Te fundit
Kontejnerët me lëndë të dyshuar toksike, reagon Dogana: Nuk është eksport nga Shqipëria, por tranzit ndërkombëtar
21 Gusht 2024, 14:20Ekonomia
TEMA
Administrata Doganore Shqiptare ka reaguar në lidhje me anijen e dyshuar se po transporton mbetje toksike nga Shqipëria drejt
Kinës.
Në deklaratën për mediat, Dogana thekson se rasti nuk është eksport nga Shqipëria, por një tranzit ndërkombëtar i produktit koncentrat zinku nga Kosova
Administrata Doganore Shqiptare thekson se ky rast po përdoret politikisht, ndërsa ky institucion është duke punuar me zyrën e BE-së për zbardhjen e plotë të këtij rasti.
“Nisur nga informacionet disinformuese që po shpërndahen prej ditësh në media dhe po përdoren për arsye politike dhe për baltosjen e punës së Administratës Doganore Shqiptare, sqarojmë si vijon:
Rasti i cituar nga media nuk është eksport nga Shqipëria por një tranzit ndërkombëtar i produktit koncentrat zinku nga Kosova. Pra, produkti është koncentrat zinku me origjinë nga Kosova me firmë dërguese/eksportuese Apelbaum shpk me adresë Rr. Fehmi Agani, Prishtinë/Kosovë; Firma pritëse/importuese është ACHRO AG me bazë në Steinhausen Sëitzerland.
Firma zvicerane ACHRO AG është urdhëruese sipas BILL OF LOADING (B/L) e kompanisë detare MAERSK për transportin e këtij produkti (LOË GRADE ZINC CONCENTRATE) me destinacion firmën pritëse GUANGXI LOGISTICS INDUSTRY INTERNATIONAL TRADE CO. LTD, NANNING, China.
Sa më sipër ritheksojmë se:
• Nuk është produkt me origjinë nga Republika e Shqipërisë;
• Nuk është eksport nga Shqipëria por një tranzit ndërkombëtar ndërmjet një firme nga Kosova dhe një firme zvicerane pa përfshirjen e asnjë firme nga Shqipëria.
ADSH si në rastet e mëparshëm por edhe në këtë rast, po shkëmben informacion intensiv si dhe po bashkëpunon ngushtë në hetim të përbashkët me OLAF (Zyrën e Luftës kundër Mashtrimeve të BE-së) si dhe organizma të tjera ligj-zbatues”, thuhet në njoftimin e Administratës Doganore Shqiptare.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po Ministria e Mjedisit tha qe eshte nga Metalurgjiku. Apo VK? I kopsitet letrat tani
Vlora-metalurgjiku nuk prodhon asnje lloj materiali qe hyn ne kategorine e "mbetjeve te rrezikshme". Keshtu, uzinat e celikut dhe Ferrokromi, kane si mbetje vetem skoriet, qe perseri mundet qe te perdoren si material mbushes per ndertimin e rrugeve. Me nje fjale nuk ka mbetje dhe ca me pak te rrezikshme. Edhe ne lajmet e meparshme per kete rast, kam lene nje mesazh te ngjashem me kete qe po shkruaj ketu per te sqaruar lexuesit e TEMA-s qe te mos bien pre e fallsifikimeve qe here pas here shfaqen ne faqet e gazetave tona. Kjo tregon edhe njehere se sa i ulet eshte niveli profesional i gazetareve tane, qe para se te botojne nje lajm, duhet te pakten te bejne nje verifikim sado minimal duke pyetur ndonje specialist.
Shumë e qartë dhe e saktë , zoti inxhinier . Ja që , këta gazetarë kemi , për fat të keq .