Fshihen 215 mln euro detyrime të papaguara të bizneseve - Tatimet: Subjektet, afat deri më 30 Qershor për të paguar vetëm 50% të detyrimit

Administrata tatimore po vijon normalisht procesin e faljes pa kusht të detyrimeve tatimore të papaguara deri ne 31.12.2014.

Sipas të dhënave zyrtare nga ky institucion, deri më tani janë 215 milionë euro detyrime tatimore të papaguara që janë fshirë/shuar automatikisht për 25,005 tatimpagues që kanë përfituar nga procesi i faljes pa kusht, sipas ligjit në fuqi.

Administrata tatimore u rikujton tatimpaguesve se 30 Qershori 2026 është afati i fundit për pagesën e detyrimit të nevojshëm për të përfituar nga fshirja e 50% të principalit, ashtu edhe për dorëzimin e deklaratave të padorëzuara deri më 31.12.2024, për të përfituar nga fshirja e gjobave për mosdeklarim në afat.

Ndërkohë, administrata tatimore njofton se ka realizuar me sukses procesin automatik të fshirjes/shuarjes pa kusht të gjobave tatimore të papaguara për kategoritë e parashikuara në ligj.

Nga ky proces kanë përfituar 105,409 tatimpagues, ndërsa vlera totale e detyrimeve të fshira/shuara arrin në rreth 91.6 milionë euro, e ndarë në dy kategori kryesore. Konkretisht, 70.5 milionë euro i përkasin gjobave administrative të vendosura nga inspektorët tatimorë për detyrime të papaguara që lidhen me periudha tatimore deri më 31 dhjetor 2014 dhe me datë kontabilizimi deri më 31.12.2024, ku kanë përfituar 13,667 tatimpagues.

Ndërkohë, 21.1 milionë euro i përkasin gjobave të tjera administrative, përfshirë gjobat për dorëzim të vonuar të deklaratave, që lidhen me periudha tatimore deri më 31 dhjetor 2024 dhe me datë kontabilizimi deri më 30.06.2026, me kusht që deklaratat përkatëse të kenë statusin “e dorëzuar”. Nga kjo kategori kanë përfituar 96,302 tatimpagues.

Në përputhje me përcaktimet e ligjit, nuk kanë përfituar tatimpaguesit e dënuar me vendim gjyqësor të formës së prerë ose që janë në proces hetimi apo gjykimi për vepra penale në fushën e tatimeve dhe doganave. Gjithashtu, nuk janë përfshirë në procesin e fshirjes/shuarjes detyrimet tatimore për të cilat ekziston një vendim gjyqësor i formës së prerë në favor të Administratës Tatimore.

Të rinjtë refuzojnë bujqësinë/ Pëson rënie numri i studentëve të regjistruar për agronomi, rritet interesi për veteriner

21:30 Ekonomia 2 komente

Ekonomia qarkulluese merr jetë në Shqipëri, bizneset i japin një jetë të dytë mbetjeve përmes inovacionit të gjelbër

11:55 Ekonomia 1 koment

Tatimet falin 2.1 milionë euro detyrime, përfitojnë mbi 10 mijë tatimpagues

07:40 Ekonomia

Së shpejti çelet gara për aeroportin sezonal të Gjirokastrës/ Çfarë përfiton qyteti i gurtë? Golemi: Zhvillim ekonomik dhe rritje turizmi

18:20 Ekonomia 3 komente

Kosova dhe Bosnja rrisin shkëmbimet me Shqipërinë: Në pesë muaj, importet ranë më shumë me Malin e Zi dhe Maqedoninë

14:25 Ekonomia 1 koment

Shqipëria, tregu që po rritet më shpejt në hartën turistike të Europës Juglindore për qiratë ditore

12:55 Ekonomia

Nga mbetje në burim ekonomik, praktika e ekonomisë qarkulluese merr jetë në bizneset shqiptare

12:25 Ekonomia 1 koment

Paketa e Maleve, qeveria shpall zonat e para me përparësi zhvillimi

21:10 Ekonomia

Përfundon procesi automatik i fshirjes së gjobave tatimore - Përfitojnë mbi 105 mijë biznese

18:05 Ekonomia

Superkompiuteri ribën llogaritë pas ndeshjeve të para, Franca, Anglia dhe Argjentina favoritet e turneut

14:25 Ekonomia 4 komente