Sulmi ndaj policisë së Kosovës, Kurti: Akt terrorist, krimi i organizuar nga Beogradi po sulmon shtetin tonë

24 Shtator 2023, 09:47Rajoni TEMA

Sulmi ndaj policisë së Kosovës, Kurti: Akt terrorist, krimi i

Kryeministri i Kosovës, Albin Kurti ka reaguar për vrasjen e policit në veri të Kosovës duke e konsideruar një akt terrorist.

Kurti shkruan ne Facebook se “krimi i organizuar me mbështetje politike, financiare dhe logjistike nga Beogradi zyrtar po e sulmon shtetin tonë.”

“Të dashur qytetarë. Rreth orës 3 të mëngjesit sot, në fshatin Banjska të Leposaviqit, është sulmuar policia e Kosovës me ç’rast është vrarë një polic i Kosovës dhe një tjetër është plagosur.

I vrari është polic i rendit me gradën rreshter, kurse i plagosuri është pjesëtar i policisë kufitare. Në këto momente ende vazhdojnë gjuajtjet me armë zjarri të kalibrave të ndryshëm mbi policinë tonë. Sulmuesit janë profesionistë me maska e të armatosur edhe me armë të rënda.

Ne e dënojmë këtë sulm kriminal e terrorist. Krimi i organizuar me mbështetje politike, financiare dhe logjistike nga Beogradi zyrtar po e sulmon shtetin tonë. Në këtë betejë ne mbrojmë dhe zbatojmë ligjin, mbrojmë dhe ruajmë qytetarët pa dallim dhe Kosovën e pavarur.

Kriminelët ekzekutorë dhe urdhërdhënësit e tyre do të dështojnë, do të kapen, gjykohen e dënohen. Qeveria e Republikës së Kosovës dhe institucionet e shtetit janë të gatshme dhe të bashkërenduara për t’iu përgjigjur krimit dhe kriminelëve, terrorit dhe terroristëve. Policia e Kosovës e ka njoftuar familjen e policit të vrarë A.B.

Polici i plagosur është jashtë rrezikut për jetë. Ngushëllime familjes dhe të gjithëve për policin tonë të vrarë. Shërim të shpejtë e të plotë policit të plagosur”, shkruan Kurti.

1 Komente

  1. Flisni aresyes!

    Kujde! Provokimi ka ardhe nga Albini sepse ka kaq kohe kunder te gjitheve. Albini do paqe dhe ta bejne kancelar te Ballkanit e Vjosen ta çojne ne Vjose. Ngushellime familjes policit te vrare.

    Lini një Përgjigje