Te fundit
Trump fton Ramën në ‘kabinetin’ e tij për Gazën, tronditet Berisha
17 Janar 2026, 22:20Blog
TEMA
Nga Jakin Marena
Në radhët e Partisë Demokratike e të opozitës shqiptare, por dhe këtyre të ‘informuarve’ të mëdhenj të paneleve tona televizive për të gjitha ngjarjet që ndodhin në tokën shqiptare dhe në çdo cep të globit e që cilët paralajmërojnë gjithçka, ka rënë një heshtje aspak e mirë!
Teksa Berisha, krerët e partive të vogla opozitare, që të gjitha bashkë arrijnë të kenë vetëm 54 deputetë në Parlamentin prej 140 vendesh, si dhe mediat dhe panelistët afër tyre ishin me sytë nga qielli dhe me ‘lugë në brez’ për të parë zbarkimin e madh të helikopterëve me komandot amerikane në majë të Surrelit për të ‘rrëmbyer’ kryeministrin Edi Rama e për ta dërguar për gjykim përtej Atlantikut, nga kryeqendra e botës demokratike, Uashington ka ardhur një lajm aspak i pritur që ka zhgënjyer të gjithë këtë kontigjent ‘ndërrimtarësh’ të ‘zbarkimit aleat në Shqipëri’!
Vetë presidenti amerikan, Donald Trump ka dërguar ftesë personale për kryeministrin shqiptar Edi Rama, për t'u bërë pjesë e Bordit të Paqes, një strukturë e cila do të qeverisë Rripin e Gazës pas përfundimit të luftës. Pra, Rama jo vetëm që nuk është përmbysur ‘si Manduro’, siç ishin bërë gati këtu në Tiranë kjo pakicë pa vota dhe mbështetje, por gradohet ‘ministër’ në kabinetin “Trump’, i përzgjedhur personalisht nga presidenti amerikan!
Këtë lajm e ka shpërndarë vetë kreu i qeverisë shqiptare, i cili ka nënvizuar se Shqipëria do të ketë statusin e anëtarit themelues të kësaj organizate të kryesuar nga vetë presidenti i SHBA, ndërsa shpreh nderimin e madh që po i bëhet atij dhe vendit me këtë propozim të Trump.
“Shumë i nderuar nga ftesa personale e Presidentit Trump, për ta përfaqësuar Shqipërinë në Bordin e Paqes, një organizatë e re ndërkombëtare e ideuar prej tij, ku Shqipëria ftohet si anëtar themelues, duke ngjitur kështu ndërkombëtarisht një tjetër majë krejt të paimagjinueshme vetëm deri pak vite më parë.
Nuk mund të jem dot më krenar për Shqipërinë, për gjithçka kemi bërë në këto vite duke e kthyer në një Shqipëri tjetër, të denjitetshme e të respektuar botërisht si asnjëherë, e padiskutim edhe për nivelin ku e kemi ngritur marrëdhënien e partneritetit tonë strategjik me Shtetet e Bashkuara të Amerikës, duke u ftuar me një respekt e vlerësim krejt të posaçëm nga Presidenti Donald J. Trump, për t’u bërë pjesë e një bordi ndërkombëtar të krijuar e kryesuar prej atij vetë dhe për të punuar së bashku me të”, shkruan Rama në rrjetin social, duke e ndarë këtë lajm shqiptarë, teksa ka evidentuar vlerësimin që i është bërë Shqipërisë
Praktikisht Shqipëria ka një përfaqësues në qeverinë kalimtare ‘Trump’ në Gaza.
