I dënuar për prodhim e shpërndarje të materialeve pornografike në Gjermani, arrestohet i riu që fshihej në Tiranë

29 Mars 2023, 14:09Kronika TEMA

 I dënuar për prodhim e shpërndarje të materialeve

Një 27-vjeçar i shpallur në kërkim ndërkombëtar nga autoritetet gjermane, është arrestuar këtë të mërkurë në Tiranë.

Patrick Wellner, ishte dënuar nga gjykata në Paderborn me 1 vit e 8 muaj burgim, për veprën penale “Prodhimi dhe shpërndarja e materialeve pornografike”, parashikuar nga legjislacioni penal i Gjermanisë.


Ai kishte gjeur Shqipërinë si strehë për t’i shpëtuar drejtësisë gjermane, por u lokalizua dhe u arrestua nga policia shqiptare. Interpol Tirana vijon procedurat për ekstradimin e këtij shtetasi drejt Gjermanise. 

“Shërbimet e Komisariatit të Policisë Nr. 2, në vijim të punës për kapjen e personave të shpallur në kërkim ndërkombëtar, në bashkëpunim me Interpol Tirana, në bazë të informacioneve të siguruara në rrugë policore, kanë organizuar dhe finalizuar operacionin policor të koduar “Paderborn”, si rezultat i të cilit u bë kapja dhe arrestimi provizor, me qëllim ekstradimin drejt Gjermanisë, i shtetasit: – Patrick Wellner, 27 vjeç, përkohësisht banues në Tiranë”, njofton policia.

Lini një Përgjigje