Te fundit
Sekuestrimi i pasurive nga SPAK, Jamarbër dhe Argita Malltezi bëjnë rekurs në Gjykatën e Lartë
17 Shkurt 2024, 15:00Politika
TEMA
Jamarbër dhe Argita Malltezi kanë bërë rekurs në Gjykatën e Lartë, duke kundërshtuar vendimin e SPAK, për sekuestrimin e pasurive.
Sipas gazetares Anila Hoxha, çështja është regjistruar në Gjykatë në 14 shkurt, ndërsa ende nuk është bërë e ditur data e gjyqit.
Dhëndrit të ish-kryeministrit Sali Berisha i janë sekuestruar asete pasurore, mes tyre llogari bankare, vilë, apartamente, por edhe aksione të shoqërive që janë nën hetim për dosjen e privatizimit të kompleksit Partizani. Malltezi më herët ka bërë kërkesë në Gjykatën e Posaçme të Apelit për kthimin e celularit, kompjuterit dhe sendeve të tjera të sekuestruara nga SPAK, por i është refuzuar.
Një rekurs tjetër, Malltezi e ka dërguar në Gjykatën e Lartë, për kundërshtimin e masës “arrest në shtëpi”, ku nga ana tjetër Prokuroria e Posaçme ka bërë rekurs për rikthimin në burg të tij, që do të mbahet më 5 mars në orën 12.30.
Ndaj Malltezit, rëndojnë akuzat e “Korrupsionit pasiv të funksionarëve të lartë ose të zgjedhurve vendorë” dhe “Pastrimi i produkteve të veprës penale apo veprimtarisë kriminale” që lidhjen me privatizimin e ish-klubit Sportiv Partizani.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ato qe kane off-shore keta as nuk dihet ku jane besoj?
Pasurite tona te vena me djersen e ballit nuk na i ka sekuestron dot kush; ato do te na kthehen shume shpejt, sa te mbarojme pune me Ukrainen dhe Bosnje-Hercegovinen.
Kanë të drejtë, se kjo është padrejtësi e madhe.Jemi në demokraci dhe jemi të lirë të vjedhim,korruptojmë bastardojmë gjykatat dhe administratën shteterore,të grabisim pronat e shtetit ,etj.Ndryshe mund t'ju akuzojmë se keni shkelur të drejtat e njeriut shpellar dhe hajdut non grata.