Te fundit
The Times zbulon katër skenarë të mundshëm për përfundimin e luftës në Ukrainë
12 Gusht 2025, 22:25Bota
TEMA
Një analizë e fundit nga The Times sjell në vëmendje katër skenarë të mundshëm për përfundimin e luftës në Ukrainë, ndërsa konflikti i përgjakshëm ka hyrë në vitin e katërt.
Skenari i parë, i cilësuar si preferenca evropiane, parasheh ngrirjen e konfliktit në vijat aktuale të frontit, që shtrihen për afro 1 mijë e 100 kilometra.
Ky opsion do të nënkuptonte ndalimin e luftimeve pa ndryshime të mëtejshme territoriale, duke ruajtur kontrollin e secilës palë mbi territoret që aktualisht zotëron.
Sipas burimeve të The Times, një nga variantet që përfaqëson atë që cilësohet si “kushti i Putinit”, është dorëzimi i të gjithë Donbasit – rajonet Donetsk dhe Luhansk – nga Ukraina, duke humbur kështu pozicione strategjike kyçe për mbrojtjen e saj lindore.
Një tjetër skenar i përfolur në qarqet diplomatike parashikon lëshime më të thella nga ana e Kyiv-it, ku përveç Donetskut dhe Luhanskut, Ukraina do të duhet të heqë dorë edhe nga Zaporizhia dhe Khersoni – madje edhe nga zonat që aktualisht Moska nuk i kontrollon plotësisht.
Një marrëveshje e tillë do të ishte jashtëzakonisht e vështirë për t’u pranuar nga udhëheqja ukrainase.
Së fundmi, është diskutuar edhe një skenar me shkëmbim territoresh: Rusia do të mbante të gjithë Donbasin, ndërsa Ukraina do të rifitonte një pjesë të Khersonit.
Por ky variant konsiderohet shumë pak i mundshëm, pasi Khersoni ka një rëndësi strategjike për Rusinë – ai shërben si korridor tokësor që lidh Krimenë me pjesën tjetër të territorit rus.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po Pal Vata Zelensky nuk di gje, keshtu qe takimi nuk quhet. Anullim loje.
jo ja ka deleguar babait tënd dijenitë!është i zënë me nënën dhe motrat e tua!!
Nuk paskan gje ne terezi !