Te fundit
A është zgjidhje përjashtimi i “non grata-ve” nga politika me ligj?
17 Gusht 2022, 11:19Blog
TEMA
Nga Altin Ketro
Që të jem i qartë qysh në fillim. Sali Berishën ka merituar jo thjesht largimin nga politika por burgun, qysh nga viti 1996 kur ai nisi projektin e rrënimit të demokracisë shqiptare, që pasoi me krimet e shkaktuara prej tij nga viti 1997 me rënien e skemave piramidale e të vetë shtetit, e më pas me tentativën e grushtin e shtetit në shtator 1998, e për të vijuar me gjëmat e 8 viteve të qeverisjes si kryeministër që kulmojnë me Gërdecin dhe 21 janarin.
I thashë këto më sipër teksa është hedhur në publik ideja nga mazhoranca që për personat e shpallur “Non Grata”, t’u hiqet e drejta të zgjidhen apo emërohen në institucione të larta shtetërore.
Duke qenë se Sali Berisha është një prej të shpallurve “Non Grata” nga dy prej demokracive më të konsoliduara të botës, duket sikur ky ligj po bëhet enkas për të, pra për ta nxjerrë njëherë e mirë nga politika, ose më saktë, nga institucionet e politikës.
Duke qenë se mbetem gjithnjë i idesë që Berishës nuk i duhet dhënë më kurrë mundësia që të ketë dorë në punët qeverisëse të Shqipërisë, nuk më duket shumë e gjetur si zgjidhje që nxjerrjen e Berishës [dhe të tjerëve] nga politika, t’i bësh me nen të posaçëm ku qenia e tyre “Non Grata” prej SHBA ve, Mbretërisë së Bashkuar apo çdo vendi tjetër të BE së, të përbëjë shkak për këtë përjashtim.
Parimisht duket si diçka e drejtë për të qenë në harmoni me frymën e partnerëve tanë strategjikë që sidoqoftë na e duan të mirën. Por unë e shoh edhe në një aspekt tjetër, i cili më frenon për të qenë entuziast me këtë zhvillim politik e ligjor nëse i shkohet deri në fund siç përflitet.
Nuk më shqetëson fakti se Sali Berisha (i cili sa ka rrojtur s’ka për të rrojtur) e kushdo qoftë tjetër pas tij, do të përjashtohen nga institucionet e politikës meqë janë “Non Grata”. Shqetësues është fakti se vendimmarrja në të ardhmen e kryetarit të shtetit, e organit legjislativ Kuvendit të Shqipërisë, e ekzekutivit pra qeverisë, e më tej deri e opozitës, do të jenë të paragjykuara.
Kushdo mund të ngrejë më pas teori konspirative se vendimmarrjet e të lartpërmendurave po bëhen nga frika se mund të shpallen “Non Grata” dhe rrjedhimisht do u digjet karriera politike.
Kjo do të jetë shumë e rëndë për besueshmërinë e një shteti, sepse e paragjykon në pavarësinë vendimmarrëse të përfaqësuesve të saj. Sado miq të mirë e partnerë strategjikë të pazëvendësueshëm t’i kemi ata që do shpallin “Non Grata” shtetas shqiptarë (veçanërisht politikanët), më duket e tepërt që këtyre partnerëve t’u japim një të drejtë të tillë në ligjet tona që shkon kaq thellë në lëshimin e sovranitetit të vendit. Faktikisht, klasa politike e një shteti ka lidhje të drejtpërdrejtë me sovranitetin e një vendi.
Aktualisht ne kemi një pengesë ligjore që përjashton automatikisht nga sistemi gjyqësor çdo gjykatës a prokuror që shpallet “Non Grata”, por kjo është një masë e përkohshme që zgjat aq sa zgjat edhe procesi i vetting-ut. Me përfundimin e afatit ligjor të vetting-ut, bie automatikisht edhe kjo klauzolë e parashikuar në ligj.