Me parametrat e një qeverie kalimtare apo siç kemi dëshirë ne shqiptarët t’i quajmë qeverisje të tilla, qeveri ‘teknike’, me vetë presidentin amerikan Trump në krye, Bordi Ekzekutiv themelues do të mbikëqyrë punën e një komiteti teknokratësh të ngarkuar me qeverisjen e përkohshme të Gazës dhe rindërtimin e saj. Ku çdo anëtar i bordit ekzekutiv pritet të ketë përgjegjësinë e një portofoli që do të jetë “thelbësor për stabilizimin e Gazës”, megjithëse ende nuk është e qartë se kush do të mbulojë dhe cilat prioritete do të mbulojë. Por me sa duket vetë përzgjedhja e anëtarëve të bordit ekzekutiv të kryesuar nga Trump, pjesë e të cilit është dhe kryeministri shqiptar Edi Rama, është bërë sipas prioriteteve të caktuara për t’u mbuluar nga secili anëtar, i cili praktikisht është si një ministër i qeverisë kalimtare “Trump’ për Gazën!
Dhe përgjegjësia është akoma më e madhe, pasi Bordi i Paqes është konceptuar jo vetëm si një mjet rindërtimi dhe mirëadministrimi, por edhe si pjesë e një procesi paqeje më të gjerë për Rripin e Gazës që përfshin armëpushim, çarmatimin e milicive dhe një tranzicion drejt një qeverie teknokratike paqësore.
E themi këtë pasi anëtarë të Bordit Ekzekutiv themelues janë figura potenciale nga bota demokratike, duke filluar me ish-kryeministri britanik Sir Tony Blair, i cili ishte përmendur prej kohësh si një kandidat i mundshëm për “Bordin e Paqes” të Trumpit, vetë presidenti amerikan e kishte konfirmuar që në shtator se Blair kishte shprehur interes për t’u bashkuar me këtë organ.
Ndërkohë që spikat si pjesë e bordit ekzekutiv për Gazën të kryesuar nga Trump, sekretari Amerikan i Shtetit, Marco Rubio, një figurë qendrore në qasjen e administratës Trump ndaj politikës së jashtme. Është në bord, i dërguari special i SHBA-së për Lindjen e Mesme, Steve Witkoff, por dhe Jared Kushner, dhëndri i presidentit amerikan, i cili ka luajtur gjithashtu një rol të rëndësishëm në negociatat e politikës së jashtme të administratës Trump.
Nën drejtimin e Trump, bordi do të ketë anëtar dhe miliarderin Marc Rowan, drejtues ekzekutiv i ‘Apollo Global Management’, një firmë e madhe investimesh private me seli në Nju Jork, Ajay Banga, president i Bankës Botërore, Robert Gabriel, këshilltar amerikan për sigurinë kombëtare, Nickolay Mladenov, politikan bullgar dhe ish-i dërguar i OKB-së për Lindjen e Mesme, që do të jetë përfaqësuesi i bordit në terren në Gaza.
Madje Mladenov do të mbikëqyrë një komitet të veçantë teknokratësh palestinezë me 15 anëtarë, Komitetin Kombëtar për Administrimin e Gazës (NCAG), i ngarkuar me menaxhimin e qeverisjes së përditshme të Gazës pas luftës, i cili do të drejtohet nga Ali Shaath, ish-zv.ministër në Autoritetin Palestinez, i cili qeveris pjesë të Bregut Perëndimor të pushtuar që nuk janë nën kontrollin izraelit.
Duke parë në bord të tillë të përbërë nga figura tepër të rëndësishme botërore, mes të cilëve dhe kreu i diplomacisë amerikane Rubio dhe mbi të gjitha të kryesuar nga vetë presidenti amerikan, thirrja e kryeministrit Edi Rama personalisht nga ana e presidentit Donald Trump për të qënë pjesë e kësaj ‘qeverie kalimtare’ për Gazën të kryesuar prej tij, është një vlerësim jo vetëm për vetë Ramën, por mbi të gjitha për Shqipërinë, si një partner serioz në rajonin e Ballkanit e më gjërë dhe si një pikë kontakti dhe qendër e të gjithë rajonit tonë!
Me këtë thirrje në kabinetin “Trump’ për Gazën të Edi Ramës, besojmë se do të marrin fund dhe ‘telenovelat’ shqiptare me ‘zbarkim aleatësh’ në Surrel për të marrë kryeministrin shqiptar dhe dërguar për gjykim në SHBA, apo teoritë e tjera konspirative të këtyre ‘baba Vangave’ shqiptare, që sa herë dalin nëpër panelet televizive bëjnë ndonjë ‘zbulim’ të madh, duke u shprehur të sigurtë për të, dhe duke paralajmëruar për gjithçka, madje duke thënë se është çështje ditësh!
