Autoriteti i Dosjeve fton në diskutimin e librit të Nebil Çikës si pjesë e Klubit të Librit

"Takohemi të premten, datë 11.04.2025, ora 13.00 në bibliotekën e qytetit të Sarandës për një reflektim të thelluar mbi kujtesën historike përmes letërsisë memuaristike.

Ju ftojmë të bëheni pjesë e një aktiviteti të Autoritetit të dosjeve që shënon dy ngjarje të rëndësishme:

• Diskutim rreth librit "Biri i armikut" – një rrëfim tronditës dhe i sinqertë nga gazetari dhe aktivisti Nebil Çika, që sjell një dëshmi të rrallë mbi persekutimin, qëndresën dhe dinjitetin në diktaturë.

• Themeli i Klubit të Librit “Mësojmë nga e kaluara” në Sarandë – një hapësirë e re për dialog ndërbrezor, edukim dhe ndërgjegjësim përmes leximit dhe dokumentimit historik.

Në këtë ngjarje do të ndalemi edhe tek figura e Nebil Çikës dhe trashëgimia që ai la pas si zë i guximshëm i së vërtetës. Një vit më parë ai humbi jetën por na la një rrëfim mbi historinë e familjes së tij.

Libri nuk është vetëm një rrëfim autobiografik. Ai është një akt i guximshëm dëshmie për të zbuluar mekanizmat e dhunës sistematike gjatë diktaturës komuniste, dhe një mesazh i qartë për rëndësinë e së vërtetës, drejtësisë dhe kujtesës në ndërtimin e një shoqërie të shëndetshme.

Përfaqësues të Autoritetit, studiues dhe mësues të arsimit në qytetin e Sarandës do të ndalen në disa çështje si:

• Familja Çika, si simbol i qëndresës përballë persekutimit në tre breza.
• Ballafaqimi i librit me dokumentet arkivore të ish-Sigurimit të Shtetit, që ndriçojnë më tej kontekstin e ngjarjeve.

• Mundësitë për transmetimin e kësaj historie tek brezat e rinj, përmes programeve në arsimin parauniversitar dhe bashkëpunimit me mësuesit.

Ky aktivitet është një thirrje për të ruajtur memorien kolektive dhe për të kultivuar ndjeshmëri ndaj të shkuarës, në mënyrë që ajo të mos përsëritet.

Mirëpresim median, mësuesit, të rinjtë dhe çdo qytetar që dëshiron të mësojë nga e kaluara për të ndërtuar një të ardhme më të ndriçuar." - shkruan Autoriteti.

Ekspozita Adriatiko Joniane! Nga Shëngjini në Himarë, piktori Pashk Përvathi zbulon 50 peizazhe me temën e detit

16:05 Kulturë

Mustafa Krantja, i pari dirigjent i Filarmonisë Shqiptare

14:40 Kulturë

Kalaja e Rozafës, destinacion i turistëve në Shkodër

14:04 Kulturë

“Paradoks provokues”/ Godole për transformimin e Vilës 31: Akt cinik kur ende s’jemi përballur me të kaluarën! Ta kthejmë historinë në një dialog të hapur publik

13:15 Kulturë 2 komente

PAMJE/ Kodrinat misterioze 2000-vjeçare të Amerikës

12:03 Kulturë

Akademiku Rexhep Qosja është shpallur fituesi i Çmimit “Lumo Skëndo” për vitin 2024.

11:17 Kulturë

Durrësi Aktiv dhe MuZEH Lab, veprimtari artistike në qytetin bregdetar

11:08 Kulturë

"Komshinjtë" / Binaj: U rrita në një pallat ku të gjitha shtresat jetonin në harmoni, kjo më frymëzoi për shfaqjen

10:02 Kulturë

Ekspozita “Invictus” në vilën e ish-diktatorit, pikturat e Lume Blloshmit dhe fotografitë e Kostandin Pogës ballafaqojnë vizitorët me të shkuarën

09:14 Kulturë

Vila 31 x Art Explora, Haddad: Tirana në platformat e mëdha kryesore të artit bashkëkohor

08:58 Kulturë