Te fundit
Hije të forta dyshimi mbi prokurimet e KLGJ: Standarde të ndryshme ligjore për të fituar dy herë e njëjta kompani
11 Dhjetor 2025, 20:03Ekonomia
Nga TemA
Dy procedura prokurimi nga Këshilli i Lartë Gjyqësor për “Sistemin e Integruar i Menaxhimit të Çështjeve Gjyqësore” dhe “Sistem ENTERPRISE SERVICE BUS”, kanë kritere të ndryshme kualifikimi për të siguruar që në të dy rastet fitues të jetë e njëjta kompani, Bashkimi i Operatorëve “Soft Solution” i Ermal Beqirit.
Një ankimim në tenderin e dytë rreth kriterit të veçantë të kualifikimit, ku kërkohej personel me certifikata CSP të nivelit “konfidencial” të lëshuara nga AKSIK, rezultoi se ishte anashkaluar në tenderin e parë.
Rasti i parë ka qenë më 24 shkurt 2025.
Këshilli i Lartë Gjyqësor me kryetar Ilir Rusin ka publikuar procedurën e prokurimit “Sistemi i Integruar i Menaxhimit të Çështjeve Gjyqësore (ICMIS)” me fond limit 1,025,905,001 lekë pa TVSH (rreth 10 milion EUR).
Në këtë tender, në kriteret e veçanta të kualifikimit, kishte një kriter të veçantë ku kërkohej personel me certifikata CSP (Certifikata e Sigurisë së Personelit) të nivelit “konfidencial”, të lëshuara nga Autoriteti Kombëtar për Sigurinë e Informacionit të Klasifikuar (AKSIK), për aksesin fizik të ambienteve të qendrës së të dhënave (Datacenter) të KLGJ.
Në këtë tender morën pjesë dy bashkime operatorësh, ku fitoi Bashkimi i Operatorëve “Soft Solution” i Ermal Beqirit, me çmimin 924,375,000 (9,529,639 EUR) dhe më shtrenjtë se rreth 1.1 milion EUR se bashkimi i operatorëve konkurrues.
Problemi u zbulua në tenderin e dytë më 16 qershor 2025, kur përsëri KLGJ-ja publikoi një procedurë tjetër prokurimi me objekt “Sistem ENTERPRISE SERVICE BUS (ESB)”.
Edhe në këtë procedurë prokurimi, në kriteret e veçanta të kualifikimit (po njësoj si në procedurën e parë), kërkohej i njëjti kriter i veçantë kualifikimi: personel me certifikata CSP të nivelit “konfidencial” të lëshuara nga AKSIK.
Në këtë procedurë prokurimi ky kriter i veçantë kualifikimi u ankimua, dhe gjatë procesit të ankimimit rezultoi se me një shkresë nr. prot. 1806, datë 05.05.2025 të AKSIK (Autoriteti Kombëtar i Sigurisë së Informacionit të Klasifikuar):
“…Datacenter i KLGJ-së përfaqëson një infrastrukturë kritike kombëtare…”
Pra, KLGJ për të justifikuar kriterin e CSP thotë se disponon një shkresë të datës 05.05.2025 nga AKSIK.
Pyetja që lind natyrshëm është:
Po në procedurën e parë të prokurimit (ICMIS), në datën 24.02.2025 (3 muaj përpara shkresës së AKSIK), KLGJ paska vendosur një kriter të veçantë kualifikimi me “mendjen” e saj, pa pasur asnjë dokument justifikues?!
Këto janë dy fakte që i thotë vetë KLGJ-ja. Të dyja nuk mund të jenë të vërteta.
Në procedurën e parë KLGJ paska vendosur një kriter kualifikimi të pajustifikuar, kriter i cili mesa duket është vendosur në procedurën e parë të prokurimit që të mos kishte konkurrencë.
Gjithsesi, në procedurën e dytë të prokurimit (ESB), mesa duket u kuptua gafa e KLGJ-së dhe kriteri për personel të pajisur me CSP u hoq pas ankimimit.
Për të kuptuar ndikimin e këtij kriteri të veçantë kualifikimi, mjafton që të shikohet fakti se me sa lekë u fitua gara e parë dhe me sa lekë po tentohet të fitohet gara e dytë.
Gara e parë u fitua me 90% të fondit limit,
ndërsa gara e dytë po tentohet të fitohet me 74.9% të fondit limit.
Në të dyja rastet bëhet fjalë për kompani në zotërim të IT-së Ermal Beqiri (Soft Solution dhe Horizon).
Pra, kur ishte kriteri kufizues, gara e parë (ICMIS) fitohet me 90% të fondit limit, ndërsa kur u hoq kriteri kufizues, po e njëjta kompani garën e dytë po tenton ta fitojë me 74.9% të fondit limit. Fakt që flet vetë.
Por oferta 74.9% e fondit limit konsiderohet si ofertë anomalisht e ulët sipas Ligjit të Prokurimit Publik Nr.162/2020.
Në procedurën e dytë të prokurimit, të datës 16.06.2025, e cila është në ankimim në KPP për më shumë se dy muaj, fituesi i shpallur nga KLGJ me ofertë anomalisht të ulët (bashkimi i operatorëve Soft Solution dhe Horizon të oligarkut Ermal Beqiri), rezulton me një ofertë anomalisht të ulët prej 3,104,800 lekësh më i lirë se konkurenti, sepse një komponent shumë i rëndësishëm i sistemit (pajisje “storage”, ku do të ruhen të gjitha të dhënat e sistemit), i cili është identik për të dy konkurruesit, “Soft Solution dhe Horizon” i kanë ofertuar 4 herë më lirë se konkurenti.
