Te fundit
Gjuha e shfrenuar antiperëndimore e Patriarikut serb Porfirije në Moskë
24 Prill 2025, 09:32Blog
TEMA
Nga Enver Robelli
Pas vizitës në Pejë, Patriarku serb Porfirije vrapoi te Putini. Sundimtari i Rusisë e priti në Kremlin, Porfirijen, i cili shoqërohej nga Patriarku rus Kirili. Porfirije foli si i deleguar i presidentit serb Vuçiq në Moskë dhe si zëdhënës i nacionalizmit serbomadh. Kreu i Kishës Ortodoske Serbe kritikoi ashpër Perëndimin. Porfirije foli për ndikimin negativ që - sipas tij - Perëndimi ushtron ndaj popullit serb dhe ortodoksisë.
“Nuk është e lehtë. Edhe tek ne këto ditë po ndodh një lloj revolucioni. Si quhet ai – i ngjyrosur?” pyeti ai, duke kërkuar përkthim të fjalës ruse të cilën e përdor pushteti në Rusi për të përshkruar ndikimet e huaja dhe destabilizimin. Peshkopi serb Irinej i ndihmoi Porfirijes dhe u përgjigj: “Revolucion me ngjyra”.
“Shpresoj ta kapërcejmë këtë sprovë. Sepse qendrat e pushtetshme në Perëndim nuk duan që populli serb të zhvillojë identitetin dhe kulturën e vet. Faleminderit, zoti president, për mbështetjen. Zoti ju dhëntë forcë dhe urtësi. Lutjet tona janë me ju,” tha Porfirije. Pastaj ndërhyri Patriarku rus Kirili me fjalë po ashtu të ashpra: “Por ajo që po ndodh sot me moralin njerëzor, me moralitetin në Perëndim – do ta them me zë të lartë, nuk kam pse të turpërohem – është e gjitha djallëzore”. Porfirije pohoi me kokë.
Ai aludoi se Perëndimi jo vetëm po mbështet protestat në Serbi, por gjoja po pengon edhe zhvillimin e identitetit serb. Pas falënderimeve gjunjëzuese ndaj Putinit për përkrahjen e Serbisë në luftimin e pavarësisë së Kosovës, Porfirije shprehu dëshirën që populli serb të jetë pjesë e “botës ruse”. Pa Rusinë dhe Kinën, tha Porfirije, populli serb nuk ka perspektivë.
Nëpërmjet Patriarkut Porfirije lideri rus i dërgoi porosi Vuçiqit se e pret në paradën e 9 majit në Moksë në 80-vjetorin e fitores mbi nazifashizmin. Vuçiq paralajmëroi se do të jetë në Moskë. Kësisoj ai tregoi se nuk i merr parasysh vërejtjen e Bashkimit Europian se nuk duhet të vizitojë Moskën më 9 maj. Patriarku Porfirije e përshkroi Serbinë si një lundër të lidhur me anijen e madhe ruse.
Para se të bëhej Patriark serb, Porfirije ka qenë mitropolit i Zagrebit. Atje prezantohej si përkrahës dhe adhurues i dialogut, tregonte se në rini ka qenë roker. Disa politikanë dhe intelektualë kroatë me prirje projugosllave-majtiste syhapur ranë në kurthin e tij, duke i thurur elozhe.
Porfirije e përmendi në Moskë sidomos Malin e Zi si pjesë të botës serbe. Roli i Kishës Ortodokse në këtë vend është rritur dukshëm dhe paraqet rrezik për identitetin shtetëror malazez pasi kryeministri i dikurshëm i Malit të Zi, Dritan Abazoviq, me një akt të paprecedent nënshkroi një marrëveshje me Porfirijen për t’ia kthyer kishës serbe pronat në Mal të Zi.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Vitimizmi i sllaveve dhe OTHORDOKSIA POLITIKE Shum i peshtire Hak thu Hak thu
Ne se ,sipas planit Tramp ,Rusija merr tri rajonet lindore te Ukraines,urra, dhe ne shume shpejt do te bashkohemi me Kosoven ,dhe ndoshta edhe mal te zi dhe maqedoni nuk do te kete e Ballkani ( ai i verteti ) do te kete vetem 3 shtete pothuaj te barabarta ne popullate ,Shqiperi, Serbi,Gerqi.
Shih ëndrra me sy hapur ti, shih. Më shumë gjasa ka që komunat në veri të Mitrovicës të bashkohen me Serbinë, së bashku me Malin e Zi, sesa ne të bashkohemi me Kosovën. Jo se jam kundër bashkimit. Por nuk e shikon ti që Trump bën siç i thotë Putin?!
Pordhfirije rrace qenesh. Qeneria Slave ska me vend ne Iliri. Vajte ne veren e asaj qe te ka dh..... atje ne Ku ke prejardhjen ne stepat e muzhikut rrus.
Nese i ben je analize shkrimit me pro Setb del autori shkrimit se vete patriarku Serb.
Dele-grah-cioni i Vučić-it te Putini.