Te fundit
Një thirrje për ndihme, letër e gruas pa emër!
7 Maj 2024, 17:32Kronika
TEMA
Gazetarja e Top Channel Anila Hoxha ka publikuar në rrjetet e saj sociale letrën e një gruaje që i ka ardhur në mesazhet e saj private, marrë shkak nga ngjarja e rëndë ndodhur në Shkodër ku Alma Arrazi i dha fund jetës bashkë me tre fëmijët e mitur.
Ajo ka treguar historinë e saj ku pas dhunës dhe problemeve në martesë, mori divorcin duke tentuar të rrisë e vetme fëmijën e saj. Në këtë letër ajo tregon se për shkak të vështirësive, ka menduar t’i japë fund jetës, por nuk e ka bërë duke menduar se duhet të rrisë fëmijën.
Hoxha e ka ndarë këtë letër, pasi e quan si një “thirrje!”.
Postimi i plotë i Anila Hoxhës:
Një thirrje për ndihme, letër e gruas pa emër!
Jam menduar natën e kaluar ta botoj apo jo dhe vendosa që ta ndaj sepse ja ku ËSHTË një thirrje. Për ti qëndruar besnike hoqa shumë fraza, të cilat mund ta identifikojne.
“Anilë, të pashë sot tek Juli dhe ende nuk i ndal dot lotët.
Ti më njeh por mua, më vjen turp të të them se kush jam, sepse nuk do doja që këtë mesazh ta ndaje me dikë tjetër. The që nuk jemi vetëm, por duhet të flasim.
Jemi vetëm!
Kam dalë nga një martesë, nga e cila u dhunova dhe me shumë sakrifica u përpoqa të vazhdoja jetën time dhe rritjen e fëmijës.
Nga jashtë duket sikur jam mirë.
Më kanë mbajtur me orë të tëra në punë kur unë duhej të shkoja pranë fëmijës tim, jam detyruar ta rris por nuk e kam marrë pagën. 3 muaj pa paguar detyrimet, qiraxhiu po bëhet gati të më nxjerrë nga shtëpia dhe fëmijën e kam dërguar tek i ati.
Ndërsa mua më qan shpirti, sepse nuk kam as një lek për ta ushqyer. Ai nga ana e tij po më bën presione indirekte se do ma marrë kujdestarinë, sepse nuk kam financat e duhura.
Qiraja, fëmijët për tu rritur, me jetë për të përballuar, duken shumë.
Por nuk dalin kur ti e ke mësuar evlatin tënd duke mos i munguar asgjë. Dhe sot dhuna vazhdon, psikologjike, financiare, emocionale dhe kjo bëhet zinxhir.
Alma dhe shumë si ajo nuk kanë rrugëdalje.
Unë luftova, por ndonjëherë mendoj më mirë të kisha qëndruar në atë martesë jo të shëndetshme, sesa të jem në kushtet e mbijetesës.
Dhe po, nuk kanë qenë të pakta herët që e kam menduar vetëvrasjen, por nuk e bëj dot sepse më duhet të rris e të edukoj qenien më të rëndësishme të jetës time.
Aq sa e dua, aq e shoh atë si burgun tim. Më ka dënuar që të përballoj jetën në këtë vend të qelbur, me këta njerëz të kalbur, dhe realisht, nuk ka asnjë derë ku mund të trokasësh. Të gjithë duan të të mbështesin në teori, por në praktikë, edhe nëse e bëjnë, duan vetëm të të shkelin.
Ky është realiteti.
Na vrasin besimin tek drejtësia, tek e vërteta, tek dinjiteti, na vrasin ëndrrat dhe ti duhet thjesht të mbijetosh, ose të lejosh të të shkelin që t'ia dalësh, sepse pa asnjë mbështetje, është e pamundur.
Të lutem, mos trego. E vetmja ndihmë që mund të japim të gjithë bashkë është të tregojmë të vërtetën. E vetme, jeta e asnjërës nuk ka vlerë.
Ky është realiteti. Po mundohem të ndihmoj veten. Po mendoj të iki nga Shqipëria, duke kërkuar alternativa. Thjeshtë mos flasim më për mbështetje, për polici, për politika sociale.
Nuk ekzistojnë, janë selektive “!
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Shqiperia eshte e mbushur me gra skizofrene e ne depresion. Shteti duhet te nderhyje duke i marre femijet, dhe gjithe shoqeria te kontribuoje qe te rriten keta femije larg prinderve te cmendur. Keto fatzeza apo fatzinj nuk kane nevoj per meshire e as per ndihme per te mbijetuar. Ata kane nevoj per mjekim. Shteti duhet te ushtroj autoritetin qe ti rrisi femijet neper shtepi femijesh, pasi eshte e sigurt qe do te rriten shume me mire se sa prinder te cmendur. Artikuj emocional si ky, te orjentojne ne keqardhje, por kujdes, duhet pare sa te afta jane keto nena qe te rrisin femije te shendetshem dhe te edukuar.