Escobar: Normalizimi i marrëdhënieve Kosovë-Serbi është një ‘arritje e madhe’! Të zbatohet marrëveshja deri në fund të verës

I dërguari i posaçëm i Shteteve të Bashkuara të Amerikës (SHBA) për Ballkanin Perëndimor, Gabriel Escobar, vlerësoi se marrëveshja për normalizimin e marrëdhënieve ndërmjet Beogradit dhe Prishtinës është një “arritje e madhe” dhe se ajo paraqet një “hap historik përpara” në zhvillimin e marrëdhënieve ndërmjet Serbisë dhe Kosovës.

Në një intervistë për agjencinë Mina, Escobar tha se “nuk sheh arsye” pse marrëveshja për çështjet e mbetura të mos mund të arrihet deri në fund të verës, transmeton Beta.

Siç tha ai, në Serbi ka disa elemente që duhet të plotësohen sa i përket njohjes së targave të veturave, letërnjoftimeve dhe disa gjërave të tjera.

“Edhe nga Kosova pritet të formojë Asociacionin e komunave me shumicë serbe. Më falni, kjo nuk është pritje. Është obligim”, tha Eskobar.

Ai tha se Shtetet e Bashkuara duan që këto procese të zhvillohen sa më shpejt që të jetë e mundur.

“Nuk shoh asnjë arsye pse të mos mund të përfundojë deri në fund të verës”, tha Escobar.

Ai përkujtoi se marrëveshja mes dy palëve është ligjërisht e detyrueshme dhe se tani shtrohet pyetja se si të zbatohet plotësisht.

Escobar tha se është optimist se qëllimi do të arrihet dhe beson se kryeministri i Kosovës, Albin Kurti dhe presidenti i Serbisë, Alleksandar Vuçiq “mund të tregojnë guximin e nevojshëm politik për të ndërmarrë hapat e duhur”.

Më 27 shkurt, Kosova dhe Serbia arritën Marrëveshjen për normalizimin e marrëdhënieve në Bruksel, ndërsa më 18 mars, në Ohër, u pajtuan për aneksin për zbatimin e saj./ REL

Zgjedhjet në Greqi/ Shtatë kandidatë shqiptarë në garë, pjesëmarrja 31.52%

14:47 Rajoni

Qëlluan me kallashnikov drejt policisë, arrestohen pesë vëllezërit shqiptarë

13:24 Rajoni

“Një ditë edhe më e mirë do të vijë”, Mitsotakis voton bashkë me fëmijët

11:28 Rajoni

Shitblerje votash në Greqi/ Arrestohen në flagrancë pesë persona, u kapën me mbi 6 mijë euro në çantë

11:16 Rajoni 12 komente

Pse masakrat e fundit nuk do ta ndryshojnë kulturën e mbajtjes së armëve në Serbi?

10:57 Rajoni

Zgjedhjet në Greqi, Fatos Malaj thirrje shqiptarëve me nënshtetësi greke: Votoni

10:44 Rajoni

Zgjedhjet në Greqi, Tsipras: Të lëmë pas një qeveri arrogante

10:25 Rajoni

Greqia voton: Premtimet parazgjedhore dhe realiteti

10:06 Rajoni

Zgjedhjet në Greqi: Qytetarët votojnë për qeverinë e re, në garë edhe 7 shqiptarë

09:20 Rajoni 1 koment

“Viza e Artë” në Greqi – 1.5 miliardë euro xhiro brenda 12 muajsh

22:40 Rajoni