Te fundit
Sa i madh paska qenë “halli” i Gaz Bardhit që po sfidon edhe SHBA?!
4 Tetor 2023, 21:30Blog
TEMA
Nga Poli Hoxha
Fenomeni “gazbardhi” në politikën shqiptare, me gjasa do të diskutohet gjatë.
Jo për neverinë e imoralitetit politik që la pas kalimi i beftë i ylberit, nga antiberishist dhe akuzator i ashpër i tij në aleat të ngushtë, por për “misterin” që ende mbështjell ky akt.
Themi që nuk është problem imoraliteti politik, sepse aty ku ka shkuar Bardhi, “morali” është përmjerë me kohë që kur Berisha është bërë aleat me Metën, të cilin e ka pas akuzuar për më të zezat e kësaj toke, kurse ky gjithashtu, nuk e ka kursyer as atë dhe as të birin Shkëlzenin.
Pra “mister” mbetet shkaku, arsyeja e vërtetë që e ka shtyrë Bardhin dhe disa deputetë që jo vetëm po shkelin mbi vetveten dhe PD-në euroatlantike, por së fundmi morën guximin që të sfidojnë direkt, edhe Shtetet e Bashkuara të Amerikës.
Pas takimit të tretë të “bashkimit” në Kukës, Gazment Bardhi dhe ndjekësit e tij morën një shuplakë fatale nga SHBA dhe BE.
Ambasada e SHBA-së në Tiranë u kujtoj se qëndrimi i tyre ndaj Berishës nuk ka ndryshuar, por mbi të gjitha i “këshilloj”, (lexo-paralajmëroj), “gazbardhistët” që të mos e ndihmojnë “minuesin e demokracisë dhe të korruptuarin” e shpallur non grata prej tyre.
Nënteksti ishte i qartë: Mjaft luajtët me dy porta, ose me ne ose me atë që ne e kemi shpallur simbol të korrupsionit dhe minimit të demokracisë shqiptare!
Gazment Bardhi përpara këtij ultimatumi amerikan përbetohej, studio më studio, se “Mes SHBA dhe Sali Berishës, unë zgjedh SHBA”.
Kaluan vetëm ca ditë që nga “këshillimi” amerikanë dhe Gazment Bardhi e nxori kokën hapur.
Njësoj si Juda me Jezusin pa kënduar mirë gjeli, (ai që pjell monedha të arta?!), Bardhi e harroj përbetimin.
E mohoi dhe po e sfidon SHBA, duke zgjedhur përfundimisht Sali Berishën.
Nëse ju kujtohet përpara zgjedhjeve të 14 majit, Escobar, në një intervistë me Grida Dumën duke folur për “zjarrvënësin” Berisha, paralajmëroj, edhe “fijet e shkrepses” që ai përdorë.
Atëherë “fije shkrepëse” në duar e Berishës e cila dukej qartë, ishte Ilir Meta i cili e futi Rithemelimin ilegal në zgjedhje dhe e mban vërdallë si “kryeopozitarë”.
Gjithashtu ata që kishin informacion më “sekret” e dinë mirë që edhe Edi Rama është klasifikuar tashmë nga amerikanët, si ndihmës i dorës së parë në zjarrin që mban ndezur Berisha në PD, opozitë dhe gjithë demokracinë shqiptare.
Deri këtu, Berisha që ndez zjarre dhe Rama që u hedh benzinë, e dinim.
Por ndërkohë që demokratët, shqiptarët, SPAK dhe perëndimorët po i lagin dhe po i thyejnë një nga një nga fijet e shkrepësve të Berishës me gjithë atë vetë, se Gaz Bardh “perëndimori” do të vetëofrohej si ndihmësi i fundit, shumëkush nuk po e shpjegon dot me logjikë!
Mirë Meta dhe Rama që i kanë hallet e tyre të shkruara në ballë dhe te defterët e SPAK, po Gaz Bardhin çfarë e detyron që të këmbëngulë të rikthejë Berishën në grupin parlamentarë të PD duke zhbërë kërkesën e SHBA për Bashën?!
Pse ndien detyrim-përcaktim që të përpiqet të çojë zëvendësin e nongratës te Rithemelimi, Bylykbashin, si bashkëkryetar të Reformës Zgjedhore e cila është nën kujdestarinë e amerikanëve?!
Çfarë detyrimesh madhore personale ka ndaj lëvizjes antiamerikane të Berishës dhe arrin deri aty, merr guximin, sa të mos e dëgjojë këshillën- ultimatum të ambasadës pas takimit të Kukësit?!
Pra sa i madh paska qenë ky “halli” i Gazment Bardhit, sa po i bën karshillëk dhe po sfidon SHBA e BE, të cilat deri dje i përdori nën rrogoz duke mashtruar deputetë e demokratë, se gjoja po bashkohej me Berishën pas bekimit të tyre?!
8 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ky shkrim ne forme pyetësori qe fillon dhe mbaron me pikëpyetje. Nuk e kuptova pret ndihme nga audienca se nuk ka këllqe ta artikuloje vet. Nuk e thashe une, ju e thate do jete me siguri titulli i rradhes, pasi te lexohen komentet.
O Pole, pa na merr ca ne shqyrtim kete "moralin" ketej nga qeveria e Rames qe ndersa cirret per 'non graten' Berisha, mbledh votat qe ble nje tjeter 'non grata' Tom Doshi quhet, madje e i jep dhe kryesimin e Partise Socialdemokrate qe ato votat qe ble te duket se i ka nga idete e "socialdemokracise" qe shperndan tok me cantat me leke.
Vetem SPAK e Duman mos me zer ne goje, i dashur Mero Baze. KJo lloj drejtesie eshte vdekje klinike edhe sikur te ndodh ne shekullin e ardhshem duke denuar Sali Berishen e Fatmir Mehdiun me 256 vjet burg!! Ka mbaruar drejtesia ne ate vend, prokurore e gjykates jane bythe e breke me krimin dhe kriminelat; te gjitha jane fasade. E degjove mbreme si tallej Fatmir Mehdiu? E ka nje baze dhe ai si non grata qe shkaterroi nje shte dhe nje komb. Edhe avokati Mehdiut mbreme bente politike ne vend te ruante seriozitetin dhe te fliste vetem per ligjin. Keta jane bere tu veshe flaken!
Po dakord, po nuk e sqaron hallin e Bardhës ? ! ! Është hall hamshorësh apo hall parash??
O Poli Gazit i vjen rehat ajo shprehja "Koken pas murit bythen pas hurit" xhaketen si duhet ta heq.
gazbardhi eshte njesoj kamikaz me berishen, nejri nga tropoja e tjetri nga Dibra.
Gaz Bardhi ishte agjent i Berishës tek Luli ose më mirë agjent i UDB-SË së shpejti dalin faktet
O Poli ore injorant mos hyj ne tema qe nuk ja ke haberin.Mos permend Jezusin,Juden dhe gjelin. Mos i bej lemsh gjerat ore budalla. Fabula e gjelit nuk ka lidhje me Juden por me shen Pjetrin.Lexoje Biblen per kete argument. Sa per Lulushin mos u lodh kot se Ai eshte nje i vdekur i pa kallur.