Hakmarrje në PD/ Statuti i miratuar nga gjyqtari i Berishës përjashton rrethin e Bashës nga Kuvendi Kombëtar, në shënjestër njerëzit në Kryesi dhe Këshillin Kombëtar

Vendimi i diskutueshëm i gjyqtarit të Tiranës Agron Zhukri, i cili i dorëzoi Partinë Demokratike dhe vulën e saj Sali Berishës, do të pasjellë rikonfigurime dhe përjashtime në bllok nga forumet e larta vendimmarrëse të PD-së. Vendimi i gjyqtarit Zhukri hedh poshtë statutin aktual të PD-së, duke konfirmuar statutin që u miratua në Kuvendin e 11 dhjetorit 2021, i cili konsiderohet edhe si statuti i linjës së Berishës. Ky dokument, përpos të tjerave, parashikon përjashtimin në bllok të rrethit dhe lidershipit të Lulzim Bashës nga Kuvendi Kombëtar i Partisë Demokratike.

Konkretisht, sipas statutit të Foltores, nuk do të jenë më pjesë e Kuvendit Kombëtar të PD-së të gjithë funksionarët aktualë së selisë blu, të cilët përbëjnë rrethin e bashkëpunëtorëve të Lulzim Bashës. Statuti i PD-së, i miratuar në korrik të vitit 2021 dhe i ndryshuar në 18 dhjetor 2021, (neni 43, pika 1 shkronja ‘e’), parashikonte që funksionarët e PD-së ishin pjesë e Kuvendit Kombëtar. Kjo pikë është hequr nga statuti paralel i miratuar në Kuvendin e 11 dhjetorit, dokument i cili u konfirmua nga gjyqtari Zhukri.

Jo vetëm kaq, por statuti i Foltores përjashton në bllok nga Kuvendi Kombëtar i PD-së kryetarët e seksioneve të Partisë Demokratike, sekretarët e grupseksioneve, anëtarët e kryesive të degëve dhe anëtarët e bordit të këshilltarëve të degës. Anëtarët e këtyre organeve lokale të partisë, të skeduar si njerëz të Bashës bashkë me krerët e degëve, përbënin shumicën e anëtarëve të Kuvendit.

Po pse është kaq i rëndësishëm Kuvendi Kombëtar sipas statutit të Foltores?

Kuvendi Kombëtar i PD tashmë me statutin e ri mund të shkarkojë çdo anëtar të Këshillit Kombëtar, kompetencë të cilën nuk ne kishte më parë. Kuvendi zgjedh anëtarët e Këshillit Kombëtar. Duke pasur në dorë Kuvendin Kombëtar, Berisha ka mundësi të kontrollojë shumë shpjet Këshillin Kombëtar

Nga ana tjetër, Këshilli Kombëtar mund të emërojë dhe shkarkojë sekretarin e Përgjithshëm të PD-së, anëtarët e Kryesisë së PD-së, nënkryetarët, sekretarët, anëtarët e komisioneve dhe bordeve të partisë. Këshilli Kombëtar miraton gjithashtu koalicionet, kandidaturat elektorale si dhe vendos masa disiplinore. Pra, kush kontrollon shumicën në Këshillin Kombëtar, mund të diktojë edhe kryesinë e PD-së, bordet dhe komisionet, aleancat dhe kandidaturat elektorale.

Përbërja e Kuvendit Kombëtar sipas statutit të PD (Berisha)

Kuvendi Kombëtar është organi më i lartë vendimmarrës i Partisë, që përbëhet nga 1100 anëtarë, të cilët zgjidhen nga kuvendet e degëve të PDSH sipas një numri të përcaktuar për çdo degë nga Kryetari e PDSH. Listën e kandidaturave për delegatë në Kuvendin Kombëtar paraqitet në Kuvendin e degës nga kryesia e saj.

Janë delegatë të Kuvendit Kombëtar:

a) Anëtarët e Këshillit Kombëtar të Partisë Demokratike;

b) Anëtarët e Kryesisë së Partisë;

c) Deputetët e Partisë Demokratike në Kuvendin e Shqipërisë;

ç) Anëtarët e qeverisë që janë anëtarë të PDSH-së;

d) Kryetarët e Bashkive, Prefekti, Kryetari i Qarkut, anëtarë të PDSH-së;

dh) Një numër përfaqësuesish të organizatave partnere në numër të barabartë, jo më shumë se 10 për qind e numrit të anëtarëve të tjerë të Kuvendit Kombëtar.

Përbërja e Kuvendit Kombëtar sipas statutit të PD (Basha)

1. Kuvendi Kombëtar është organi më i lartë vendimmarrës i Partisë, që përbëhet nga:

a) Kryetarët e seksioneve të Partisë Demokratike dhe sekretarët e grupseksioneve të Partisë Demokratike;

b) Anëtarët e Kryesive të degëve, përfshirë anëtarët e Bordit të Këshilltarëve të Degës;

c) Anëtarët e Këshillit Kombëtar të Partisë Demokratike;

ç) Anëtarët e Kryesisë së Partisë;

d) Deputetët e Partisë Demokratike në Kuvendin e Shqipërisë;

dh) Kryetarët e Bashkive, Prefekti, Kryetari i Qarkut, dhe këshilltarët vendorë, anëtarë të PDSH-së;

e) koordinatorët tematikë apo koordinatorët e procesit zgjedhor në Degët e Partisë Demokratike, si dhe funksionarët e Selisë Qendrore të Partisë Demokratike;

ë) Një numër i kufizuar përfaqësuesish të organizatave partnere në numër të barabartë jo më shumë se 5 për qind e numrit të anëtarëve të tjerë të Kuvendit Kombëtar./ Shqiptarja.com

"Fansi" i Berishës: Boll na servirët lajme për AliBashën, shpejt të shpëtojmë demokracinë se s'ka kohë

15:47 Politika 7 komente

U dorëhoq në Janar, Flamur Noka rikthen në punë rojen e PD: Nga sot je në krye të detyrës, ndryshimi po vjen

15:40 Politika 1 koment

Rikthimi në seli, Edi Paloka: Nxirrini prej b***e jashtë këta organizatorët e protestave për çmimin e naftës

15:28 Politika 5 komente

PD reagon per sulmin ndaj Bushatit:"Kush mendon se mund të përkulë demokratët me sulme direkte ose indirekte, i ka bërë llogaritë gabim!"

13:09 Politika 3 komente

Noka nuk mohon takimin e gjyqtarit Zhukri me anëtarë të “Rithemelimit”: Nuk përbën krim janë njerëz të lirë

13:08 Politika 2 komente

Anëtarët e “Rithemelimit” për inspektim në PD: Do heqim dyert e blinduara, të kthehet nga bunker në shtëpinë e demokratëve

12:42 Politika 3 komente

Shpërthimet me eksploziv në Shkodër, Spahia: Sulme të tilla rrisin pasigurinë, qyteti nuk i përkulet krimit

12:25 Politika 6 komente

Ringritja e PD-së e vështirë pa njohur shkakun e krizës, dy skenarët e pritshëm

10:59 Politika 2 komente

Sulmi me eksploziv ndaj biznesit të Xhemal Bushatit, reagon PD: Kush mendon se mund të përkulë demokratët, i ka bërë llogaritë gabim

10:41 Politika 8 komente

Shpallja “non grata” e Berishës, Topalli: SHBA ka aftësi për të korrigjuar veten

10:22 Politika 90 komente