Euro “godet” tekstilet, karburantet rrisin importet/ Eksportet u rritën vetëm 2.8%, zgjerohet sërish deficiti tregtar

Eksportet shqiptare vijuan rritjen edhe në muajin maj, por me ritme të moderuara, ndërsa importet u zgjeruan më shpejt, duke thelluar sërish deficitin tregtar. Pas shifrave të përgjithshme fshihen dy zhvillime të kundërta, dobësimi i vazhdueshëm i sektorit të tekstileve dhe këpucëve, ndërsa importet e lëndëve djegëse po shtohen nën ndikimin e tensioneve në tregjet ndërkombëtare të energjisë.

Sipas të dhënave të INSTAT, në maj 2026 eksportet arritën në 32.7 miliardë lekë, me një rritje prej 2.8% krahasuar me të njëjtin muaj të një viti më parë, ndërsa importet u rritën me 4.1%, duke arritur në 80.9 miliardë lekë. Si rezultat, deficiti tregtar u zgjerua në 48.2 miliardë lekë, me një rritje prej 5.1% në terma vjetorë.

Kontributin më të madh pozitiv në eksporte e dhanë ushqimet, pijet dhe duhani, si edhe materialet e ndërtimit dhe metalet, duke kompensuar pjesërisht dobësinë e sektorëve tradicionalë. Në të kundërt, tekstilet dhe këpucët dhanë ndikimin më të madh negativ, me -4.3 pikë përqindje, duke konfirmuar vështirësitë që po kalon industria fason.

Forcimi i lekut ndaj euros vijon të ushtrojë presion mbi eksportuesit, veçanërisht mbi industrinë fason, e cila realizon pjesën më të madhe të kontratave në euro. Kursi i ulët i këmbimit ka reduktuar të ardhurat në lekë dhe ka dobësuar konkurrueshmërinë e prodhuesve shqiptarë në tregjet europiane.

Nga ana tjetër, në importe ndikimin më të madh e dha grupi "Minerale, lëndë djegëse dhe energji elektrike", me një kontribut pozitiv prej 3.2 pikë përqindje në rritjen vjetore të importeve. Zhvillimi vjen në një periudhë kur tensionet në Lindjen e Mesme dhe pasiguritë në tregjet globale të energjisë kanë mbajtur të larta kostot dhe çmimet e furnizimit me karburante.

Në aspektin e tregjeve partnere, eksportet shqiptare u rritën drejt Kosovës dhe Greqisë, ndërsa ranë drejt Italisë dhe Gjermanisë. Nga ana tjetër, importet u zgjeruan kryesisht nga Italia dhe Kina, ndërsa u tkurrën nga Gjermania dhe Spanja, duke treguar një orientim më të madh të furnizimeve drejt Italisë dhe tregjeve aziatike.

Cilët janë turistët që po zgjedhin Shqipërinë? Nga Italia, te Britania. Vizitat në strukturat akomoduese u rritën 19.7% gjatë Prillit

13:55 Ekonomia

Tregtia me pakicë rritet me 6.7% në tremujorin e parë 2026, nga konsumi dhe karburantet

10:05 Ekonomia 1 koment

Investimi në Zvërnec dhe Sazan - Çoçoli tregon përfitimet e Shqipërisë: Hapen 14 mijë vende pune, 100 milionë euro çdo vit në arkën e shtetit

15:50 Ekonomia 16 komente

Shqiptarët kursejnë 84 milionë euro nga rivlerësimi, buxheti arkëton 40 milionë euro vetëm në dy muaj

11:50 Ekonomia 1 koment

GB News – Protestat kundër turizmit po ndikojnë rëndë destinacionin turistik, ndërsa shtohen anulimet e rezervimeve

20:50 Ekonomia 28 komente

Shqiptarët po paguajnë nëpërmjet telefonit - BSH: Vetëm në 4 muaj janë realizuar mbi 4.2 milionë pagesa

16:15 Ekonomia 2 komente

ABI Bank përballë gjobëvënësve të JOQ!

10:47 Ekonomia 2 komente

Paga mesatare rritet, por gjysma e të punësuarve në vend marrin më pak se 60 mijë lekë neto në muaj

08:00 Ekonomia 2 komente

Pagat po rriten se ka zhvillim apo se nuk ka punëtorë? Përgjigjet eksperti

22:41 Ekonomia 7 komente

Pas rritjes rekord, bie ndjeshëm çmimi i arit, ja faktorët që po ndikojnë

18:30 Ekonomia 1 koment