Presidenti amerikan Donald Trump nuk thërret në bordin ekzekutiv të kryesuar prej vetë atij, për të qeverisur Gazën, për momentin ‘basti’ më i madh i tij në rrugën drejt çmimit “Nobel për Paqen”, kryeministrin e një narkoshteti sikurse cilëson Berisha dhe kundërshtarët politikë në Shqipëri, shtuar dhe këta çerrat e vegjël që duan të shiten sikur bëjnë politikë, Edi Ramën! Ka kaluar nëpër shumë ‘filtra’ përzgjedhja e tij, deri në momentin e ftesës personale për të qënë pjesë e bordit për qeverisjen e Gazës. Pra në ‘kabinetin ‘Trump’ për qeverisjen e Gazës! Pikërisht nëpë ato ‘filtra’ që kaluan dhe Berishën, me të vetmin ndryshim që Berishën e shpallën dhe akoma po e lënë ‘non grata’! Ka ‘mëkatë’ të mëdha Berisha, sidomos në raport me amerikanët!
Dhe më i ‘zhgënjyeri’ nga Trump ka mbetur vetë Berisha me sa duket. I cili ndonëse pagoi 6 milionë dollarë për të hequr ‘non gratën’, deri më tani ka rezultuar para e shkuar dëm! Madje nuk mori asnjë vizë punë në shtetin e Nju Jorkut apo ndonjë vizë turistike! Pa përjashtuar 1.7 milionë dollarët e dhëna po nga Berisha për LaCivitën, vetëm për të bërë dy tre deklarata të vobekta dhe dy tre dale të tjera televizive duke shtrënguar duart me Berishën apo duke iu përgjigjur batutave të Ramës gjatë fushatës, batuta me “Latifë’ këto!
Jo vetëm që janë para të shkuara dëm por i janë kthyer dhe në bumerang Berishës këto para të derdhura për lobim në SHBA. Këto miliona dollarë të paguara për lobime në Amerikë kanë nisur të hetohen! Si nga SPAK në Shqipëri ashtu dhe nga FBI në SHBA! Pasi elektricisti tropojan, jo vetëm që nuk paguan dot 6 milionë dollarë, as në ëndërr nuk i ka parë kaq para, por nuk ka as bord e anëtarë bordi! Këtë e thotë dhe fatura e bërë publike, që tregon se 750 mijë dollarët e këstit të radhës të lobimit 6 milionë dollarësh janë paguar nga vetë PD. Me faturë, me firmë dhe vulë! Ndonëse nuk janë deklaruar as në KQZ si shpenzime, por kjo është histori më vete! Besojmë se SPAK do të hetojë dhe këto fatura apo të presë letërporosinë nga SHBA!
12 Komente
Lini një Përgjigje
Më të lexuarat
24 oret e fundit
Javen e fundit
Blog Tema
O komandat mos u merzit se Trump e ka ftuar Ramaduro per ta bere presidet ne Venexuele se ai ja dine mire narko shtetit, ose do e emroje kryeministri te Grelandes . Pastaj ti beje qeveri teknike dhe mund te fitoshe. Ti per kete ke paguar 6 milion € per kete levizje po nuk e kuptojne keto te narko shtetit, po ki kujdes Tikun se po rrine te dera e kryeministris me hyre i pari. Hajte tunge e merre me qetesi komandat.
Mos u merzisni.Cudia tre dite zgjat
Po e ngarkuara me pune e z.Trump ne Tirane si mendon? Nese mendon! Cfare do ti thote Spakut ne takimin e rradhes me dumanistet e Saliut?
