VIDEO/ Mijëra qytetarë mblidhen në Prishtinë kundër "padrejtësive" në Hagë, kërkojnë lirimin e krerëve të UÇK-së

Mijëra qytetarë janë mbledhur të enjten në sheshin “Skënderbeu” në Prishtinë për të protestuar kundër asaj që e quajnë padrejtësi nga Gjykata e Hagës ndaj ish-krerëve të Ushtrisë Çlirimtare të Kosovës (UÇK). Protesta, e thirrur nga veteranët, ka mbledhur pjesëmarrës nga të gjitha trojet shqiptare, përfshirë edhe qytete të Maqedonisë së Veriut.

Protesta synon të shprehë pakënaqësinë ndaj procesit gjyqësor ndaj ish-presidentit Hashim Thaçi, ish-kryetarit të Kuvendit Kadri Veseli, Jakup Krasniqit dhe Rexhep Selimit.

Profesori Arsim Bajrami, në një intervistë për mediat, theksoi se në Hagë po gjykohet “historia e Kosovës dhe procesi i shtetndërtimit”. Sipas tij, në vend të veteranëve, në protestë do të duhej të ishte shteti i Kosovës.

Ndërkohë, bashkëshortja e Jakup Krasniqit, e cila i ishte bashkuar protestës, u shpreh se “në emër të popullit duhet të ketë gjykim lirues”. Ajo shtoi se është populli që vendos për çlirimtarët dhe jo gjykatat.

Vasfije Krasniqi, e mbijetuar e dhunës seksuale gjatë luftës, gjithashtu ishte pjesë e protestës. Ajo e cilësoi atë si një “mënyrë për të mbrojtur vlerat tona kolektive”. Për të, vlera e UÇK-së nuk ka ndryshuar asnjëherë dhe shprehu krenarinë e saj për këtë ushtri.

Protestës i janë bashkuar edhe figura të tjera publike, si ish-kryetari i Nismës Socialdemokrate, Fatmir Limaj, dhe kryetari i Rahovecit, Smajl Latifi. Ky i fundit e quajti protestën “gjithëpopullore” dhe theksoi se lufta e UÇK-së ishte “e drejtë, e pastër dhe e kulluar”.

Protestuesit kanë mbërritur në Prishtinë me autobusë nga qytete të ndryshme si Gjilani, Peja, Prizreni, Istogu e Suhareka. Ata kërkojnë lirimin sa më të shpejtë të ish-krerëve të UÇK-së, duke i cilësuar ata si heronj që kanë sakrifikuar për lirinë e shqiptarëve.

Në shesh janë dëgjuar këngë patriotike, duke i dhënë protestës një dimension emocional dhe simbolik.

“Kundër padrejtësisë, në mbrojtje të UÇK-së” - Mblidhen protestuesit kundër Gjykatës Speciale në Prishtinë

16:30 Rajoni 2 komente

1 ditë nga përfundimi i afatit, Ambasada britanike në Kosovë thirrje politikës: Të zbatohen vendimet e Kushtetueses

15:09 Rajoni

Iu hoq mandati si president dhe u dënua me burg, Rusia reagon pas vendimit për Dodik: Rrezikohet ekzistenca e Bosnjës

14:23 Rajoni 2 komente

Analiza e REL: Paraliza institucionale po e cenon shtetësinë dhe rendin kushtetues të Kosovës! A rrezikon ndërhyrje ndërkombëtare?

13:59 Rajoni 1 koment

Ministri serb pësoi goditje në tru gjatë intervistës ‘live’, Vuçiç publikon foto nga spitali: Darko i pathyeshëm

13:48 Rajoni

Vjosa Osmani publikon letrën e Trump: Fjalë të fuqishme! Mbetemi të përkushtuar për të thelluar aleancën tonë

12:45 Rajoni 2 komente

Lëkundje tërmeti në Greqi, ja ku ishte epiqendra

12:25 Rajoni

Dodik i drejtohet Gjykatës së Bosnjë e Hercegovinës, kërkon të zëvendësojë me gjobë dënimin me burgim

12:02 Rajoni

Kroacia prodhon dron luftarakë

10:42 Rajoni

Varka me turistë shqiptarë përplaset në bregun shkëmbor në Greqi, plagosen tre persona

09:18 Rajoni