Avokati i Popullit inspekton në Burgun e Reçit, Endrit Shabani: Shërbimi shëndetësor në burgje, i dobët, probleme me zbatimin e amnistisë (VIDEO)

Një ekip nga zyra e Avokatit të Popullit po inspekton prej tre ditësh një nga burgjet më të mëdha në vend, atë të Reçit në Shkodër.

​Sot, këtë institucion e vizitoi edhe vetë Avokati i Popullit, Endrit Shabani, i shoqëruar nga Komisioneri për Parandalimin e Torturës, Ahmet Prençi. Ata panë nga afër kushtet e rrethimit, si dhe zhvilluan biseda me të dënuarit dhe stafin e burgut.

​Në një komunikim për mediat pas vizitës, Avokati i Popullit vuri theksin te faktet se, ndonëse Burgu i Reçit është një strukturë e re, ai vijon të vuajë nga mangësitë e vjetra të sistemit, i cili dështon të ofrojë shërbime të mirëfillta rehabilituese për të dënuarit.

​"Të dënuarit nuk mund të ngecin brenda rrjetës së kriminalizimit. Ata duhet të kenë mundësi të ndjekin programe sociale dhe edukuese që e bëjnë rikthimin e tyre në shoqëri të pranueshëm," u shpreh Shabani.

​Duke iu referuar ankesave dhe rasteve të vdekjeve në Institucionet e Ekzekutimit të Vendimeve Penale (IEVP), Avokati i Popullit kërkoi investime të menjëhershme në infrastrukturë.

Sipas tij, kjo do të garantonte kushte më humane dhe shërbime shëndetësore reale, si për të dënuarit, ashtu edhe për efektivët dhe punonjësit e këtyre institucioneve.

​Endrit Shabani u ndal gjithashtu te zbatimi në praktikë i ligjit për amnistinë, duke denoncuar një hallkë burokratike që po penalizon të burgosurit.

​"Me keqardhje konstatojmë se, pavarësisht vërejtjeve tona që në fillim, ka të dënuar që nuk po përfitojnë nga amnistia edhe pse i plotësojnë kriteret. Kjo ndodh vetëm sepse vendimet e tyre gjyqësore nuk janë zbardhur brenda afateve. Kjo është një padrejtësi e madhe ndaj tyre dhe familjeve të tyre,"- deklaroi Avokati i Popullit.

​Inspektimi në burgun e Reçit do të vijojë edhe gjatë ditës së nesërme. Në përfundim të tij, Institucioni i Avokatit të Popullit do të bëjë publike të gjitha gjetjet dhe rekomandimet zyrtare.

Dyshohet se ofronin këmbim valutor pa licencë/ Ekzekutohen 11 masa sigurie, sekuestrohen miliona lekë dhe mijëra euro

18:15 Kronika

Lezhë/ Një i ri plagoset me thikë në Shëngjin, transportohet në spital

17:55 Kronika

Përplasjet në Komisariatin nr.3 gjatë protestës, lirohet 33-vjeçari Erald Heqimaj

17:45 Kronika 6 komente

Zbulohet skema e tjetërsimit të tokave shtetërore, 12 masa sigurie për ish-funksionarë të Hipotekës së Durrësit

17:05 Kronika 3 komente

"Nuk kanë pasur asnjë konflikt" - Vrasja në Shkodër, flasin të afërmit: Ishin njerëz të urtë e të ndershëm

00:54 Kronika

Katër vatra zjarri në 24 orët e fundit, autoritetet: Mos digjni bimësinë pa leje, kërkoni ndihmën e autoriteteve

15:35 Kronika

“Akuza seksiste, del që unë qenkam shërbëtorja!”, Monika kryemadhi debaton në gjyq me prokurorin

15:15 Kronika 9 komente

Zyrtarët e “VLEN” s’u lejuan të hyjnë në Shqipëri, reagon Drejtori i Përgjithshëm i Policisë

14:45 Kronika 5 komente

Fushatë online kundër bizneseve të turizmit shqiptar/ Policia po heton mbi 10 mijë llogari për komente të koordinuara! Hitaj: Do trajtohet me prioritet maksimal (VIDEO)

13:51 Kronika 51 komente

Breçani junior mbetet në burg - Apeli i Posaçëm i rrëzon kërkesën për zëvendësim mase

13:35 Kronika 6 komente