Foto/ Personalitetet shqiptare i japin lamtumirën e fundit Ismail Kadaresë!

Ditën e sotme ndërroi jetë kolosi i letrave shqipe, shkrimtari ynë i madh Ismail Kadare. Kadare ndërroi jetë në moshën 88-vjeçare. Ai ishte një ndër shkrimtarët më të mëdhenj në gjuhën shqipe. Veprat e tij janë përkthyer në dhjetëra gjuhë të ndryshme. Largimi i tij la në boshllëk që madh që nuk do të mbushet kurrë.

Personalitete shqiptare, shkrimtarë, gazetarë, aktorë, drejtues emisionesh, politikanë, i kanë dhënë sot lamtumirën Ismail Kadaresë.

Gazetarja Rudina Xhunga e kujton Ismail Kadarenë me këtë foto, nga intervista në Jerusalem, kur shkrimtari fitoi Çmimin e Jerusalemit në Letërsi në vitin 2015. Gazetarja Rudina Xhunga e intervistoi Kadarenë menjëherë pas marrjes së çmimit.

“Kadare iku. Çfarë boshllëku”, shkruan sot gazetarja Rudina Xhunga.

Ministri Igli Hasani shkruan:"

“Trishtim për humbjen e Ismail Kadaresë, një figurë monumentale në letërsinë shqiptare dhe evropiane.

Shkëlqimi i tij letrar i kapërceu kufijtë, duke formësuar thellësisht kuptimin e historisë dhe trashëgimisë së Shqipërisë. Veprat e tij magjepsën miliona lexues në mbarë botën, duke e cilësuar padyshim si shkrimtarin më të madh dhe më me ndikim shqiptar të kohës sonë.

Në atdhe, kryeveprat e Kadaresë kanë qenë shoqërues të vazhdueshëm për breza, duke shërbyer si fener shprese dhe krenarie në kohëra të errëta dhe më të ndritshme. Mendimi dhe urtësia e tij intelektuale shërbyen si drita udhëzuese, gjithmonë drejt përparimit dhe emancipimit.

Një shqiptar i madh, një kolos i Ballkanit, një evropian i dalluar! Trashëgimia e tij do të vazhdojë të na frymëzojë dhe të na lidhë të gjithëve.

Pusho në paqe!”

Gazetarja Ilva Tare e kujton me këto fjalë shkrimtarin e madhe dhe mikun e familjes:

“Lamtumirë shqiptarit të madh, kontribuuesit kryesor të kulturës botërore në gjuhën shqipe dhe mikut të shtrenjtë të familjes.”

Gazetarja Monika Stafa kujton takimin e fundit me Kadarenë disa muaj më parë dhe sot ka një dedikim për të në rrjete sociale;

“IKU I HESHTUR. SEPSE ME FJALEN NA PERFSHIU NE HISTORI
Ca muaj me pare, keshtu dua ta kujtoj; KADARE DHE KAPELJA E TIJ! Nuk do kisha dashur ne kete fillim jave mesazh me te dashur se ky: Ishte gëzim, Monika, si përherë kur vjen ti.
Javë të bukur!
….
Mbi pistat ere e stepes fershellente,
Avionet po lageshin ne shi,
Ahere ne e ndiem edhe nje here,
Pse vendi quhej Shqiperi.

Dicka ne po ndienim prej shqipeje,
Tek supet ish nje dhembje e kalter.
Dhe sikur karantina te vazhdonte
Do te na dilnin, me siguri, flatrat.

Moske, 1960.”, Monika Stafa.

Rinisin punimet restauruese në Teqen e Dollmës në Krujë

16:19 Kulturë 2 komente

Hyu Kadare

15:58 Kulturë 9 komente

Çfarë të lexojmë këtë verë? Botuesit japin sugjerime për qytetarët

15:32 Kulturë

Corriere Della Sera shpreh ngushëllimet e saj për vdekjen e Ismail Kadaresë

15:29 Kulturë 2 komente

Gazeta "New York Times" shkruan për vdekjen e Ismail Kadare

15:16 Kulturë

“Letërsia është dashuria më e madhe, e pakrahasueshme me asgjë në jetën time”/ AFP ripublikon intervistën me Kadarenë në shtëpinë e tij: Jemi bij të artit

15:01 Kulturë

FOTO LAJM: Dalja e fundit publike e Ismail Kadaresë, duke pirë kafen në vendin e tij të preferuar

14:43 Kulturë 2 komente

“Iku i lumtur”, Bujar Hurdhri tregon për gjendjen shëndetësore të Ismail Kadaresë para se të ndërronte jetë: Ishte i dobët fizikisht

13:27 Kulturë

The Guardian: Ndahet nga jeta Ismail Kadare, gjiganti i letërsisë shqipe

13:22 Kulturë

Vdekja e autorit

12:40 Kulturë 16 komente