Kjo krijon dyshime për seriozitetin e ofertës anomalisht të ulët të fituesit të KLGJ-së.
Bëhet fjalë për të njëjtën pajisje “storage” të së njëjtës markë HPE, që konkurruesi tjetër (partner zyrtar i HPE-së), e ka 4 herë më të shtrenjtë, të marrë me autorizim prodhuesi nga vetë HPE, ndërsa “Soft Solution dhe Horizon”, të njëjtën pajisje identike e kanë 4 herë më lirë dhe e kanë me autorizim nga distributori, por jo me autorizim nga vete prodhuesi HPE.
Në ankimimin në KPP është dërguar një komunikim zyrtar me email i prodhuesit HPE, në të cilin citohet se një autorizim distributori nuk është i vlefshëm nëse kompania nuk është partnere zyrtare e HPE (as Soft Solution dhe as Horizon nuk janë partnere zyrtare të HPE).
Kjo do të thotë se, mesa duket, pajisja “storage” me çmim 4 herë më të lirë, nuk do të ofrohet nga kanalet zyrtare të HPE-së, por mund të jetë:
e përdorur, ose
e blerë në ndonjë magazinë pa garanci nga prodhuesi HPE.
Është për t’u pritur se si do ta vlerësojë KPP-ja këtë fakt shumë të rëndësishëm.
Por fakti më domethënës është:
Kur vendosen kritere për kufizim të konkurrencës → tenderat e KLGJ-së fitohen me 90% të fondit limit.
Kur nuk ka kritere kufizuese → tenderat mund të fitohen edhe me 74.9% të fondit limit.
Bëhet fjalë për miliona euro diferencë nga fondi limit ne një prokurim nga institucioni që zgjedh gjyqtarët.
Dokumenta bashkëngjitur
15 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po kur te qi kadiu me ke do ta besh davane ?
Nuk ka njerez me te kalbur moralisht ne Shqiperi se gjykatesit e prokuroret. E vetmja arsye pse politikanet e korruptuar egzistojne eshte se egzistenca e tyre behet e mundur nga gjykates e prokurore te korruptuar.
Si ne cdo projekt ne fushen e tech paracaktohet per keta te Soft Solution, dhe mire qe percaktohet per keta por puna qe bejne eshte skandaloze dhe vetem abuzim me fondet e taksa paguesve dhe shteti dhe popullo nuk fiton asgje…
Kjo nuk ka më asgjë të përbashkët me prokurim publik, konkurrencë apo ligjshmëri. Kjo është një farsë e zakonshme ku rregullat shkruhen dhe rishkruhen sipas nevojës, vetëm për t’ia shtruar rrugën fituesit të paracaktuar. Kur kriteret shfaqen e zhduken sipas interesit, kur standardet ndryshojnë nga një tender te tjetri, kemi të bëjmë me një skemë të pastër grabitjeje, jo me administrim publik. Këto praktika janë fytyra reale e kapjes së institucioneve: ligji përdoret si dekor, ndërsa paratë publike trajtohen si plaçkë. Në fund, humb konkurrenca, humb besimi dhe fitojnë gjithmonë të njëjtët, sepse loja është vendosur që në fillim.
Hajde hajde... Qeveria e Gjyqesorit ne bashkepunim me Quksin e KPP! Quksin e kuptoj, se ka hall kto dite... po ky tjetri qe firmos... kshu gjerash ndodhin kur Quksi do te behet Xhuxh...
E ku qendron problemi ktu! Po lere mo Mero institucionin te vjedhi dhe KPP ti veri vulen!
E ka thon i modhi Tironas, kur Katunaria zbret n'qytet, Atdheu osht' n'rrezik!
I di qeverria keto pune! I di Gjyshi si nuk i di....
Kur vjedhin të gjithë në këtë shtet pse mos vjedhë dhe Ilir Rusi një copë katundari qe blri karrierë duke i mbajt cantat Altin Sheganit në Kohën e PD dhe Artan Hoxhes në kohen e PS
Se kuptoj pse i jane vene te gjithe kesaj kompanise soft solution. Per aq kohe sa ka struktura te korruptume qe leket e shtetit i trajtojne si leket e tyre bravo i qofte ketij ermalit. Ky vllai ka bo lek sa per nja 3 breza. Jepi ermalo mos pyt hic. Kap sa me shume te kesh takat. Je njish. Respekte.
Te lumte Mon Kukaleshi, me pelqen shprehja, eshte fiks per Ilir Rusin, qe sic e pershkruan dhe Studenti vetem canta ka mbajtur.
Respekte dhe per Ilirin. Mos caj koken….ohu 3 dite zgjat cudia edhe harrohet. Te tjeret nuk jane te zot edhe bojne lloqe koti. Plasin nga zilia.
Kam punuar 6 muaj ne KLGJ. Me drejtuesit e larte sme lidhte puna por administrata ishte e mbushur vetem me patronazhiste. Gjithe diten flitej vetem per leke dhe pazare. Te korruptuar deri ne fyt. Prokurimet ishin si zot aty. Skishte perendi qe i trembte.
Z. Mero, ky, si dhe gjithe korupsionet dhe te koruptuarit, eshte i faktuar per bukuri. Dergoje dhe tek ata, nderkombetaret qe zgjodhen Brahon dje, mbase j'u mbushet mendja qè reforma ne drejtesi ka shkuar per lesh me kohè...
Pse nuk shikoni dhe punesimet te klgj se ka plas nepotizmi dhe fiktiviteti. Staf i fryr me kushurinj e krushqi pervec qokave qe dihen