Te fundit
Përdor emrat e VIP-ave të politikës: Ja kush është "koka" e grupit që mashtron biznesmenët
5 Maj 2024, 17:40Kronika
TEMA
Mbrëmjen e së shtunës (4 maj 2024) në edicionin e lajmeve në Top Channel është publikuar një kronikë, ku bënte fjalë për një histori mashtrimi.
Kronika bënte fjalë për një biznesmen nga Përrenjasi, Flamur Rrushi, ai pretendon se një person e ka telefonuar me aplikacionin viber dhe i ka thënë se jam Taulant Balla dhe më duhen 100-mijë euro urgjent.
Biznesmeni, sipas kërkesës së mashtruesit, ka ardhur në Tiranë me çantën 100 mijë euro dhe ia ka dorëzuar një taksisti.
Prokuroria e Elbasanit identifikoi taksisitin, i cili deklaroi “isha taksist , erdha në Tiranë nga Lezha dhe mora nga Flamur Rrushi çantën. E pyeta fillimisht nëse është gjë e rrezikshme dhe më tha jo. Kur ia dhashë çantën, më dha 100 euro”, tha taksisti, i cili u la i lirë.
Tch shkruan se është zbuluar se posedues i kësaj llogarie është shtetasi Florian Gjergji, i cili aktualisht është nën hetim dhe ndaj tij janë dhënë disa masa arresti për të njëjtën skemë mashtruese.
Por kush është Florian Gjergji?
Personi që shihni në foto, quhetFlorian Gjergji, i cili konsiderohet nga policia e Tiranës si njeriu që ka organizuar në shumë raste skemën e mashtrimit duke u prezantuar përmes emrave të zyrtarëve të lartë, si Edi Rama, Erjon Veliaj dhe jo vetëm.
Gjergji, gjatë kësaj kohe është bërë protagonist dhe i dy rasteve të tjera të mashtrimit me shuma të mëdha, raste këto që janë zbuluar nga policia, duke çuar në pranga njerëzit e afërt me të cilët Gjergji ka bashkëpunuar në momentin e tërheqjes së lekëve.
Tashmë prej më shumë se 5 muaj, policia dhe prokuroria e Tiranës, janë në ndjekje të të Florian Gjergjit, por s’kanë mundur ta arestojnë.
Përmes kësaj skeme mashtrimi përmes aplikacioneve telefonike nga Janari 2023 e deri më sot, katër biznesmenë janë tentuar të mashtrohen me shumë të mëdha financiare, duke përdorur emra të zyrtarëve të lartë si Erjon Veliaj dhe kryeministri Edi Rama.
Në 4 operacione të ndryshme të Njësisë “E” në Policinë e Shtetit për këto krime u arrestuan 11 persona, pjesa më e madhe e të cilëve kishin role dytësore në mashtrim.
Në operacionin e parë të koduar me emrin “Signal” ranë në pranga Jasmin Pepaj, Rezart Pepaj dhe Sherif Kadroviç.
Tre të rinjtë shkodranë tentuan që përmes një mesazhi ku prezantoheshin me emrin “Edi” të mashtrojnë biznesmenin e ndërtimit Pëllumb Salillari duke i kërkuar 130 mijë euro.
Por, çfarë skeme vinte në jetë Florian Gjergji për të mashtruar biznesmenët?
Fillimisht 39-vjeçari i dërgon “presë” një mesazh. Tek biznesmenë të ndryshëm ai përdor taktika të ndryshme komunikimi.
Në rastin e tentativës për të mashtruar pronarin e “Everest”, Florian Gjergji, përmes një aplikacioni komunikimi me numër me prefiks të Britanisë së Madhe, u prezantua si zyrtar i tatimeve.
Kur tentoi të mashtronte pronarin e një kazinoje u prezantua në emër të ish-kreut të Kadastrës, Artan Lame, ndërsa në rastin e fundit për biznesmenin Ramë Geci u prezantua si kryetari i bashkisë së Tiranës, Erion Veliaj.
Siç duket, Florian Gjergji, ka informacione të detajuar të marrëdhënieve të biznesmenëve edhe me politikanë, çfarë shton dyshimet e hetuesve se pjesë e grupit janë edhe disa persona të tjerë informatorë.
