Grupi i Polifonisë i TKOB mban koncert në Itali

Iso-polifonia, zëri i lashtë i Shqipërisë, kaloi kufijtë për të jehuar në Itali.

Grupi i Polifonisë i Ansamblit Kombëtar të Këngëve dhe Valleve Popullore të TKOBAP mori pjesë në Piccolo Opera Festival 2026, ku prezantoi pasurinë e jashtëzakonshme të iso-polifonisë shqiptare, të shpallur Pasuri Botërore nga UNESCO.

Koncerti solli një repertor këngësh tradicionale shqiptare, përfshirë “Vajzë e valave”, “Tundu bejk e bardhë”, “Atje te ura mbi lumë” dhe “Janinës ç’i panë sytë”. Organizatorët falënderuan edhe famullinë e Brazzano-s për bashkëpunimin në realizimin e këtij aktiviteti kulturor.

Koncerti u prit si një prezantim i rëndësishëm i kulturës muzikore shqiptare në një skenë ndërkombëtare, duke theksuar vlerën dhe veçantinë e iso-polifonisë në trashëgiminë botërore. Aktiviteti u zhvillua në Kishën Santo Stefano Protomartire në Giassico (Cormòns), ku tingujt autentikë të traditës shqiptare u bënë pjesë e këtij festivali prestigjioz ndërkombëtar që promovon muzikën vokale dhe traditat e popujve.

Ashtu si laitmotivi qe mban festivali, “Ku ka pasion, aty është energjia jonë”, ashtu dhe trupa e TKOBAP prezantoi me pasion dhe energji, Shqipërinë, në Gorizia.

Ky ishte një tjetër udhëtim i trashëgimisë sonë kulturore, që dëshmon se iso-polifonia shqiptare vazhdon të bashkojë kultura dhe të emocionojë publikun kudo në botë.

Piccolo Opera Festival do të vijojë deri më 5 korrik. Tema e këtij viti është “Libertà” (Liria) dhe programi përfshin opera, projekte të reja dhe shfaqje në vende jotradicionale si kështjella, teatro të hapura dhe hapësira historike në Gorizia, Nova Gorica, Trieste dhe zonat përreth.

Sipas organizatorëve, festivali synon të bashkojë artin me hapësirat kulturore të rajonit. A.K./TemA

Surprizë në Sunny Hill: Lewis Capaldi vjen për herë të parë në Kosovë, fansat në "festë!"

22:07 Kulturë

Autoriteti i Dosjeve hap debatin shkencor mbi mekanizmat e diktaturës - Mbahet Konferenca "Aspekte të përndjekjes politike të ish-sigurimit të shtetit shqiptar (1944-1991)

21:20 Kulturë 1 koment

“E treta, e vërteta” e Festivalit “Jehona e Vjosës”

20:31 Kulturë

Festivali Ballkanik i Filmit dhe Kulinarisë ul siparin!

17:08 Kulturë

Zhvillohet ekspozita "Lin in Aqua 2" në Pogradec

15:07 Kulturë

"Odisea" e Nolan, filmi më i kontestuar i vitit, pse po zemërohen konservatorët?

13:02 Kulturë

Muzeu Historik Kombëtar: Kontributi i Robert Elsie kaloi kufijtë e librit

11:43 Kulturë

Shkodër/ Rriten vizitorët te Muzeu “Marubi”

11:01 Kulturë 1 koment

Kryetari i Akademisë së Shkencave të Shqipërisë, akad. Skënder Gjinushi, takoi dr. Bruno Kragić, drejtorin e Rrjetit Evropian të Enciklopedive

10:34 Kulturë 1 koment

FOTOT: Në FSHS ka nisur Konferenca Ndërkombëtare Shkencore "Aspekte të përndjekjes politike të ish-Sigurimit të Shtetit Shqiptar (1944–1991)"

10:25 Kulturë