Epo … Rama ik sot , ik neser, ik , ik , ik. Dhe ky I “ shkreti “….. iku u friksuaw sa me ska Dhe iku …. Po Ku iku se ??????????????????????????
s diskutohet qe klecka do jete nga pas dhe shqiptaret mbase pas nje viti do ti mesojne prapaskenat ,ky per imazhin e tij shet cdo gje sic beri me sazanin dhe gjadrin ,patjeter dhe nje ok per marjen e Groenlandes si anetar i NATOS do ta mare
Nuk e ka thirrë për mirë! E ka thirrë me mbushë Shqipërinë me palestinezë. Rama e ka bishtin të zënë, është i korruptuar dhe ka ra në grackë, do ta pranoj çdo gjë që i thuhet. Trapi nuk çanë kokën për interesat e Shqipërisë.
Ky qe shkruan kete artikull eshte nje gazetaruc i gjirizeve te ripjelljes, kjo dihej me kohe. Po lereni te krijohet njehere,ta shohim se cfare do beje. Per thirrjen ne kete bord te Palloshes, nje figure kryesore eshte Toni Bleir,qe ne vitin 2013 me ardhjen e ripjelljes ne pushtet, ishte keshilltare i qeverise shqiptare , qe i mesoi shqiptareve vjedhjen me partneritet PP. prandaj themi qe lereni ta shohim ne vazhdimesi. Eshte me se e sigurte qe kjo thirrje per palloshen eshte lobim direkt i ketij, se Trampi ja ka hapur rrugen qe zgjidh ke te duash ne kete bord . Dhe Blair si hajn me potente nderkombetare e ka afruar palloshen tone ,sigurisht karshi nje lobimi. Gjithsesi do duhet te shihet ne dinamike ky prblem
O tema nuk habitet Berisha se nën rrogoz ha e pi me ramën e ndërkohë tallin leshtë edhe me ju
Në atë grup lshtë ftuar edhe kryeministri kanadez dhe presidenti i Turqisë. Ka mundësi të dështojë se Izraeli e ka lundërshtuar ngritjen e këtij grupi.
Populli thote dardha e ka bishtin mbrapa. Nese vertete Presidenti e donte qeverine dhe shqipetaret nuk ju a hoqi vizat kot shqipetareve por e merr Ramen qe ti japi kontigjentin me palestineze dhe Rama si i mencur qe eshte po gezohet po sedi gozhden qe e pret. Pra ne jemi futur ne vendet e listave te nevojtores boterorre.Gezohu o popull dite te mira te presin.
Cdo derdellite opozita tani? Kjo ftese eshte nje shuplake e forte per opoziten por edhe per SPAK qe po ben nje gjueti shtrigash ndaj ministrave, derjtoreve e pushtetareve te rilindjes. Po te kishte korrupsion sic thote opozita dhe SPAK nuk do kishte ardhur ftesa e personalizuar ndaj KM qe e afirmon ate si udheheqesin me te shquar te botes sebashku me D.Trumrp. Sic e tregon edhe ftesa, korrupsioni eshte vetem ne mendjen e opozites. Kjo ftese tregon edhe sa te pashprese jane opozita dhe populli opozitar pasi kjo ftese eshte nje legjitimin i pushtetit te Rames ndoshta edhe per 20 apo 25 vite te tjera madje do te thesha se nuk do ishte e nevojshme te beheshin zgjedhje fare dhe SPAK duhet te terhiqej nga ndjekja penale e Z/vendesve te Rames dhe ministrave e drejtoreve e mos ti behet ferre ne kembe qeverise qe po punon me mish e shpirt per ta ngritur Shqiperine ne majat e suksesit/
Por, nuk na shpjeguat se në ftesat Tramp për vendet e Mesdheut Lindor dhe të Lindjes së Mesme për krijimin e Kabinetit të Paqes" thuhet se që të bëhesh anëtar i këtij kabineti duhet të paguash një tarifë prej një miliard dollarë. Mundet Shqipëria të paguajë këtë shumë? Nuk e kuptoj se përse kaloni në mastrubim mbas çdo pordhe që lëshon Trump, ky personazh qesharak i Shtëpisë së Bardhë!!!