Për komunikimin me sipërmarrësit, përdoren aplikacione që aksesohen përmes interntit, si telegram apo signal, ku për hapjen e tyre përdoren platforma VPN që maskojnë vendndodhjen e mashtruesit.
Edhe pse është ai dërguesi i mesazheve dhe ideatori i tyre, për të realizuar misionin Florian Gjergji nuk vepron vetë në terren.
Ai lidhet me persona të tjerë, të cilët i njeh dhe u kërkon të shkojnë për të marrë paratë duke ua paraqitur këtë kërkesë si nder apo veprim miqësor.
Në rastin e fundit ku tentoi të mashtroj Ram Gecin, pasi Florian Gjergji ishte prezantuar si Erion Veliaj dhe se kishte nevojë për 100 mijë euro, kishte pajtuar Bedri e Albert Vodhën, të shkonin të merrnin paratë që t’ia dërgonin në Gjermani.
Sipërmarrësi Geci e kuptoi shpejt skemën e mashtruesve dhe njoftoi policinë.
Geci ia kaloi komunikimin agjentëve të policisë të cilët kërkuan uljen e shumës në 70 mijë euro dhe lanë takim në qendër të Tiranës, aty ku u prangosën babë e bir.
Edhe pse tashmë janë arrestuar në total 8 bashkëpunëtorë të Florian Gjergjit, personi i konsideruar si truri i grupit ai nuk është kapur.
Këto janë rastet e provuara të mashtrimit të tij, por ai dyshohet se ka bërë edhe tentativa të tjera, duke mashtruar në emër të kryebashkiakut aktual të Laçit, apo ministrit të Mbrojtjes, Niko Peleshi.
11 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po si mo si thote ky bolja, me kerkoi 100 mije euro me emrin e taulant palles dhe ky me vtrap canten! Ca rrota @ari qe ka ne shqiperi
Vrejtje e sakte. Jane leke pa djerse zoti "ermal". Nje shoqeri, ku elita financjare eshte injorante, ajo shoqeri eshte e vdekur
Ky duhet dekoruar.Ata debilat duhen denuar se kerkojn te marin favore me para se une te jet kush te doje nuk i jap shuma te tilla parash me nje sms.
Ky monster ka marre ne qafe edhe hallexhinj te pafajshem duke i perdorur si transportues parashe, sic ishte rasti i ciftit babe e bir Vodha. Ka kaq kohe qe ben shantash e mbush xhepat me para te pista,por sic duket nuk i mban te gjitha per vete se i dergon dhe lart. Ndryshe si ka mundesi qe nuk kapet. Hajdre shtet hajde, silleni sic ndodh me Martinaj, here u kap , here eshte gjalle, e here eshte i vdekur.
Pritini duart dhe gjuhen, meqe pushkatimi dhe varja ndalohen nga kodi penal. Vjedhja eshte nder 5 krimet me te renda dhe meriton demim proporcional qe eshte prerja e duarve qe mos te kene cfare te bejne me.
Po kush ja ë këta biznesenë që janë gati të japin para kesh politikanëve? Të mësohen që nuk mund ti japin para kërkujt.
E dika mire fare gjergji se keshtu i merrka leket politikanet me nje telefon. Imagjino sa japin keta biznesmenet e PPP kur i merr vete personi ose ja ketkon ball per balle.
Këto duken që janë koqe toroloqe, se thënka tjetri që jam ky e jam ai, dhe këta vrap e lekët.
Më e rëndë është fakti që ka njerëz " biznesmenë" që sapo dëgjojnë emrin e 1 politikani janë gati të hapin thesin se sa hajduti në fjalë
Ne kete histori mos u merni me ate djalin madje atij jepini grade. Ata qe paguajne parate me nje telefon... e kane gatuar corben bashke me Taulantit apo Erionin .. Nuk ka asnje mundesi... zero shans te jape dikush para ne emer te dikujt nese nuk i detyrohet. Ose beni drejtesi ose bejani mutin atij vendi me keq se cja keni bere. Atij djalit bravo I qofte.
Personi qe shofim ne foto eshte ne rregull, po shikoni ata petsonat qe cojne milionat me nje telefon tek pronaret e tyre.