Te fundit
Vjosa u bë tym!
29 Maj 2024, 19:48Blog
TEMA
Nga Kimete Berisha
- Se e kanë tradhuar, krejt dhe drejt.
Të vjen shumë inat kur të braktisin, është ndjenjë e dhimbshme, që kryesisht u ndodh atyre që janë mësuar të tradhtojnë vet e nuk e kanë provuar se si të djeg kur ta punojnë pas shpine...!
- E kuptoj.
Anipse, tradhtia u bë konsum i përditshëm, Vjosa u shpreh e befasuar...
A është e mundur moj...më paskan tradhtuar Albini, Donika dhe Glauku, halli i tij!
Tradhtinë e quajti qesharake, ama për tradhtinë e lartpërmendur fliste me vetulla, duke e rrudhur fuqishëm ballin, për të përçuar mesazhin e zemërimit të madh!
Në këtë rast të tradhtisë, unë jam me Albinin, sepse mendoj se shumë mirë ka vepruar që e ka braktisur Presidenten, e cila në kohën kur Kosova 'digjej' nga qejfi për të hyrë në Këshillin e Evropës, ajo lodronte nëpër arat e Teksasit, thuajse s'ka ara e kuaj Kosova, sa të duash.
Nuk i duhet më Albin Kurtit.
Rëndomë kështu fillon drama.
- Dhe drama ka katarsis.
S'është faji i Albin Kurtit që Vjosa Osmani për të nuk është më e dobishme.
Ndodhin këto ndarje.
Vet ka faj, sepse duke dashur me mish e me shpirt të bëhet e bukur, Vjosa Osmani harroi të jetë e dobishme.
- Gracka kryesore në të cilën bien gati të gjitha gratë është nevoja e tmerrshme dhe e pashpjegueshme për t'u dukur bukur për krejt dynjanë.
Vjosa Osmani është hakmarrëse dhe nuk ia falë Albinit...ani asaj Donikës..., por derisa ajo bën plane për hakmarrje, Albini e ka kryer punën.
- Vet fakti që Presidentja shprehet e befasuar 'jashtëzakonisht shumë' (siç u shpreh ajo), me veprimin e ish shokëve të saj lidhur me letrën që ia kanë dërguar Këshillit të Evropës, pa dijeninë e saj, tregon se Vjosa e ka humbur luftën me ta!
Tha: 'Të gjitha kanë râ në ujë'.
Por unë mendoj se në ujë ka rënë veç autoriteti i saj, asgjë tjetër.
- Njerëzit janë të poshtër, t'i skuqin faqet, kur nuk e pret, dhe kryesisht atëherë kur ti kujton se i ke punët më së miri.
- Qe, me çfarë Sherife kemi pas punë.
Presidentja nuk guxon të befasohet.
Presidentja duhet të jetë e informuar për çdo gjë dhe nëse s'është e informuar, nuk duhet t'i tregojë popullit se e kanë mashtruar shokët dhe idoli i saj Albini, se populli mërzitet.
Që do të thotë se president është ai që ty të befason e ti s'ke çfarë ben, dhe merr kry' e del në shesh e shpreh zemërimin!
Që do të thotë se president është ai djali i ojq-së që e ka ditur para presidentes sa sahati dhe ka treguar në twiter.
- Çka paska kujtuar!
Veç ajo të tradhtojë Isën e Fatmirin dhe të tjerë që i ka mbuluar harresa!
- Veç ajo të shfrytëzojë të gjallë e të vdekur për ambicie të çmendura politike, estetike dhe materiale.
Jo. Nuk mundesh. Ti edhe mundesh, po pastaj nuk mundesh se nuk të lë Albini.
- Vjosa është mbivlerësuar, dhe për këtë ka 'faj' Albin Kurti, të cilit boll mirë i ka shërbyer, por qe, meshkujve nuk u besohet!
Ka kujtuar që Albini është Putini që kjo ia tregon vendin sa herë do.
Nëse do të merrej më pak me çështje planetare dhe globale, sidomos me Rusinë, ndoshta do të kapërcente më lehtë, do ta vërente se shokët e idealit po e tradhtojnë.
- Çfarë presidente është ajo që e mashtron Donika Gërvalla!
Hajde të të mashtrojë Peci e ka një derë.
- Nuk është.
Betejat e Albin Kurtit nuk shihen, veç u del tymi, siç po i del tani Vjosa Osmanit nga kapaku i kresë dhe më gjërë.
- Vjosa bile ka shtëpi në Marigonë.
E Albini jeton me qera falas (aq i mençur është, nuk ka talent ta blejë një shtëpi)
- Se posti e pozitat shkojnë, e luksi mbetet përgjithmonë.
- Një grua tjetër, 'shoqe' e ngushtë e Vjosës (që një ditë prej ditësh do ta tradhtojë), ajo Statovci, tha që mos prisni ju (as mos mbani ymyd) që Vjosa me Albinin do të prishen...që sipas saj, Vjosa po 'rrenë'!
P.S. Tradhtinë e paske në fis, paç veten në qafë,
E s’do t’mendoj më hiç për ty dhe s’do të kem gjynah.
7 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Prap si ka pire ilacet kjo e fiksuara. Keq kur Vjosa mbeshtet Albinin keq kur ajo e kritikon. Kimetlija hip se te vrava, zbrit se te vrava. Nuk din cfare me ba i shreti njeri.
Luan macoku, je krejt shume budalle me u mat me Kimeten
Ooo vetëm luan se ke emrin Por GAMOR më mirë të shkon. Kimetja TALL TRAPIN me këta të dy, i injoron të dy përherë. Asnjëherë si ka mbrojtur oooo KOQE KANARI.. BRAVO KIMETE MË KËNAQE
Kimetja e ka perceptuar lehte protesten e Vjosa Osmanit kunder Albin Kurtit. Vjosa Osmani me kete deklarate dha shenjen e pare te ndarjes ne zgjedhjet e ardhshme me Albin Kurtin. Vjosa Osmani eshte thirrur ne Washington vjeshten e kaluar, ku i eshte premtuar detyra e Kryeministres ne mandatin e ardhshem, por ajo dueht te dale te konkurroje me nje opozite te gjere kunder Albin Kurtit. Amerika do luaj cdo lloj pislleku kunder Albin Kurtit, , perfshire zhdukjen e votave te emigranteve te cilet e sollen ne pushtet Albinin. 9 Muajt e ardhshem jane te veshtire per Kosoven. Lufta elektorale do jete e piste, kerkohet patjeter Albin Kurti te zbresi nga Qeveria, po shkaterron Kosoven dhe aleancen me Ameriken.
ne fis eshte gjithcka Kimete
Ah lumi Viosa/Vjosa eshte ber edhe emer gocash! Sa mir!
Mos na lodhni me me keta felliqsirat tuaja: Ketej na del dhe na tepron ramiu,nje skuth,qe permban tere pafytyresine njerzore brenda tij. Koruupsioni me i ndyre dhe me i rrezikshem eshte ai i nje karrieristi te semure,qe minon qe nga themelet vlerat kombetare.