Te fundit
Kryebashkiaku i Vorës i përgjigjet akuzave të opozitës për votimin elektronik: Procesi ishte i rregullt, qytetarët votuan për ndryshimin
19 Maj 2023, 14:38Politika
TEMA
Kryetari i zgjedhur i Bashkisë së Vorës, Blerim Shera foli lidhur me kontestimet e opozitës për votimin elektronik duke thënë se procesi ishte në rregull.
Në një intervistë për ‘Sot Live në Shqipëri’, Shera tha se qytetarët e Vorës e kishin ndarë mendjen që do të votonin për ndryshimin.
“Qytetarët e Vorës e kishin për herë të dytë votimi elektronik, ky proces ishte i rregullt dhe çdo kush ka të drejtë të ankimojë të bëjë ca të dojë, po qytetarët e Vorës e kishin ndarë mendjen. Sot jemi duke ndjekur punimet për dy rrugë të reja, jemi çdo ditë në terren.
Është një nga proceset më të qeta, sidomos në bashkinë e Vorës. Falënderoj qytetarët e bashkisë Vorë për të gjithë përkrahjen dhe mbështetjen dhe për të vazhduar punët e nisura për të ecur përpara”, tha ai.
Ndonëse kanë marrë shumicën edhe në Këshillin Bashkiak, Shera tha se do t’i shtrijë dorën e bashkëpunimit përfaqësuesve të të gjitha palëve për të mirën e qytetarëve të Vorës.
“Ne do bashkëpunojmë me këdo, me çdo qytetar e çdo anëtar të këshillit sepse kemi një qëllim për të mbrojtur interesat e qytetarëve. Pse jo për të mirën e vendit ku ne jetojmë, ku rrisim fëmijët tanë ia shtrijmë dorën e bashkëpunimit kujtdo”, u shpreh ai.
Blerim Shera kandidoi nën siglën e PS dhe fitoi përballë kandidatit të Bashkë Fitojmë Indrit Hoxha. Shera mori 9638 vota, ndërsa Hoxha vetëm 3471 vota. PS fitoi 53 bashki në të gjithë vendin.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Hapni kutite.
Ik more budalla se aq din.Te kane vene nje pershesh perpara,ha dhe mos u ndje. Fitove me votim online. Pse u takua kryehajduti me Alex Soros fill pas zgjedhjeve. Kur nuk din gje ma gjate ma mire mos fol .