Te fundit
Ndahet nga jeta gjuhëtari i njohur, i ati i Benet Becit!
21 Gusht 2023, 10:19Kulturë
TEMA
Ndahet nga jeta gjuhëtari Bahri Beci, i ati i Benet Becit dhe anëtar i Akademisë së Shkencave dhe anëtar i jashtëm i Akademisë së Shkencave dhe Arteve të Kosovës.
Lajmi i hidhur u bë i ditur nga djali i tij, kryebashkiaku i Shkodrës, Benet Beci.
“Të dashur miq, Me dhembje e hidhërim ju njoftojmë që babai ynë, Bahri Beci, ndërroi jetë. Faleminderit babë për kujtimet e bukura e emrin e mirë që na le, për këshillat e urtësinë tënde, për konsistencën e racionalitetin tënd, për arsyetimin e shembullin me të cilin na udhëhoqe e na bëre krenarë.
Ditën e martë, homazhet do të mbahen në Akademinë e Shkencave, në orën 9:00-11:30, ndërsa përcjellja e fundit për në varrezat e Sharrës në orën 12:00. Pritjet do të bëhen të martën, 22 gusht në orën 17:00-20:00, e më pas të mërkurën dhe të enjten në oraret 9:00-13:00 dhe 17:00-20:00 në Hotel Sheraton. Entela dhe Beneti”- shkroi Benet Beci.
Bahri Beci u lind në Shkodër në vitin 1936, në një familje me tradita atdhetare. Menjëherë pas mbarimit të studimeve universitare (1958) u emërua kërkues shkencor në Institutin e Gjuhësisë e Letërsisë, ku kreu detyra të rëndësishme drejtuese, si përgjegjës sektori e drejtues projektesh, sekretar shkencor dhe drejtor.
Në funksion të qëllimit të formimit të një brezi të ri studiuesish Bahri Beci u dërgua për specializim në Paris, ku mbrojti doktoratën me temën Le système vocalique et consonantique du parler de la ville du Shkodra / “Sistemi zanor dhe bashkëtingëllor i së folmes së qytetit të Shkodrës.
Më pas, me kthimin në Tiranë, përfundoi disertacionin e shkallës së parë me studimin ”Të folmet e gegërishtes qendrore” dhe disertacionin e shkallës së dytë me studimin “Të folmet veriperëndimore të shqipes dhe sistemi fonetik i të folmes së Shkodrës”.
Veprimtaria universitare e Bahri Becit shtrihet në disa vende, duke përfshirë Institutin e Gjuhëve dhe Qytetërimeve Orientale në Paris INALCO.
Bahri Beci është anëtar i Akademisë së Shkencave të Shqipërisë (2008) dhe anëtar i jashtëm i Akademisë së Shkencave dhe Arteve të Kosovës dhe i redaksisë së Atlas Linguorum Europae (ALE).
Fusha kryesore e veprimtarisë shkencore-kërkimore të Bahri Becit ka qenë historia e dialekteve dhe nëndialekteve të shqipes. Brenda kësaj problematike vend qendror zunë studimet dialektologjike për të folmet veriperëndimore dhe qendrore të shqipes (Shkodër, Dibër).
Bahri Beci mori pjesë si delegat dhe nënshkrues i Rezolutës së Kongresit të Drejtshkrimit (1972) dhe është autor i dy studimeve monografike për proceset njësuese në formimin e shqipes letrare të sotme. Si studiues në gjuhësinë ballkanologjike Bahri Beci ka lënë gjurmë me kontributet për pozicionin e shqipes në lidhjen gjuhësore ndërballkanike.
Beci sintetizoi arritjet e punës së tij në vepra me karakter normativ. Vepra shkencore e Bahri Becit karakterizohet nga sinergjia e studiuesit në ekspeditë kërkimore dhe njëherësh në një proces formimi të thelluar bashkëkohor perëndimor.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Respekt per profesorin dhe studiuesin e njohur,Bahri Beci.Nje kontributor i shquar ne studinin e shqipes dhe te dialekteve te saj.Nje personalitet qe do i mungoje gjuhesise sone.Ngushellime familjes!
Po, Bahri Beci eshte emer i degjuar i Gjuhesise sone,.Ka qene gjithmone emer elitar ne shkencen tone te gjuhesise . I qofte dheu i lehte !' Ngushellime te sinqerta famijareve te tij !
U nda nga jeta gjuhetari i njohur por aq i njohur ishte saqe gazeta nuk denjon ti vendosi emrin ne titull. Poor, e cileson si babai i x apo y. Niveli profesional gazetaresk ka zbritur edhe me posht se gropat septike. Me vendosni mua redaktor aty po nuk i bera te gjithe te flen me makthe per cdo gabim trashanik ne cdo artikull qe postoni!
Gazetarë shpellarë, te ndjerit Bahri Becit do ti vinte peshtire qe te lexonte keto qe shkruani ju. Që në titull ju nuk e keni idene se çfare shkruani. Vendoset emri i personit qe flitet dhe jo te vihen, si zakonisht nga ju, shprehje te tilla si... i njohur...shume i njohur..dhe ne rastin e sotem shkruani "i ati i Benet Becit. Shikoni si shkruani: "Bahri Beci është anëtar i Akademisë së Shkencave të Shqipërisë...". Personi ne fjale nuk jeton me dhe nuk shkruhet "është" por shkruhet "ishte". Bahri Beci i urohet qe ta kete dheun e lehte!
Për mua Benet Beci ishte i panjohur, Bahriun e njoh që disa dekada. Tash e mora vesh se Beneti qenka i biri i Bahriut. Ngushllime familjes!
Barium mund te jete gjuhetar I njohur, padyshim. Por I biri Benet Beci eshte emblema e hajduterise se fondeve publike. Eshte historia e hajdutit shteteror te pakapshem Bindshem le mbrapa konkurente autoritare si B.Gonxhe, A.Lame, A.Shkreli, A.Greca, deri rrezikon edhe kurrorën e Ahmetajt, Shalësit, Tualetit dhe Spirokaripalit. Prandaj eshte shume here me I njohur se I shkreti Bahri RIP.