Te fundit
Gjyqi për ish-krerët e UÇK në Hagë, Rama: Nuk ka forcë në këtë tokë që e mund UÇK-në, e papranueshme që gjykohen si kriminel lufte
5 Prill 2023, 09:13Politika
TEMA
Kryeministri Edi Rama e konsideron “kafshatë të vështirë” gjyqin që zhvillohet në Hagë ndaj ish-krerëve të UÇK-së. Ai thotë se lufta e Ushtrisë Çlirimtare dhe popullit të Kosovës nuk mund të njolloset dhe të bëhet kriminale nga asnjë lloj vule.
“Nuk ka forcë në këtë tokë që e mund UÇK-në dhe që e bën kriminale me asnjë lloj vule, në asnjë lloj instance luftën për liri të UÇK-së dhe të popullit të Kosovës. Në fund UÇK-ja do fitojë përsëri”, thotë ndër të tjera Rama në “Opinion”.
Video-mesazhi i Ramës :
Nuk ka asnjë dyshim që gjyqi ndaj Hashim Thaçit dhe udhëheqësve të tjerë të UÇK-së në Hagë është një kafshatë tejet e vështirë për t’u kapërdirë, tejet e vështirë. Aq më tepër kur mendon që ajo gjykatë nisi të marri jetë si ide bazuar mbi një raport të mbushur me trillime për të kriminalizuar UÇK-në, luftën çlirimtare të Kosovës. Bazuar në fantazira që do t’i shkonin filmave të kategorisë së tretë të hollivudit, po nuk mund t’i shkojnë kurrë kurrë Këshillit të Europës, trafik organesh njerëzore nga ushtarët, nga komandantët, nga drejtuesit e UÇK.
Diçka që nuk ka ndodhur kurrë, diçka për të cilën nuk ka pasur kurrë asnjë provë, diçka që është shkruar e bardha mbi të zezë, ama si një fakt dhe është miratuar me kërkesën e delegacionit rus dhe pastaj me një numër të madh votash ku lavdi për hir të vërtetës PS në këtë rast, vota jonë atëherë në opozitë nuk është bashkuar dhe ja ku jemi sot.
Ja ku jemi sot, është vërtetë e dhimbshme por nga ana tjetër është tanimë një proces ku mesa duket ishte e shenjuar në fatin e Hashim Thaçit dhe të tjerëve që jo vetëm të ndërmerrnin nismën më të çmendur, më të pabesueshme dhe më praktikisht të papranueshme në kohën kur u ndërmor për të marrë armët për të çliruar tokën e tyre, por dhe të përballin sot nismën më të çmendur, më të pabesueshme dhe më të papranueshme për t’u gjykuar si kriminel lufte.
Vetëm një gjë dua ta them në fund dhe ju siguroj që nuk e them si një fjalë që duhet thënë në fund, as si një përpjekje për vetëngushëllim. Nuk ka forcë në këtë tokë që e mund UÇK-në dhe që e bën kriminale me asnjë lloj vule, në asnjë lloj instance luftën për liri të UÇK-së dhe të popullit të Kosovës. Në fund UÇK-ja do fitojë përsëri. Siç fitoi luftën me regjimin kriminal të Sllobodan Millosheviçit, do të fitojë dhe luftën me një padrejtësi të madhe ndërkombëtare.
12 Komente
Lini një Përgjigje
Më të lexuarat
24 oret e fundit
Javen e fundit
Blog Tema
ja kan futur kot kto te hages
gjykatsit e hages duhet ti shikojm me me vemendje keto tema dhe te marrin nje vendim me te mire
e vertet uckn nuk e mund dot askush
Kryeministri me i drejte
Bravo ju qofte zoti rama liria ka emer
Eshte vene re qarte qe ju si kryeminister i Shqiperise gjithmone keni qene ne mbeshtetje te Kosoves
Mbeshtetja e madhe qe po i jepni Kosoves eshte nje gje per tu vleresuar shume
e vleresojme shume mbeshtetjen qe po i jepni ish krereve te UÇK
I vetmi qe ka ngritur zerin per Kosoven
Shume mire e ka then rama. Keshtu duhet te flitet per UCK.
Rama respekte... Vetem fjale te mira po flet per UCK
Rama mbledh kepurdhat qe sjell shiu. Nuk ka dale kot ne pyll.