Kurse në rastin e politikanëve kjo do të jetë e përhershme. Po në rast se me kalimin e viteve ndonjëri nga shtetet që ka shpallur “Non Grata” një politikan shqiptar vjen një çast dhe ia heq atë damkë, a do quhet i rehabilituar ai? Sigurisht që politikanit në fjalë i lind e drejta t’i rikthehet politikës. Por pyetja që lind në këtë rast është: Cila është kostoja e dyshimit që ai mbart mbi vete pas këtij rikthimi?
Faktikisht, shpallja “Non Grata” e politikanëve nga vendet mike të Shqipërisë duhet të ishte një akt moral i vetë individit për të reflektuar nëse duhet të këmbëngulë për të qenë pjesë e politikës, por jo të shkohet në ekstremin e përjashtimit apriori me ligj nga politika.
Besueshmëria në vendimmarrjen e institucioneve tona, në pushtet apo në opozitë qofshin ato, ka më shumë rëndësi se çdo antipati politike që mund të kemi për njërin apo tjetrin politikan, qoftë ky edhe vetë Sali Berisha!
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po eshte e vetmja zgjidhje per situaten se ku ndodhet Shqiperia sot. A do zotrote te zvarritemi edhe ca vite te tjera me Saleh Berishen, komunistin, te korruptuarin, vrasesin e demokracise dhe qytetareve bashke me sivellain e tij politik dhe mafioz, ish spiunin Ilir Meta/Metaj? Si hieqn keta ndryshe nga politika? Me vote, ata kane 30 vjet qe po i nxijne jeten ketij populli. Kane grumbulluar aq shume para sa mund te blejne jo elektorat por shtetin. Do thoni po pse humbasin! Po sepse nuk marrin dot votat e shumices e cila i urren, por ata marrin aq vota sa u duhen te mbeten ne politike dhe te sigurojne keshtu lekuren nga drejtesia. Po mire do thoni ju, ku eshte kjo drejtesi? Shume i drejte konstatimi. E pra meqe me elektorat dhe drejtesi keta nuk shkulen nga mjedisi politik shqiptar, edhe pse keta te dy nuk vine kurre me ne pushtet, mbete vetem menyra e trete ajo parlamentare, me ligj. A nuk i kane bere vendit keta me ligj, kur kane patur ne dore, gjithe mynxyrat? Nuk po rrjeshtoj dhjetra, por mjafton sa per ilustrim vetem Ligji 7501 per Pronat, ligj qe i ka vene minat themeleve te Shqiperise dje, sot dhe per te ardhmen dhe ka shkatuar deri me sot afro 10.000 viktima si dhe gjyqe pa fund. Kete na thuaj zoti Ketro, kete!
Tani e tutje nuk duhet t e bejm me zgjedhje Parlamentare, sepse kush duhet t e jete ne krye te Shqiperise duhet ti marrim leje hajdutit EDI RAMA dhe spiuneve te tij, qe i lepijne bythen Si nuk ju vjen turp ju more mut mutesh, qe perkarhni nje hajdut te qelbur si EDI RAMA qe po vjedh si i babezitur, ' dhe qe eshte edhe sherbetor i bindur i Serbise
PO NE PAMUNDESI TE VEPRIMIT TE DREJTESISE VEPROHET NE KETE RAST ME LIGJIN E DEKRIMILIZIMIT SE MJAFT I KEMI KETA POLITIKANE PER 32 VJET.SA PER ATE ANEN MORALE TE KETYRE POLITIKANEVE QE THUA ZOTROTE NUK EGSISTON.
Duke folur parimisht i nderuar ke te drejte. Por duke pare nivelin shume te ulet te qytetaro-fshatareve shqipefoles dhe shitjen masive te votave, kjo eshte menyra e vetme per te larguar per momentin keta politiqener. Kur shqiptaret do te kuptojne rendesine e votes besoj vete koha do i shoshisi plehrat bolshevike qe na kane mbytur prej 85 Vitesh!
Ketra . Per cilin sovranitet flet. Ate te te Bishes dhe TE cmendurit 1?