Te fundit
Në Gjermani secili për vete, Peleshi dhe demokratët me agjenda të ndryshme në Berlin
18 Mars 2026, 18:00Politika
TEMA
As Gjermania nuk arrin të bashkojë demokratët dhe socialistët. Këtë javë, deputetë nga të dyja krahët fluturojnë drejt Berlinit, një pjesë e tyre për takime zyrtare në Bundestag, ndërsa pjesa tjetër për takime me partinë simotër të CDU-së.
Burime për A2CNN bëjnë me dije se në delegacionin e Parlamentit, kryetari Niko Peleshi ka marrë me vete tre socialistë: Taulant Ballën, Erion Malajn dhe Iris Luarasin. Ndërsa nga opozita ka përzgjedhur Edmond Haxhinaston e Partisë së Lirisë dhe Redi Muçin e Lëvizjes Bashkë.
Në këtë delegacion mungon përfaqësimi i Partisë Demokratike, të cilët, të pyetur nga A2CNN, shprehen se nuk janë thirrur nga Kryetari i Kuvendit. Për këtë mungesë, Niko Peleshi dha një shpjegim kur u kontaktua nga A2.
Niko Peleshi, Kryetar i Kuvendit:
“Kemi dy deputetë të opozitës. E gjykoj të arsyeshme të përfshij deputetë të ndryshëm nga të gjitha krahët e politikës në delegacionet e vizitave zyrtare”.
Delegacioni i Parlamentit gjatë ditës së enjte do të ketë takime me Presidenten e Bundestagut, me grupin e miqësisë Shqipëri–Gjermani, si dhe me kryetarin e Komitetit për Çështjet Evropiane.
Edhe pse Peleshi nuk i ka përfshirë në delegacionin zyrtar, tre deputetë të PD-së – Gazment Bardhi, Jorida Tabaku dhe Klevis Balliu, ndodhen në Berlin për takime me përfaqësues të CDU-së.
Kreu i grupit demokrat shkroi në rrjetet sociale pas takimit me zëvendëskryetaren e Grupit Parlamentar të CDU-së në Bundestag, përgjegjëse për çështjet europiane, se Shqipëria ndodhet në një udhëkryq sa i përket integrimit.
Gazment Bardhi, kryetar i grupit të PD-së:
“Lufta kundër korrupsionit mbetet sfida kryesore që pengon avancimin real të vendit drejt Bashkimit Europian. Një kulturë politike që shndërrohet në mburojë për korrupsionin jo vetëm dëmton besimin e qytetarëve, por edhe bllokon progresin e Shqipërisë në rrugën e integrimit”.
Shqipëria po kalon një moment të vështirë në Bruksel, pasi disa vende anëtare me peshë në vendimmarrjet e BE-së, mes të cilave raportohet se është edhe Gjermania, nuk po japin miratimin që vendi ynë të marrë një vlerësim pozitiv për standardet e ndërmjetme në fushën e shtetit të së drejtës dhe funksionimit të demokracisë, i njohur ndryshe si IBAR.
Sipas burimeve, ky skepticizëm lidhet me zhvillimet e fundit në Shqipëri dhe me vendimin që mori mazhoranca socialiste ndaj kërkesës së SPAK për imunitetin e ish-zëvendëskryeministres Balluku.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
kestu ka qene Gjithmone,,,,Nuk kane then me kote Shqipetaret e ditur :Selanike e perpjete sic ka qene do te jete"...... 1-Edhe ne Konferencen e Ambasadoreve ne Londer kur u ndane Trojet Shqipetare nuk ishte vetem nje Delegacjone qe Perfaqesonte Interesat e Shqiperise dhe Shqipetare, por ishin 3-Delegacjone... nga ku vetem Delegacjoni i Ismail Qemalit.me Luigje Gurakuqin dhe Isa Boletinin KERKONIN Trojet e Shqiperise Etnike..dy te Tjerat kerkonin Jugun njeri me Greqine..si dhe Veriun me Malin e Zi... edhe sote:Politikane te Ndyre dhe Peshitre, mbase me pake keta te PS-s...por nuk munde te gjendet nje Gjuhe e PerbASHKET???Ne se ka Ndaresi ato le te jene te Brendshme..por edhe ne Europe dhe Bote.... Nuk ka Vdekje Sali Mortja...