Te fundit
Liderët europianë pranë aprovimit të paketës së gjashtë të sanksioneve kundër Rusisë
30 Maj 2022, 15:30Bota
TEMA
Përfaqësuesit e përhershëm të vendeve anëtare të BE-së nuk arritën sërish të bien dakord për paketën e gjashtë të sanksioneve kundër Rusisë.
Lajmi e bëri të ditur redaktori i “Radio Liberty” Ricard Jozwiak në Twitter.
“Takimi i ambasadorëve të BE-së ka përfunduar. Mund të ketë disa ndryshime në konkluzionet e Komisionit Evropian për sanksionet që do të diskutohen nga liderët e BE-së, por paketa e gjashtë e sanksioneve është ende shumë larg. Ka shumë përjashtime dhe devijime”, theksoi Jozwiak.
Diskutimet për paketën e gjashtë të sanksioneve të BE-së kanë vazhduar prej më shumë se një muaji.
Pengesa kryesore është pamundësia për të rënë dakord për një embargo të importit të naftës nga Rusia, gjë që Hungaria e kundërshton.
Të dielën, u bë e ditur se Komisioni Evropian do të përpiqet të ofrojë një opsion kompromisi – të ndalojë naftën në det të hapur nga Rusia, duke shtyrë kufizimet në importet nga një tubacion kyç.
Një propozim i tillë ishte për t’i dhënë më shumë kohë Hungarisë, për të gjetur një zgjidhje teknike që plotëson nevojat e saj energjetike.
Ai do të zgjidhë gjithashtu problemet e vendeve të tjera pa dalje në det, duke përfshirë Sllovakinë dhe Republikën Çeke.
Megjithatë, në një takim të ambasadorëve të BE-së më 29 maj, ata nuk arritën të dakordësohen për një paketë sanksionesh të BE-së.
Më të lexuarat
24 oret e fundit
Javen e fundit
Blog Tema
Lini një Përgjigje