga Ilir Meta.
– Ka dashur të duket solidar, – tha Lelo, – ngaqë ka parë dhe reagimin e Doktorit për lirinë e shprehjes, meqë Doktori e ka pas ëndërr tërë jetën të shikonte një media të pavarur në Shqipëri.
– E kuptoj, – tha Muli, – por nuk mund të pranojmë që gjyqin ndaj Ramduros ta bëjë Fania dhe jo Zeni.tv. Se pastaj krijohet pështjellim mes demokratëve.
– Do t’ia përcjell shqetësimin, – tha Lelo, – por ai me siguri do më justifikohet se ka folur me Trumpin dhe ia ka sugjeruar ai.
– Mirë, atëherë thuaji Gimit të Puros t’i thotë Trumpit që Fanen e mori më qafë duke ëndërruar të bëhej miliarder si ai, që pastaj të bëhej president. Tani të mos na marrë më qafë edhe TV Zenin.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Zot na fal çfare kane vuajtur shqiptaret me keto felliqesira