Te fundit
150 milionë euro pasuri në sekuestro! Pronat e marra nga krimi e korrupsioni do të përdoren nga shteti
16 Qershor 2024, 20:13Kronika
TEMA
Këto që shihni në këto pamje janë makina të sekuestruar me vendim gjykate nga grupe të ndryshme kriminale në Shqipëri.
Vetëm 94 prej tyre janë për përdorim organeve ligjzbatuese dhe institucioneve shtetërore ndërsa të tjerat presin ne këto magazine për vite derisa gjykata të shprehet nëse do të konfiskohen e t’i kalojnë shtetit apo do ti kthehen pronarit. Por kjo gjë pritet të ndryshojë.
“Jemi në diskutim edhe me DPSHTRR për t’i mirëadministruar edhe automjetet duke na dhënë mundësinë për ti dhënë me qira apo në përdorim institucioneve shtetërore pasi ato po humbin vlerën çdo vit, besoj do gjendet hapësira ligjore dhe vullneti i institucioneve për ta përdorur një pasuri që po shkon drejt rrënimit”, tha Idriz Haxhiraj, drejtor i komanduar i AAPSK.
Në administrim të Agjencisë së administrimit të pasurive të sekuestruara dhe të konfiskuara janë rreth 1400 pasuri me vlere mbi 150 mln euro.
Vetëm gjatë këtij viti nga janari deri në maj nga puna e prokurorive dhe gjykatave në vend sidomos SPAK-u janë sekuestruar 330 pasuri të luajtshme dhe të paluajtshme si toka ullishte, apartamente, njësi tregtare, shoqëri biznesi, automjete ose llogari bankare.
“Destinacion i këtyre pasurive është mbështetja e institucioneve ligjzbatuese dhe atyre me kontribut në luftën kundër krimit të organizuar. Mbi një mln euro për 6 projekte për prokurorinë e përgjithshme, SPAK, policinë e shtetit, AMP dhe drejtorinë e burgjeve mbështetjen e viktimave të krimit dhe pjestarëve të të rënëve deklinacioni i 3 është ripërdorimi social”.
Ky që shihni në këto pamje është një apartament në Durrës i cili ka qenë i ish-kryeprokurorit Adriatik Llalla, i cili pasi i kaloi shtetit u shndërrua në një qendër ku mësohet pikturë. Po ashtu kjo ish disko në Fier shndërrua në qendër kursesh pastiçeria apo ku garazh në Elbasan në qendër artizanësh.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Qeveria DUHET te Krijojne Urgjentisht Fondin Sovran,keto pasurite DUHET ti administroje Fondi Sovran ,fitimet e veta Fondi DUHET ti investoje ne kapitalin boteror dhe ne projekte strategjike ne vend,qe NGA hotele e resorted,Tek vepra infrastrukturore,Tek projekte te energjise solare,Fermat shterore me teknologji te larte Qeveria DUHET te emetoje edhe aksione te Fondit ne treg qe mund ti bleje kushdo qe NGA biznesi,institucionet financiare e Deri Tek individet ,qeveria DUHET ta shpalle Fondin Sovran Interes Strategjike te Shqiptareve