Përplasja për emigrantët, ministri i jashtëm britanik telefonon Ramën: Patëm një bisedë të sinqertë

5 Nëntor 2022, 09:17Sociale TEMA

Përplasja për emigrantët, ministri i jashtëm britanik

Ministri i Jashtëm britanik, James Cleverly ka deklaruar se ka pasur një bisedë “shumë të sinqertë” me kryeministrin shqiptar Edi Rama pas deklaratave të ministres së Brendshme Suella Braverman mbi numrin e emigrantëve shqiptarë që përpiqen të arrijnë në Mbretërinë e Bashkuar.

Rama akuzoi Braverman për “diskriminim” ndaj bashkatdhetarëve të tij për të shpërqendruar nga dështimet e politikës së saj pasi ajo ngriti çështjen në dhomën e deputetëve në fillim të kësaj jave, duke thënë se “Mbretëria e Bashkuar po vuante një pushtim”.

Duke folur nga një takim i ministrave të jashtëm të G7 në Gjermani, Cleverly i tha agjencisë së lajmeve PA se ata e kishin diskutuar këtë çështje kur ai foli me Ramën.

“Ne folëm për gjërat për të cilat ka folur Sekretarja e Brendshme. Që është numri shumë, shumë i konsiderueshëm i shqiptarëve që rrezikojnë veten e tyre në duart e trafikantëve. Sigurisht që kemi diskutuar situatën dhe bisedat që janë bërë në të dyja anët dhe deklaratat që janë bërë në të dyja anët.

Përfundimi është se unë dhe kryeministri patëm një bisedë shumë të mirë, një bisedë shumë miqësore dhe për shkak se kemi një marrëdhënie shumë të mirë pune, unë dhe ai patëm një bisedë të sinqertë”, tha ai.

Më herët, Downing Street këmbënguli se emigrantët “meritojnë të trajtohen me dhembshuri dhe respekt”.

4 Komente

  1. f
    fukaraji

    Anglia kerkon emigrante te zinj jo nga europa , mos ikni ne Angli....!!!

    1. S
      Sunitet nuk behen njerez, lloji i kafshes.....

      O cop cop,po a ka me te zi se nje turkoshqipfoles!?

      1. O
        Olti Hipopotam Curri

        O sunit grek po ku ka shqiptar me te zi se Mitsotakis.

    2. S
      Shqipe

      Se me ke me ngjan…,se me ke me ngjan…,kjo politike e felliqur e tyre me emigrantet shqiptar nuk me vjen ne mendje…,nuk me kujtohet…

      Lini një Përgjigje