Te fundit
Twitter pezullon llogaritë e ambasadave serbe në disa shtete
23 Gusht 2022, 11:54Rajoni
TEMA
Llogaritë të Twitter të ambasadave serbe në Armeni, Iran, Indonezi, Nigeri, Zimbabve, Gana dhe Kujvat edhe të Konsullatës së Përgjithshme në Çikago, janë pezulluar më 18 gusht.
Lajmi është bërë i ditur nga Ministria e Punëve të Jashtme të Serbisë, ku sqaron se pezullimi i tyre “u bë pa asnjë sqarim dhe pa asnjë njoftim paraprak që do të tregonte për ndonjë shkelje të mundshme të rregullave të komunikimit në këtë rrjet social”.
Ministria e Jashtme serbe e cilëson këtë si “të papranueshme për misionet diplomatike të një shteti demokratik që nuk është subjekt i asnjë sanksioni”.
Serbia ka kërkuar nga kompania Twitter që të zhbllokojë këto llogari.
Ministria e Jashtme serbe po ashtu tha se shpreson se pezullimi i llogarive “nuk është pjesë e përpjekjeve për të heshtur Serbinë në luftën për të vërtetën”, veçmas për situatën lidhur me Kosovën.
Pak ditë më parë kompania Twitter pezulloi llogaritë e disa deputetëve dhe politikanëve të Partisë Përparimtare Serbe, e cila është në pushtet në Serbi, dhe të një zyrtari qeveritar.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Twitter është rrjet social politik, por përbuzja që i bëri Vuçiç, kurtit, bëri që politika Amerikane të mbajë distanc nga kjo arrogance e panevojshme.